មកដល់ពេលេនេះ ការចែកចាយព័ត៌មានថ្មីរបស់ស្មាតហ្វូនជំនាន់ថ្មី OPPO Find X9 series គឺនៅតែបន្តលេចចេញថ្មីៗរហូតខណៈដែលប្រកាសចេញជាផ្លូវការណ៌ត្រូវបានគេរំពឹងថា នឹងដល់នាពេលឆាប់ៗនេះហើយ។ យោងតាមការបញ្ជាក់ចុងក្រោយរបស់អ្នកទម្លាយ Digital Chat Station បាននិយាយពីទំហំអេក្រង់ដែលនឹងមានាករប្រើប្រាស់នៅលើស្មាតហ្វូនថ្មីនេះហើយ។ យោងតាមការទម្លាយថ្មីនេះ បានបង្ហាញពីអេក្រង់របស់ស្មាតហ្វូនជំនាន់ថ្មីរបស់ក្រុមហ៊ុន OPPO ចំនួនពីរ មានដូចជា ទំហំ 6.59-អ៊ីង និងទំហំ 6.78-អ៊ីង ជាអេក្រង់រាបស្មើរ។ មានការសន្និដ្ឋានថា អេក្រង់ទាំងនេះ គឺនឹងប្រើប្រាស់នៅលើ Find X9 និង Find X9 Pro។
តាមរយៈនៃការបែកធ្លាយខាងលើនេះ ក៏មានការបញ្ជាក់ដែរថា ក្រុមហ៊ុន OPPO អាចនឹងធ្វើការបោះបង់ចោលនូវអេក្រង់គែមកោងសម្រាប់ស្មាតហ្វូនជំនាន់ថ្មីរបស់ខ្លួនហើយ ដោយនឹងមានការប្រើប្រាស់នូវអេក្រង់រាបស្មើរទាំងអស់។ បន្ថែមពីនេះ ក៏មានការកត់សម្គាល់ថា ស្មាតហ្វូនថ្មីនេះ ក៏អាចនឹងមានការប្រកាសចេញជាមួយនិងអេក្រង់ទំហំ 6.3-អ៊ីងផងដដែរប៉ុន្តែមិនទាន់មានាករបញ្ជាក់ច្បាស់នៅឡើយទេ។ សូមជំរាបថា មុននេះ ក្រុមហ៊ុននេះបានបញ្ចាញនូវស្មាតហ្វូន Find X8s ដែលជាម៉ូដែលមួយមានអេក្រង់តូចទំហំ 6.3-អ៊ីងផងដែរ។
សម្រាប់វត្តមានរបស់ Find X9 series ត្រូវបានគេរំពឹងថា នឹងមាន 4 ម៉ូដែលប៉ុន្តែមិនមានការទម្លាយចេញនូវព័ត៌មានជាក់លាក់ពីលក្ខណៈសម្បត្តិទូទៅដែលមានប្រើប្រាស់នៅលស្មាតហ្វូនជំនាន់ថ្មីទាំងនោះទេ ដោយគ្រាន់តែបញ្ជាក់ថា ស្មាតហ្វូនទាំងនេះ គឺត្រូវបានក្រុមហ៊ុនធ្វើការរៀបចំនូវសមាសភាគត្រៀមការផលិតហើយ។
OPPO ត្រូវបានគេរាយការណ៌ថា នឹងមានាករប្រើប្រាស់នូវបន្ទះឈីបថ្មី Dimensity 9500 សម្រាប់ស្មាតហ្វូនម៉ូដែលថ្មីៗរបស់ខ្លួន ដោយបន្ទះឈីបថ្មីនេះ គឺមានការប្រើប្រាស់នូវស្ថាបតក្យកម្មថ្មីរបស់ TSMC កម្រិត 3nm process (N3P)។ ឈីបនេះ គឺនឹងមានការតម្លើងនូវ CPU ថ្មី ដោយមួយគ្រាប់មានឈ្មោះថា “Travis” core និង 3 គ្រាប់មានឈ្មោះថា “Alto” cores, ខណៈដែល 4 គ្រាប់ទៀតមានឈ្មោះថា “Gelas” cores ហើយនឹងមានការគាំទ្រដោយ Immortalis-Drage GPU ថែមទៀតផង។
