កាលពីដើមឆ្នាំនេះ ក្រុមហ៊ុន OPPO ទើបតែប្រកាសចេញនូវស្មាតហ្វូនជំនាន់ថ្មី Find X8 Ultra នៅក្នុងប្រទេសចិន ដែលជាម៉ូដែលថ្មីមួយមានការបំពាក់នូវបន្ទះឈីប Snapdragon 8 Elite ដែលជាឈីបខ្លាំងនៅក្នុងឧស្សាហកម្មស្មាតហ្វូន។ យោងតាមសេចក្តីរាយការណ៌ថ្មីនៅថ្ងៃនេះ បាននិយាយថា ក្រុមហ៊ុនបច្ចេកវិទ្យាយក្សរបស់ចិនមួយនេះ ត្រូវគេរំពឹងថា នឹងមានការបង្ហាញចេញនូវស្មាតហ្វូនស៊េរីថ្មី Find X9 Ultra នៅក្នុងឆមាសទី 1 ឆ្នាំ 2026 នេះផងដែរ ដោយម៉ូដែលនេះ ក៏នឹងបំពាក់នូវបន្ទះឈីប Snapdragon 8 Elite 2 ថែមទៀតផង។
គួរបញ្ជាក់ថា កាលពីខែមុននេះ អ្នកទម្លាយ Digital Chat Station ក៏បានចែករំលែកនូវព័ត៌មានលម្អិតនៃកាមេរ៉ារបស់ស្មាតហ្វូន Ultra នេះផងដែរ។ អ្នកទម្លាយនេះបានទម្លាយថា ស្មាតហ្វូនជំនាន់ថ្មី Find X9 Ultra មានលេខកូដ SM8850 នឹងមានកាសរប្រើប្រាស់នូវបន្ទះឈីប Snapdragon 8 Elite 2 ហើយត្រូវគេរំពឹងថានឹងបង្ហាញខ្លួននៅក្នុងឆមាសទី 1 ឆ្នាំ 2026 ខាងមុខនេះហើយ។ ជាមួយគ្នានេះ ការបែកធ្លាយនេះ ក៏មានការបង្ហាញអំពីគំរូរបស់ស្មាតហ្វូនជំនាន់ថ្មី ដែលមានកាមេរ៉ា 4 គ្រាប់ក្នុងនោះមានសិនស័រកាមេរ៉ាគោល 200-Megapixel និងកាមេរ៉ា 3 គ្រាប់ទៀតទំហំ 50MP ផងដែរ។
អ្នកទម្លាយរូបនេះបានបន្ថែមថា ស្មាតហ្វូនថ្មីនេះ នឹងមានបំពាក់នូវ Dual Periscope Lenses ដែលមាន Focal Lengths អាចកែប្រែបាន ហើយក៏មានសិនស័រទំហំ 1/1.3-អ៊ីងដែលគាំទ្រមុខងារហ៊្សូម 3x optical zoom ទៀតងផង។ សូមជំរាបថា កាលពីពេលមុននេះ អ្នកទម្លាយ Digital Chat Station ធ្លាប់បានអះអាងរូចមកហើយថា ស្មាតហ្វូន Find X9 Ultra នឹងមានកាមេរ៉ាទំហំ 200MP (គោល) + 50MP (ultra-wide) + 200MP (Periscope) + 50MP (Periscope)។
ប៉ុន្តែពេលនេះ ក្រុមហ៊ុន OPPO អាចនឹងតេស្តទៅលើសិនស័រទំហំ 200MP រួមជាមួយនិងកាមេរ៉ា 50MP ចំនួន 3 គ្រាប់។ អ្វីដែលគួរអោយចាប់អារម្មណ៍នោះ ការប្រើប្រាស់នូវកាមេរ៉ាគោលទំហំ 200-Megapixel នេះ ប្រហែលជាក្រុមហ៊ុន OPPO ឈប់បំពាក់នូវសិនស័រទំហំ 1-អ៊ីង LYT-900 នៅលើកាមេរ៉ាគោល ដែលកាលពីមុនបានធ្លាប់បានប្រើប្រាស់នៅលើស្មាតហ្វូន Find X8 Ultra និង Find X7 Ultra រួចមកហើយនោះ៕
