ថ្មីៗនេះ ក្រុមហ៊ុន OPPO ទើបតែប្រកាសចេញនូវស្មាតហ្វូនស៊េរីថ្មីរបស់ខ្លួនម៉ូដែល A3 Pro នៅលើទីផ្សារប្រទេសចិន ដោយម៉ូដែលនេះ ស្ថិតនៅក្នុងត្រកូលស្មាតហ្វូនដែលមានតម្លៃធូថ្លៃ ប៉ុន្តមានការប្រើប្រាស់នូវបច្ចេកវិទទ្យាការពារទឹក និងធូលីកម្រិត IP69, IP68 និង IP66។ យោងតាមការបញ្ជាក់ពីក្រុមហ៊ុន OPPO បានបញ្ជាក់ថា ស្មាតហ្វូន OPPO A3 Pro គឺនឹងមានសមត្ថភាពខ្ពស់ អាចទប់ទល់នឹងការធ្លាក់ចូលទឹក ជ្រាបទឹក ក៏ដូចជាទឹកក្តៅទៀតផង។ ផ្អែកតាមការចេញផ្សាយនៅថ្ងៃនេះ បានអោយដឹងថា ស្មាតហ្វូនជំនាន់ថ្មីនេះ មានការដាក់លក់ជាផ្លូវការនៅលើទីផ្សារស្មាតហ្វូនប្រទេសចិនហើយ។
ជាមួយនិងការដាក់លក់ OPPO A3 Pro ថ្មីនេះ គឺមាន 3 ទំហំ ដែលមានដូចជា 8GB+128GB, 12GB+256GB, និង 12GB+512GB ហើយនិងមានតម្លៃចាប់ពី 1,999 យ៉ន់ ($275), 2,199 យ៉ន់ ($300) និង 2,499 យ៉ន់ (~$345) ព្រមទាំងមានជម្រើសពណ៌ Azure (ខ្នងកញ្ចក់), Mountain Blue (ខ្នងស្បែក) និង Yunjin Pink (ខ្នងស្បែក)។ មកដល់ពេលនេះ នៅមិនទាន់មានការបញ្ជាក់ព័ត៌មានពីការដាក់លក់ស្មាតហ្វូននេះនៅលើទីផ្សារសកលនៅឡើយទេ។
សម្រាប់ភាពធន់របស់ស្មាតហ្វូននេះ បន្ថែមពីលើបច្ចេកវិទ្យាការពារទឹក និងធូលី IP69 rating ហើយនោះ នៅលើស្មាតហ្វូននេះ ក៏ជាស្មាតហ្វូនដំបូង ដែលទទួលបាននូវការបញ្ជាក់វិញ្ញាបនបត្រ Swiss SGS Gold Label កម្រិត 5-star ទៅលើការទម្លាក់ផងដែរ។ ជាមួយគ្នានេះនៅលើស្មាតហ្វូននេះ ក៏មានការធ្វើតេស្តដោយ national military standard impact resistance test នៅក្នុងប្រទេសចិនទៀតផង។
ស្មាតហ្វូនថ្មីនេះត្រូវបានក្រុមហ៊ុន OPPO បំពាក់នូវកញ្ចក់ការពារ OPPO Crystal Glass ទាំងមុខ ទាំងក្រោយ។ ស្មាតហ្វូន OPPO A3 Pro មានអេក្រង់ទំហំ 6.7-អ៊ីង AMOLED display គាំទ្រជាមួយនិងល្បឿនរត់បានរលូនដល់ទៅ 120Hz refresh rate ហើយនិងដំណើរការជាមួយនិងស្បែកមុខកម្មវិធីជំនាន់ចុងក្រោយ Android 14 ផ្អែកលើ ColorOS 14 ព្រមទាំងបំពាក់ដោយបន្ទះឈីប Dimensity 7050 chip។ ស្មាតហ្វូននេះមានរ៉េម 8GB ឬ 12GB និងអង្គចងចាំទំហំ 256GB ឬ 512GB។ នៅលើស្មាតហ្វូននេះក៏មានការបំពាក់នូវបច្ចេកវិទ្យាបន្ថែមរ៉េម virtual RAM បានថែមទៀតផង។ ស្មាតហ្វូននេះមានថ្ម 5000mAh គាំទ្រនូវកម្លាំងសាក 67W fast charging។
ចំពោះការថតរូបវិញ នៅលើស្មាតហ្វូននេះ មានកាមេរ៉ាមុខទំហំ 8MP និងកាមេរ៉ាក្រោយភ្លោះទំហំ 64MP និងមួយគ្រាប់ទៀតទំហំ 2MP depth sensor។ កាមេរ៉ានៅលើស្មាតហ្វូននេះអាចថតវីដេអូបានកម្រិត FHD@30fps on សម្រាប់កាមេរ៉ាមុខ និង 4K@30fps សម្រាប់កាមេរ៉ាក្រោយ។ នៅលើស្មាតហ្វូននេះគឺមានការទ្រទ្រង់បាននូវស៊ីម dual SIM, 5G connectivity, Wi-Fi 6, Bluetooth 5.3 និងរន្ធ USB-C port។
