នៅថ្ងៃនេះ មានការទម្លាយចេញនូវបែកធ្លាយរូបភាពស៊េរីថ្មី vivo X100s ហើយ។ យោងតាមការទម្លាយកាលពីពេលមុននេះ បានអោយដឹងថា ក្រុមហ៊ុន vivo នឹងធ្វើការផ្លាស់ប្តូរគែមជុំវិញមកកាន់ទម្រង់រាបស្មើរវិញ ខណៈដែលស្មាតហ្វូនជំនាន់មុននេះម៉ូដែល X100 គឺមានមានការប្រើប្រាស់គែមជុំវិញកោង។ ប្រភពដដែលនេះបន្តថា ស្មាតហ្វូននេះ នឹងមានការសម្ពោធជាផ្លូវការនៅខែឧសភាខាងមុខនេះហើយ ដែលមានដូចជា X100s, X100s Pro និង X100s Ultra។
ក្រឡេកមកមើលរូបភាពរបស់ស្មាតហ្វូនជំនាន់ថ្មី vivo X100s នេះ គឺមានការឌីស្សាញគែមជុំវិញមានសភាពរាបស្មើរ និងមានខ្នងក្រោយមានការឌីស្សាញទម្រង់កោងកម្រិត 2.5D ដែលមានការផលិតចេញពីកញ្ចក់។ នៅលើស្មាតហ្វូននេះមានការឌីស្សាញម៉ូឌុលកាមេរ៉ាមានរាងមូល និងមានការបំពាក់នូវសិនស័រកាមេរ៉ាចំនួន 4 គ្រាប់។ ប្រព័ន្ធកាមេរ៉ានៅលើស្មាតហ្វូននេះ គឺមានការប្រើប្រាស់នូវប្រព័ន្ធកាមេរ៉ាដូចគ្នាជាមួយនិងម៉ូដែល X100 អញ្ចឹងដែរ គឺមានការប្រើប្រាស់នូវឡែន 15mm-70mm និងពីរគ្រាប់ទៀតប្រើឡែន 15mm ultrawide, 70mm periscope ខណៈដែលកាមេរ៉ាគោលមានទំហំ 50MP f/1.6។
សម្រាប់ការឌីស្សាញរូបរាងរបស់ vivo X100s នេះត្រូវបានគេនិយាយថា ក្រុមហ៊ុន Vivo បានយកលំនាំតាម iPhone 15 Pro ។ ស្មាតហ្វូននេះ មានកម្រ៉ាស់ 7.89mm។ សម្រាប់ពណ៌នៅលើស្មាតហ្វូនថ្មីនេះ គឺត្រូវបានគេព្យាករណ៌ថា នឹងមានជម្រើសពណ៌ white, black, cyan និង titanium។ vivo X100s នឹងដំណើរការនូវបន្ទះឈីប Dimensity 9300+ រត់បានល្បឿន Cortex-X4 (3.4GHz)។ ស្មាតហ្វូន vivo X100 មានតម្លៃ CNY 3,999។ ដូច្នេះ X100s ត្រូវបានគេរំពឹងថា មានតម្លៃដូចគ្នា។