ស្មាតហ្វូនស៊េរីថ្មីរបស់ក្រុមហ៊ុន ZTE ដែលមានឈ្មោះហៅថា “Nubia Z60S Pro” ត្រូវបានគេប្រទះឃើញនៅក្នុងប្រព័ន្ធ Database មួយ។ គូរបញ្ជាក់ថា កាលពីឆ្នាំមុននេះ ក្រុមហ៊ុន ZTE ទើបតែបញ្ចេញនូវស្មាតហ្វូន Nubia Z60 Ultra ដែលមានលក្ខណៈសម្បត្តិគួរអោយចាប់អារម្មណ៍ជាច្រើន។ ស្មាតហ្វូននេះ មានបន្ទះឈីប Snapdragon 8 Gen 3 និងថាមពលថ្មទំហំ 6000mAh។
ទាក់ទងនឹងកាលបរិច្ឆេទនៃការបង្ហាញនូវស្មាតហ្វូន Nubia Z60S Pro នេះ នៅមិនទាន់ដឹងនៅឡើយទេ ប៉ុន្តែក្រុមហ៊ុន ZTE ត្រូវបានគេមើលឃើញថា ធ្លាប់បានប្រកាសចេញនូវស្មាតហ្វូន Nubia Z50S Pro កាលពីខែកក្កដាឆ្នាំ 2023 កន្លងទៅ។ ដូចនេះ យើងអាចនឹងរំពឹងថា វត្តមានរបស់ស្មាតហ្វូន Z60S Pro គឺនៅក្នុងខែកក្កដាឆ្នាំ 2024 នេះ។ ស្មាតហ្វូន Z50S Pro គឺជាម៉ូដែលប្រណិតមួយ ដែលមានបន្ទះឈីប Snapdragon 8 Gen 2។ ដូច្នេះយើងអាចរំពឹងថា ស្មាតហ្វូន Z60S Pro នឹងមានបន្ទះឈីប Snapdragon 8 Gen 3។
មានការព្យាករណ៌ថា លក្ខណៈសម្បត្តិនៃកាមេរ៉ារបស់ស្មាតហ្វូន Nubia Z60S Pro នឹងមានភាពប្រសើរជាងស្មាតហ្វូន Z50S Pro ប៉ុន្តែមិនទាន់ល្អខ្លាំងក្លាដូចទៅនឹងស្មាតហ្វូន Z60 Ultra នោះទេ។ ក្រុមហ៊ុន ZTE តែងតែបំពាក់នូវកាមេរ៉ាកម្រិតខ្ពស់ទៅលើស្មាតហ្វូនម៉ូដែល Ultra ហើយស្មាតហ្វូន Z50 Ultra គឺមាន 1/2.0 អ៊ីង Telephoto ខណៈពេលដែលទំហំ Telephoto Sensor នៅលើស្មាតហ្វូន Nubia Z50S Pro នេះ គឺមានកម្រិតតែ 1/4.4 អ៊ីង″ ប៉ុណ្ណោះ។
យើងបានឃើញស្មាតហ្វូនថ្មីមួយឈ្មោះថា Nubia Z60S Pro នៅក្នុងប្រព័ន្ធ Database ។ ខណៈពេលដែលលក្ខណៈសម្បត្តិរបស់ស្មាតហ្វូននេះ នៅមិនទាន់ដឹងនោះទេ យើងអាចរំពឹងថា ស្មាតហ្វូន Z60S Pro នៅមិនទាន់ខ្លាំងក្លាដូចទៅនឹងស្មាតហ្វូន Z60 Ultra នោះទេ។ ស្មាតហ្វូនម៉ូដែលនេះ នឹងមានលេខកូដ “NX725J”។
ស្មាតហ្វូន Nubia Z60 Ultra នេះ នឹងមានបន្ទះឈីប Snapdragon 8 Gen 3 និងថាមពលថ្មទំហំ 6000mAh ហើយវាមានកាមេរ៉ាគោលជាមួយនឹងកម្រិត 35mm focal length ថែមទៀតផង។ បន្ថែមពីនេះ ក្រុមហ៊ុន ZTE ក៏អាចនឹងបង្ហាញនូវស្មាតហ្វូនម៉ូដែលមួយទៀតហៅថា “Z60 Ultra Photographer Edition” ផងដែរ៕