ថ្មីៗនេះ ក្រុមហ៊ុន Infiniti ទើបតែប្រកាសសម្ភោធន៍នូវរថយន្តស៊េរីថ្មីចំនួន 2 ម៉ូដែលដែលមានរូបរាងទាក់ទាញ ស្រស់ស្អាត និងពេញនិយមបំផុតក្នុងការប្រើប្រាស់។ រថយន្តស៊េរីថ្មីទាំងពីរនេះគឺម៉ូដែល 2019 QX60 Limited និង 2019 QX80 Limited ។ រថយន្តទាំងពីរនេះ ត្រូវបានប្រកាសបង្ហាញខ្លួននៅក្នុងព្រឹត្តិការណ៍ New York International Auto show ហើយនឹងមានដាក់លក់នៅក្នុងរដូវនិទាឃរដូវ និងរដូវក្តៅខាងមុខនេះ ប៉ុន្តែតម្លៃនៅមិនទាន់ដឹងនៅឡើយទេ។
QX60 Limited ប្រើប្រាស់នូវពណ៌ខ្មៅដ៏ស្រស់ស្អាត ការរចនាជាមួយនឹងភ្លើងចង្កៀងថ្មី និងការប្រើប្រាស់ទ្វារដ៏ទាក់ទាញផងដេរ។ សម្រាប់ដំបូលរថយន្តគឺប្រណិតបំផុត ហើយនេះជាប្រភេទរថយន្ត SUV ដែលមានការប្រើប្រាស់នូវរង្វង់កង់ 20-inch 235/55R-20 ផងដែរ។
ចំនែករថយន្តស៊េរីថ្មី QX80 Limited វិញប្រើប្រាស់នូវរង្វង់កង់ទំហំ 22 អ៊ីញប្រភេទអ៊ីណុកមិនច្រេះភ្លឺរលើបរលោង។ រថយន្ត QX80 Limited មាន 5 ពណ៌សម្រាប់ជ្រើសរើសហើយសម្រាប់ពណ៌ Anthracite Gray គឺផ្តាច់មុខសម្រាប់រថយន្ត Limited នេះ។ រថយន្តនេះអាចផ្ទុកមនុស្សបាន 7 នាក់នៅលើកៅអីជួរទី 2 និងជួរទី 3 របស់វានោះ។ នៅលើកៅអីរបស់រថយន្តនេះជាប្រភេទស្បែកទន់ល្មើយផងដែរ៕