ថ្មីៗនេះ ក្រុមហ៊ុន ASUS ទើបតែប្រកាសបង្ហាញនូវកុំព្យូទ័រស៊រីថ្មីរបស់ខ្លួននោះគឺ Zenbook DUO (2024) UX8406 ដែលជាប្រភេទកុំព្យូទ័រដំបូងបំផុតរបស់ពិភពលោកដែលបំពាក់នូវអេក្រង់ភ្លោះ 14-អ៊ីង បង្ហាញចេញបានកម្រិត 3K ល្បឿន 120Hz និងមានប្រើប្រាស់នូវបច្ចេកវិទ្យាអេក្រង់ OLED touchscreens ។ បន្ថែមពីនេះទៀតនោះ កុំព្យូទ័រនេះ ក៏មានភ្ជាប់មកជាមួយនឹង Bluetooth® ASUS ErgoSense keyboard រួមជាមួយនិង Touchpad ធំ នៅក្នុងការប្រើប្រាស់ ហើយនិងអាចផ្តាច់ចេញពីកុំព្យូទ័របានយ៉ាងងាយស្រួល ដែលវាពិតជាឧបករណ៍ដ៏អស្ចារ្យបំផុតក្នុងការដាក់តាមខ្លួនទៅគ្រប់ទីកន្លែង។
សម្រាប់កុំព្យូទ័រ Zenbook DUO ដែលដំណើរការនៅលើស៊ីភីយូ Intel® Evo™ Edition នេះ សក្តិសមបំផុតសម្រាប់ការងារ multitasking និងទម្ងន់ស្រាលត្រឹមតែ 1.35 kg។ កុំព្យូទ័រនេះ មានអេក្រង់ភ្លោះ dual full-size កម្រិត 3K ល្បឿន 120Hz និងមានការប្រើប្រាស់នូវបច្ចេកវិទ្យាអេក្រង់ ASUS Lumina OLED ហើយនិងបង្ហាញចេញនៅលើខ្នាត 16:10 ជាមួយនឹងត្រចៀកបត់ដល់ទៅ 180° hinge ដែលអាចពង្រីកនូវអេក្រង់នេះបានដល់ទៅ 19.8 អ៊ីង រួមជាមួយនឹងការប្រើប្រាស់ជាច្រើនទម្រង់ទៅតាមតម្រូវការដូចជា Laptop, Dual Screen, Desktop ឬ Sharing និងគ្រប់គ្រងដោយកម្មវិធី ASUS ScreenXpert បានថែមទៀតផង។ សម្រាប់ keyboard សាកថ្មបានរបស់កុំព្យូទ័រនេះ អាចដោះចេញបានដែលអនុញ្ញាតអោយអ្នកប្រើប្រាស់ធ្វើតាមអ្វីដែលពួកគេត្រូវការថែមទៀត។
Zenbook DUO នេះ អាចបំពេញនូវការងារបានយ៉ាងមានប្រសិទ្ធិភាពជាមួយនឹងបន្ទះឈីប Intel Core™ Ultra 9 គាំទ្រជាមួយនឹង Neural Processing Unit (NPU) សម្រាប់មុខងារ AI acceleration និងមានរ៉េមទំហំ 32GB LPDDR5x និងអង្គចងចាំ 2TB PCIe® 4.0 SSD ព្រមទាំងថាមពលថ្មទំហំ 75Wh។ នៅលើកុំព្យូទ័រនេះ ក៏មានការតម្លើងនូវប្រព័ន្ធសំឡេង Harman Kardon-certified Dolby Atmos® audio system ដ៏ពិរោះរណ្តំចិត្តថែមទៀតផង។ កុំព្យូទ័រ Zenbook DUO នេះត្រូវបានឌីស្សាញឡើងយ៉ាងសក្តិសមជាមួយនឹងនិរន្តរភាព និងភាពធន់ក្នុងការប្រើប្រាស់។ កុំព្យូទ័រេនះ ក៏ប្រើប្រាស់នូវសមាសភាគដែលកែច្នៃឡើងវិញជាមួយនឹងការតេស្តទៅលើភាពធន់ស្របទៅនឹងស្តង់ដារ US MIL-STD-810H ផងដែរ។
ការធ្វើបដិវត្តន៍ទៅលើការឌីស្សាញ
Zenbook DUO គឺជាប្រភេទកុំព្យូទ័រអេក្រង់ភ្លោះ (Dual-screen) ដំបូងបំផុតរបស់ពិភពលោក ដែលមនការបំពាក់ជាមួយនឹងអេក្រង់ទំហំ 14-អ៊ីង កម្រិត 3K ល្បឿន 120Hz និងជាប្រើភេទកញ្ចក់ OLED touchscreens ចំនួន 2 ថែមទៀតផង។ កុំព្យូទ័រនេះមានអេក្រង់ភ្លោះ keyboard ដែលដោះចេញបាន និង kickstand ដែលនេះ ពិតជាងាយស្រួលក្នុងការចល័ត និងប្រើប្រាស់ទៅតាមតម្រូវការថែមទៀត។ ជាមួយនឹងវិញ្ញបនបត្រ Intel Evo Edition នេះ វាក៏សក្តិសមសម្រាប់ការងារ multitasking និងទម្ងន់ 1.35 kg។
ជាមួយនឹងអេក្រង់ ASUS Lumina OLED នេះ អ្នកប្រើប្រាស់ នឹងទទួលបាននូវវិញ្ញាបនបត្រ Dolby Vision® វិញ្ញាបនបត្រ Pantone® Validated និង cinema-grade 100% DCI-P3 color gamut ដែលធានាទៅលើពណ៌របស់វាច្បាស់បំផុតក្នុងការប្រើប្រាស់។ កុំព្យូទ័រនេះ ក៏មានការទទួលស្គាល់ជាមួយនឹងស្តង់ដារ VESA DisplayHDR™ True Black 500 ។
សម្រាប់អេក្រង់ Touchscreen នេះ ក៏អាចប្រើប្រាស់បានជាមួយនឹង ASUS Pen ដែលមានកម្រិត 4096 pressure-level ហើយនិងកម្មវិធី ScreenXpert software កនា់តែសម្បូរបែបជាមួយនឹងការប្រើប្រាស់ចេញពីម្រាមដៃរបស់អ្នកក្នុងការបញ្ជាទៅលើអេក្រង់នេះ។ សម្រាប់ keyboard ដោះចេញបានរបស់កុំព្យូទ័រ Zenbook DUO នេះ គឺសក្តិសមក្នុងការដាក់នៅចន្លោះអេក្រង់ភ្លោះនេះនៅពេលដែលយកតាមខ្លួន។ ការឌីស្សាញនេះគឺអនុញ្ញាតអោយអ្នកអាចប្រើប្រាស់ ឬសាកថ្មទៅលើ keyboard នេះគ្រប់ពេលដោយមិនចាំបាច់ចូលទៅកាន់ setting នោះទេ។
ភាពងាយស្រួលក្នុងការចល័ត និងប្រើប្រាស់
កុំព្យូទ័រ ASUS នេះ មានការឌីស្សាញកាន់តែទាក់ទាញ សម្រាប់កុំព្យូទ័រ Zenbook DUO នេះគឺបំពាក់នូវ ASUS ErgoSense Bluetooth keyboard ជាមួយនឹង lay-flat 180° display hinge រួមជាមួយនឹង kickstand កាន់តែសម្បូរបែបក្នុងការប្រើប្រាស់។ បន្ថែមពីនេះ វាក៏មានកម្មវិធី ScreenXpert software ដែលអនុញ្ញាតអោយអ្នកប្រើប្រាស់ងាយស្រួលក្នុងការគ្រប់គ្រងទៅលើមាតិកានៃអេក្រង់នេះបានយ៉ាងងាយស្រួលបំផុត។
• Dual Screen mode: នៅពេលដែលប្រើប្រាស់នូវ wireless keyboard សម្រាប់ mode នេះគឺផ្តល់នូវអេក្រង់ដល់ទៅ 19.8 inches តាមរយៈមុខងារ ViewMax ។ វាក៏មានមុខងារ App Switcher ដែលអ្នកប្រើប្រាស់អាចគ្រប់គ្រងទៅលើ App Windows និងការកាត់បន្ថយទៅលើការរំខានជាច្រើនទៀត។
• Desktop mode: កុំព្យូទ័រនេះប្រើប្រាស់នូវ hinge ដែលងាយស្រួលក្នុងការប្រើប្រាស់ជាមួយនឹង wireless keyboard ហើយវាសក្តិសមបំផុតសម្រាប់អ្នកសរសេរកម្មវិធី អ្នកស្រាវជ្រាវ អ្នកសរសេរអត្ថបទ និងអ្នកដែលត្រូវការវាយបញ្ចូលទិន្នន័យធំៗ។ ជាមួយនឹងការប្រើប្រាស់នូវ ViewMax នេះ វាអាចបង្ហាញនូវកម្រិតអេក្រង់ដល់ទៅ 19.8-inch ។
• Laptop mode: អ្នកប្រើប្រាស់អាចប្រើប្រាស់នូវ ASUS ErgoSense Bluetooth keyboard និង touchpad បានយ៉ាងងាយស្រួល។ វាក៏មាន pogo-pin connector អាចធ្វើការសាកថ្មនូវ keyboard បានយ៉ាងល្អ។
• Sharing mode: អនុញ្ញាតអោយអ្នកប្រើប្រាស់អាចចែករំលែកនូវមាតិកានេះនៅក្នុងកិច្ចប្រជុំ និងការធ្វើបទបង្ហាញជាដើម។ ការប្រើប្រាស់នូវ 180° hinge ក៏អនុញ្ញាតអោយអេក្រង់នេះអាចមើលបានកាន់តែធំជាងមុនថែមទៀត។
ភាពងាយស្រួលក្នុងការប្រើប្រាស់
កុំព្យូទ័រ Zenbook DUO នេះបំពាក់នូវបន្ទះឈីប Core Ultra 9 H-series ជាមួយនឹងរ៉េមទំហំ 32GB LPDDR5x RAM និង 1 TB NVMe™ PCIe®PCIe 4.0 SSD ។ កុំព្យូទ័រនេះមានថាមពលថ្មទំហំ 75 Wh ដែលអាចប្រើប្រាស់បានពេញមួយថ្ងៃ។ កុំព្យូទ័រ Zenbook DUO នេះសាកថ្មលឿន និងអាចប្រើប្រាស់បានពេញមួយថ្ងៃដោយគ្មានបញ្ហា។
សម្រាប់បន្ទះឈីប Intel Core Ultra នេះបំពាក់នូវ Neural Processing Unit (NPU) ដំបូងបំផុតរបស់ក្រុមហ៊ុន Intel ជាមួយនឹងការផ្តល់នូវមុខងារ AI ការនាំយកនូវក្រាហ្វិកកាន់តែខ្លាំងក្លា កម្លាំងម៉ាស៊ីនខ្លាំង ដែលអ្នកប្រើប្រាស់អាចធ្វើការងារ លេងហ្គេមបានយ៉ាងមានប្រសិទ្ធិភាព។ សម្រាប់ NPU នេះក៏មានបំពាក់នូវ low-latency AI computing ក្នុងការបង្កើនការងារកាន់តែមានប្រសិទ្ធិភាពទៅលើការងារ multitasking ។ កុំព្យូទ័រ Zenbook DUO នេះមានអេក្រង់ភ្លោះ 14" displays ងាយស្រួលក្នុងការប្រើប្រាស់ការងារបានយ៉ាងមានប្រសិទ្ធិភាព។
កុំព្យូទ័រនេះ មានកម្រាស់ 14.6 mm ជាមួយនឹងមុខងារ I/O ជាច្រើនដូចជា 2x Thunderbolt™ 4 ports, USB 3.2 Gen 1 Type-A port, HDMI® 2.1 (TMDS) port និង 3.5 mm audio jack ដូចនេះអ្នកប្រើប្រាស់មិនចាំបាច់កាន់នូវ docking station ឬ adapters នៅពេលដែលធ្វើដំណើរនោះទេ។
សម្រាប់ការកម្សាន្តនេះ កុំព្យូទ័រ Zenbook DUO នេះ ក៏មានការទទួលស្គាល់ដោយស្តង់ដារនៃប្រព័ន្ធសំឡេង Harman Kardon-certified audio system ជាមួយនឹងវិញ្ញាបនបត្រ Dolby Atmos និងសំឡេង multidimensional spatial sound ដ៏អស្ចារ្យថែមទៀត។ ក្រុមហ៊ុន ASUS ក៏ប្តេជ្ញាក្នុងការកាត់បន្ថយទៅលើផលប៉ះពាល់ទៅលើបរិស្ថានថែមទៀតផង។ កុំព្យូទ័រ Zenbook DUO នេះ ក៏ប្រើប្រាស់នូវ 90% post-industrial-recycled (PIR) magnesium-aluminum alloy វិញ្ញាបនបត្រ ENERGY STAR® និង 100%-recyclable FSC™ Mix-certified និង FSC™ Recycled ផងដែរ។ កុំព្យូទ័រ Zenbook DUO នេះ ក៏ទទួលបាននូវស្តង់ដារ MIL-STD-810H ទៅលើភាពធន់របស់វាពីសហរដ្ឋអាមេរិកផងដែរ។
កាលបរិច្ឆេទនៃការលក់ និងតម្លៃ
ពេលនេះ កុំព្យូទ័រ ASUS Zenbook DUO (2024) UX8406 នេះដាក់លក់ជាផ្លូវការនៅតាមហាងចែកចាយរបស់ក្រុមហ៊ុន ASUS នៅក្នុងតម្លៃ $1699 ។ សម្រាប់ព័ត៌មានបន្ថែម សូមទំនាក់ទំនងទៅកាន់អ្នកតំណាងរបស់ក្រុមហ៊ុន ASUS ៕
សម្រាប់ព័ត៌មានបន្ថែម សូមទំនាក់ទំនងតាម link ខាងក្រោម៖
Commercial Page: https://www.facebook.com/profile.php?id=61556718154908
Asus Page: https://www.facebook.com/ASUSKH.Cambodia/
ROG Page: https://www.facebook.com/gaming/ASUSROGKH
Website: https://www.asus.com/kh/