Leitz Phone 3 ជំនាន់ថ្មីមួយទៀតនៃស្មាតហ្វូន Leica Leitz Phone 2 ដែលបានបង្ហាញខ្លួននៅក្នុងខែវិច្ឆិកាឆ្នាំ 2022 កន្លងទៅនេះ។ ស្មាតហ្វូននេះ គឺជាសមិទ្ធិផលថ្មីមួយ ដែលមានកិច្ចសហការរវាងក្រុមហ៊ុន Leica, Sharp និង SoftBank។ Leitz Phone 3 គឺជាស្មាតហ្វូននេះ ដែលមានការផ្តោតខ្លាំងទៅលើសមត្ថភាពនៃការថតរូបភាព និងកាមេរ៉ា Leica ដែលមានបំពាក់នៅលើស្មាតហ្វូននេះ។ ដូចគ្នាទៅនឹងស្មាតហ្វូនមុននេះដែរ ស្មាតហ្វូន Leitz Phone 3 នេះអាចរកទិញបាននៅក្នុងប្រទេសចិនបាន ចាប់ពីថ្ងៃទី 19 ខែមេសានេះ។ ក្រុមហ៊ុននេះមិនទាន់បានទម្លាយអំពីតម្លៃរបស់ស្មាតហ្វូននេះនៅឡើយទេ។
បើតាមការបញ្ជាក់ចេញពីប្រភពខាងលើនេះ បន្តថា តួរខ្លួនរបស់ស្មាតហ្វូន Leitz Phone 3 នេះ គឺមានប្រើប្រាស់នូវសមាសភាគ polycarbonate texture ជាមួយនឹងកាមេរ៉ា Leica។ ស្មាតហ្វូនថ្មីនេះ មានទម្ងន់ 209g។ ស្មាតហ្វូនថ្មីនេះ គឺមានកាមេរ៉ាស្រដៀងគ្នាទៅនឹងស្មាតហ្វូន Leitz Phone 2 ដែលមានកាមេរ៉ាគោលទំហំ 47.2MP គាំទ្រដោយសិនស័រ 1-អ៊ីង និងមានមុខងារ “eight phase detection autofocus” ថែមទៀតផង។ យោងតាមការបញ្ជាក់របស់ក្រុមហ៊ុន Leica នេះ បានអោយដឹងថា សិនស័ររនេះ គឺមានផ្តោតទៅលើគុណភាពរូបភាពបានយ៉ាងល្អ ជាពិសេសនៅក្នុងពេលថតរូបភាពនៅកន្លែងដែលមានពន្លឺទាប។ កាមេរ៉ាគោលរបស់ស្មាតហ្វូននេះគឺមានការប្រើប្រាស់នូវឡែន 19mm focal length។
និយាយពីកាមេរ៉ាមុខវិញ នៅលើស្មាតហ្វូន Leitz Phone 3 នេះ គឺការបំពាក់នូវកាមេរ៉ាទំហំ 12.6 Megapixels គាំទ្រនូវមុំថតបាន 78 ដឺក្រ FoV និងមានកម្រិត f/2.3 Aperture។ នៅក្នុងនោះកាមេរ៉ារបស់ Leitz Phone 3 ក៏នូវមុខងារពិសេសមួយទៀតគឺ “Leica Perspective Control” ដែលមាននៅលើកាមេរ៉ា Leica ប៉ុណ្ណោះ។ អ្នកអាចមើលកំណត់នូវមុខងារជាច្រើននៅលើកម្មវិធី “Leica Style” និង “Leica Tone” ។
អេក្រង់របស់ស្មាតហ្វូននេះ គឺមានកម្រិតភាពច្បាស់ 6.6 អ៊ីង ទំហំ 2730x1260 resolution OLED ទ្រទ្រង់នូវ refresh rate 240Hz និងពន្លឺអេក្រង់កម្រិត 2000nits។ បើមើលទៅលើកម្លាំងម៉ាស៊ីនវិញនោះ នៅលើស្មាតហ្វូន Leitz Phone 3 ថ្មីនេះ គឺមានបន្ទះឈីប Snapdragon 8 Gen 2 ហើយក៏មានម៉េមូរីទំហំ 512GB និងទ្រទ្រង់ជាមួយមេម៉ូរីក្រៅបានដល់ទៅ 1TB UHS-1។ ស្មាតហ្វូននេះ ក៏មានមានរន្ធដោតកាសស្តាប់ 3.5mm headphone jack ផងដែរ៕