ក្រុមហ៊ុន realme កំពុងតែត្រៀមខ្លួនក្នុងការបង្ហាញនូវស្មាតហ្វូនជំនាន់ថ្មីរបស់ខ្លួន realme GT 8 Pro នៅក្នុងប្រទេសចិនឆ្នាំនេះហើយ។ តាមការបែកធ្លាយថ្មីមួយកាលពីខែមុននេះ បានទម្លាយថា ស្មាតហ្វូន realme GT 8 Pro ថ្មីនេះ នឹងក្លាយជាស្មាតហ្វូន Flagship ថ្នាក់ប្រណិតរបស់ក្រុមហ៊ុននេះ ដែលនឹងមានការ Upgrade ទៅលើផ្នែកជាច្រើន។ នៅពេលនេះ អ្នកទម្លាយ Digital Chat Station ក៏បានចែករំលែកនូវព័ត៌មានលម្អិតរបស់ស្មាតហ្វូននេះផងដែរ។
នៅក្នុងការបែកធ្លាយថ្មីមួយបានទម្លាយថា ស្មាតហ្វូន realme GT 8 Pro នឹងមានបំពាក់នូវបន្ទះឈីប Snapdragon 8 Elite 2 និងមានតម្លើងមកជាមួយនឹងកាមេរ៉ាទំហំ 200-megapixel periscope telephoto ទៀតផង។ ស្មាតហ្វូនថ្មីនេះ នឹងមានការបំពាក់នូវសិនស័រ Samsung HP9 sensor ដែលគេជឿជាក់ថា នឹងប្រើប្រាស់នៅលើស្មាតហ្វូន Find X9 Pro ផងដែរ។ កាមេរ៉ានេះមានសិនស័រទំហំ 1/1.4-អ៊ីង និងមានការទ្រទ្រង់ទៅលើបច្ចេកវិទ្យា 4x4 pixel binning ដែលធ្វើអោយរូបភាពច្បាស់នៅក្នុងកម្រិត 12-Megapixel shots ជាមួយនឹងទំហំ 2.24μm pixel បើទោះបីជានៅកន្លែងដែលមានពន្លឺទាបក៏ដោយ។
តាមការបញ្ជាក់របស់អ្នកទម្លាយរូបនេះ បានបន្ថែមថា សិនស័រថ្មីនេះ អាចជាដំណោះស្រាយ telephoto ដ៏ខ្លាំងក្លាបំផុត។ ស្មាតហ្វូន realme GT 8 Pro នឹងមានអេក្រង់រាបស្មើ OLED មានកម្រិតភាពច្បាស់ដល់ទៅក្រិត 2K ដែលនេះ គឺជាការផ្លាស់ប្តូរដ៏ធំបំផុតមួយសម្រាប់ realme បន្ទាប់ពីស្មាតហ្វូនជំនាន់មុននេះមានអេក្រង់ OLED មានកម្រិតភាពច្បាស់ត្រឹម 1.5K ប៉ុណ្ណោះ។ នៅលើអេក្រង់ស្មាតហ្វូន GT 8 Pro ក៏នឹងប្រើប្រាស់នូវប្រព័ន្ធស្កេនក្រយ៉ៅដៃ ultrasonic in-screen fingerprint ផងដែរ។
យោតាមរបាយការណ៍ជាច្រើនមុននេះ ធ្លាប់បានទម្លាយថា ស្មាតហ្វូនជំនាន់ថ្មី realme GT 8 Pro នេះ នឹងមានថាមពលថ្មទំហំ 7,000mAh ជាមួយនឹងបច្ចេកវិទ្យាសាកថ្មលឿន 100W charging ។ ស្មាតហ្វូននេះ ក៏នឹងមានគែមធ្វើពីលោហធាតុ ហើយនិងដំណើរការនូវ Android 16 ផ្អែកនៅលើ Realme UI 7 ថែមទៀតផង។ បើនិយាយអំពីតម្លៃវិញនោះស្មាតហ្វូន realme GT 8 Pro នេះអាចនឹងមានតម្លៃប្រហែលជា 3,999 យ៉ន់ (~$560) ៕
