ក្រុមហ៊ុន Honda បានបញ្ជាក់ថា សហរដ្ឋអាមេរិក នៅមិនទាន់ក្លាយជាទីផ្សារសំខាន់សម្រាប់រថយន្តអគ្គិសនីរបស់ខ្លួននៅឡើយទេ

កាលពីឆ្នាំមុននេះ នៅក្នុងទីក្រុងហ្សឺណែវ ក្រុមអ្នកតាមដានពីការវិវត្តនៃយានយន្ត បានសួរទៅកាន់ក្រុមហ៊ុន Honda ថាតើ ក្រុមហ៊ុនផលិតរថយន្តនេះ បានត្រៀមខ្លួនក្នុងការប្រកាសបង្ហាញនូវរថយន្តម៉ូឌែលថ្មីៗរបស់ក្រុមហ៊ុន Honda ដែលជាប្រភេទអគ្គិសនី មកកាន់ទឹកដីរបស់សហរដ្ឋអាមេរិកដែរឬទេ? ចម្លើយផ្លូវការ ត្រូវបានក្រុមហ៊ុនឆ្លើយគឺ ទេ។ 

នៅក្នុងការលុបចោលនូវព្រឹត្តិការណ៍ Geneva Motor Show 20202នៅក្នុងឆ្នាំនេះ ក្រុមហ៊ុនផលិតរថយន្តរបស់ជប៉ុននេះ នៅមិនទាន់នាំយកនូវរថយន្តអគ្គិសនីរបស់ខ្លួនសម្រាប់ការដាក់លក់នៅក្នុងទឹកដីរបស់សហរដ្ឋអាមេរិកនៅឡើយទេ បើទោះបីជាក្រុមហ៊ុនមានរថយន្តប្រភេទ hybrids ជាច្រើនក៏ដោយដូចជា Honda CR-V Hybrid ក៏ដោយ។  សម្រាប់ទីផ្សារនៅក្នុងអ៊ឺរ៉ុប គឺប្រហែលជាមានសំណាងច្រើនជាង។ យោងតាម Automotive News បានបញ្ញាក់ថា នៅក្នុងអ៊ឺរ៉ុប ក្រុមហ៊ុន Honda  មានគម្រោងក្នុងការបង្ហាញនូវរថយន្តអគ្គិសនីទី 2 របស់ខ្លួននៅក្នុងតំបន់អ៊ឺរ៉ុបនៅក្នុងឆ្នាំ 2022 ខាងមុខនេះ រថយន្តមួយនៅក្នុងចំណោមរថយន្ត 4 ម៉ូឌែលនឹងបង្ហាញខ្លួននៅចន្លោះឆ្នាំ 2021 និង 2022។ លោក Tom Gardner ប្រធានរបស់ក្រុមហ៊ុន Honda  នៅអ៊ឺរ៉ុប បានបញ្ជាក់អំពីព័ត៌មាននេះ ប៉ុន្តែមិនមានការផ្តល់នូវព័ត៌មានលម្អិតអ្វីនោះទេ។

ក្រុមហ៊ុន Honda ត្រៀមខ្លួនក្នុងការបង្ហាញនូវរថយន្ត hybrids ស៊េរីថ្មីជាច្រើនរបស់ខ្លួន ដែលមានដូចជា hybrid version សម្រាប់រថយន្តម៉ូឌែល Civic ជំនាន់ថ្មីរបស់ខ្លួនដែលនឹងបង្ហាញខ្លួននៅឆ្នាំក្រោយនេះដែរ។ រថយន្ត Civic plug-in hybrid នេះ ក៏ប្រហែលជាបង្ហាញខ្លួនដូចគ្នា។ ហេតុអ្វីបានជាអ៊ឺរ៉ុបអាចទទួលបាននូវរថយន្ត Honda EV នៅពេលសហរដ្ឋអាមេរិកមិនមានរថយន្តទាំងនេះ? លោក Gardner បាននិយាយថា នេះ គឺដោយសារតែនៅអ៊ឺរ៉ុបគឺមានការវិវត្តនៃបច្ចេកវិទ្យាពីទាបទៅកាន់បច្ចេកវិទ្យា ដែលមានការបញ្ចេញឧស្ម័នស្មើសូន្យលឿន ជាងកន្លែងណាទាំងអស់នៅជុំវិញពិភពលោក។ ជាមួយគ្នានេះ ក្រុមហ៊ុន ក៏នឹងមានការបង្ហាញវត្តមានរបស់រថយន្ត Honda Sports EV Concept ដែលក្រុមហ៊ុននេះបានប្រកាសចេញនៅក្នុងឆ្នាំ 2017 ផងដែរ។ 

សម្រាប់រថយន្តនេះ គឺមានការចែករំលែកនូវផ្នែកស្ថាបត្យកម្ម និងការឌីស្សាញដែលល្អបំផុតដូចទៅនឹងរថយន្ត Honda e ផងដែរ។ នេះគឺជារថយន្តអគ្គិសនីដំបូងបំផុតរបស់ក្រុមហ៊ុន Honda នៅក្នុងសហរដ្ឋអាមេរិកជាក់ជាមិនខាន។ រថយន្ត Honda e នេះ មានវត្តមាននៅក្នុងទីផ្សាររបស់អ៊ឺរ៉ុបហើយ ហើយក្រុមហ៊ុន Honda ត្រូវការពង្រីកទីផ្សាររបស់ខ្លួនកាន់តែធំជាងមុនថែមទៀត។ សម្រាប់រថយន្ត Sports EV Concept នេះ គឺពិតជាល្អឥតខ្ចោះក្នុងការប្រើប្រាស់ជាទីបំផុត៕