Redmi Note 13 Pro+ World Champions Edition នឹងបង្ហាញខ្លួននៅថ្ងៃទី 30 ខែមេសាសម្រាប់អ្នកគាំទ្រ AFA នៅឥណ្ឌា

ក្រុមហ៊ុន Redmi ទើបតែប្រកាសអំពីការត្រៀមប្រកាសចេញនូវស្មាតហ្វូនថ្មីមួយទៀតនៃត្រកូល Note 13 Pro+ នៅក្នុងប្រទេសឥណ្ឌា។ ស្មាតហ្វូនថ្មីនេះ គឺមានឈ្មោះហៅថា Redmi Note 13 Pro+ World Champions Edition ដែលមានការបំពាក់នូវមុខងារ Argentina NT ផងដែរ។ ស្មាតហ្វូនថ្នីនេះ ត្រូវបានគេបញ្ជាក់ថា គឺជាម៉ូដែល  limited-edition ដំបូងបំផុតនៅក្នុងត្រកូល Redmi Note series។ ការប្រកាសនូវម៉ូដែលថ្មីនេះ គឺចំពេលខួប 10 ឆ្នាំរបស់ក្រុមហ៊ុន Xiaomi ផងដែរ។ 

គួររំលឹកផងដែរថា កាលពីខែឧសភាឆ្នាំមុននេះ ក្រុមហ៊ុននេះ បានប្រកាសអំពីភាពជាដៃគូជាមួយនឹងសមាគមន៍បាល់ទាត់អាហ្សង់ទីន Argentina Football Associatio nនៅក្នុងនាមជាអ្នកឧបត្ថម្ភធំ។ ស្មាតហ្វូន Redmi Note 13 Pro+ World Champions Edition នឹងបង្ហាញខ្លួននៅក្នុងប្រទេសឥណ្ឌានៅថ្ងៃទី 30 ខែមេសាខាងមុខនេះ។ ក្រុមហ៊ុននេះ ក៏បានទម្លាយអំពីការឌីស្សាញទៅលើស្មាតហ្វូននេះផងដែរ។ 

ស្មាតហ្វូននេះ មានពណ៌ Dark Blue ជាមួយនឹងការប្រើប្រាស់នូវកាមេរ៉ា Rings ចំនួន 3 ជាមួយនឹងពណ៌មាស។ នៅលើស្មាតហ្វូននេះ ក៏មានឡូហ្គោ AFA logo ពណ៌មាសនៅផ្នែកខាងស្តាំខាងក្រោយផងដែរ។ ស្មាតហ្វូន Redmi Note 13 Pro+ World Champions Edition នេះត្រូវគេរំពឹងថា នឹងមានភ្ជាប់មកជាមួយនូវប្រអប់លក់រាយ ដែលមានការឌីស្សាញយ៉ាងពិសេស ហើយនឹងមានការថែមជូននូវកាដូជាច្រើនទៀតផងដែរ។ 

គូរបញ្ជាក់ថា អ្នកទម្លាយ Ishan Agarwal ចែករំលែករូបភាពជាច្រើនរបស់ស្មាតហ្វូន Redmi Note 13 Pro+ World Champions Edition។ លក្ខណៈសម្បត្តិរបស់ស្មាតហ្វូននេះគឺមានដូចជា អេក្រង់ល្បឿន 120Hz curved AMOLED display បន្ទះឈីប Dimensity 7200 Ultra, កាមេរ៉ា  200MP និងបច្ចេកវិទ្យាសាកថ្មលឿន 120W fast charging ។ ជាមួយនឹងវត្តមានរបស់ស្មាតហ្វូន Redmi Note 13 Pro+ World Champions Edition នេះ អ្នកគាំទ្ររបស់ AFA នឹងមានអារម្មណ៍កាន់តែផ្សារភ្ជាប់ទៅនឹងក្រុមនេះ៕