ការលក់ស្មាតហ្វូន iPhone នៅក្នុងប្រទេសចិន ត្រូវបានគេរាយការណ៌ថា មានការធ្លាក់ចុះយ៉ាងខ្លាំងនៅក្នុងត្រីមាសទី 1 ឆ្នាំ 2024 កន្លងទៅនេះ ខណៈពេលដែលអ្នកប្រើប្រាស់ជាច្រើនលើទីផ្សារនេះ គឺបានងាកទៅប្រើប្រាស់ស្មាតហ្វូនប្រណិតរបស់ក្រុមហ៊ុនក្នុងស្រុងជាច្រើន នេះបើតាមការបញ្ជាក់ចេញពីក្រុមហ៊ុន Counterpoint research។ នៅក្នុងត្រីមាសទី 1 ឆ្នាំនេះ ទីផ្សារស្មាតហ្វូននៅក្នុងប្រទេសចិន គឺមានកំនើនតិចតួចប៉ុណ្ណោះ បើធៀបជាមួយនឹងឆ្នាំមុននេះ គឺមានចំនួនត្រឹមតែ 1.5%។
តួរលេខខាងលើនះ បង្ហាញថា គឺមានកំនើនកើនឡើង 2 ត្រីមាសជាប់ៗគ្នា។ ការកើនឡើងទៅលើការលក់នេះ ត្រូវបានគេមើលឃើញថា គឺភាគច្រើនដោយសារតែការលក់ដ៏ខ្លាំងក្លាចេញពីក្រុមហ៊ុនក្នុងស្រុក រួមមានដូចជា Huawei ដែលមានកំនើនដល់ទៅ 69.7% បើធៀបទៅនឹងឆ្នាំមុននេះ។ កំណើននេះ គឺកើនឡើងដោយសារតែវត្តមាននៃស្មាតហ្វូន Mate 60 Series របស់ Huawei ខណៈពេលដែលស្មាតហ្វូននេះមានតម្លៃខ្ទង់ 600$ នោះ។
សម្រាប់ក្រុមហ៊ុន Apple វិញ ត្រូវបានគេមើលឃើញនូវកំនើនការលក់ស្មាតហ្វូនរបស់ខ្លួននៅក្នុងប្រទេសចិន ដែលមានការធ្លាក់ចុះដល់ទៅ 19.1% ប្រៀបធៀបទៅនឹងត្រីមាសឆ្នាំមុន។ អ្នកវិភាគជាច្រើន បានបញ្ជាក់ថា ក្រុមហ៊ុន Huawei គឺគូរប្រជែងដ៏ធំសម្រាប់ក្រុមហ៊ុន Apple ដែលបានឆក់បេះដូងអ្នកប្រើប្រាស់ជាច្រើនទៅលើស្មាតហ្វូនប្រណិតដែលក្រុមហ៊ុនទាំងពីរនេះគឺមានការប្រកួតប្រជែងគ្នាខ្លាំងនៅលើទីផ្សារនោះ។
ក្រុមហ៊ុន Counterpoint បានបន្តថា ស្មាតហ្វូនម៉ូដែលថ្មី iPhone ដែលបង្ហាញវត្តមាននៅពេលខាងមុខនេះ គឺនឹងមានពណ៌ថ្មី និងមានការបំពាក់នូវមុខងារ AI ថែមទៀតផង។ ចំណុចពិសេសៗនែះ ត្រូវបានក្រុមហ៊ុនរំពឹងថា នឹងអាចជួយបង្កើនការលក់ស្មាតហ្វូន Apple iPhone ឡើងវិញនៅលើទីផ្សាររបស់ចិនជាក់ជាមិនខាន។ សូមជំរាបថា ទីផ្សារស្មាតហ្វូននៅក្នុងប្រទេសចិនគឺមានកំនើនទាបត្រឹមតែ 1 ខ្ទង់ប៉ុណ្ណោះ នៅក្នុងពេញមួយឆ្នាំ 2024៕
