នៅក្នុងរយៈពេលប៉ុន្មានសប្តាហ៍នេះ ក្រុមហ៊ុន Tesla បានត្រៀមខ្លួនបង្ហាញនូវរថយន្តម៉ូដែលថ្មីមួយរបស់ខ្លួនជាមួយនឹងការបន្ថែមនូវមុខងារថ្មី ឬការបញ្ចេញនូវ Software Update ទៅលើរថយន្តមុនៗរបស់ខ្លួន។ ក្រុមហ៊ុន Tesla មិនមែនជាក្រុមហ៊ុនដែលទើបតែចាប់ផ្តើមទៅលើការងារនេះនោះទេ ដោយសារតែក្រុមហ៊ុននេះ ធ្វើការផលិតទ្រង់ទ្រាយធំរួចមកហើយទៅលើរថយន្ត EVs របស់ខ្លួននៅក្នុងរយៈពេលដល់ទៅ 1 ទសវត្ស៍ហើយនោះ ប៉ុន្តែក្រុមហ៊ុននេះ នៅមិនទាន់បញ្ចប់នៅត្រឹមនេះនោះទេ។
នៅក្នុងការធ្វើបទបង្ហាញមួយទៅកាន់អ្នកវិនិយោគជាច្រើននៅថ្ងៃចន្ទនេះ លោក Musk ដែលជានាយកប្រតិបត្តិរបស់ក្រុមហ៊ុន Tesla បានអះអាងថា ក្រុមហ៊ុន Tesla នឹងធ្វើការផ្លាស់ប្តូរពីក្រុមហ៊ុនផលិតរថយន្តធម្មតាមួយទៅកាន់ជាក្រុមហ៊ុន "robo-taxis” ស្វ័យប្រវត្តិ។ នៅក្នុងការប្រជុំមួយនេះ លោក Musk ធ្វើការយកចិត្តទុកដាក់ទៅលើការពិតដែលថារថយន្ត Model S, X, ឬ 3 ទាំងអស់ធ្វើការចាប់ផ្តើមការផលិតនៅក្នុងខែមេសានេះជាមួយនឹងការតម្លើងនូវ Full Self-Driving hardware ។ ខណៈពេលដែលគាត់ទទួលស្គាល់ថា សម្រាប់រថយន្តជាច្រើក្នុងការប្រើប្រាស់នូវមុខងារនៃការបើកបរដោយខ្លួនឯងពេញលេញ ហើយវាអាចនឹងបង្ហាញខ្លួននៅលើទីតាំងជាច្រើននៅចុងឆ្នាំក្រោយនេះ។ សម្រាប់សមត្ថភាពនៃការបើកបរដោយខ្លួនឯង Full Self-Driving នេះគឺជាការផ្លាស់ប្តូររបស់ក្រុមហ៊ុនTesla ទៅជាក្រុមហ៊ុនបើកបរស្វ័យប្រវត្តិវិញនោះ។
សម្រាប់ការប្រកាសរបស់ក្រុមហ៊ុន Tesla ថ្មីៗនេះ បានអោយដឹងថា សម្រាប់អ្នកដែលជួលទៅលើរថយន្ត Model 3 ត្រូវធ្វើការផ្ទេររថយន្តនេះ ត្រឡប់មកវិញ ដើម្បីបញ្ចប់នូវការជួលរបស់ខ្លួននោះ។ រថយន្តទាំងនេះ ក៏នឹងចាប់ផ្តើមបង្កើតនូវបណ្តាញ Tesla Network របស់ robo-taxis ហើយលោក Musk រំពឹងថា ការចាប់ផ្តើមនៃរថយន្តតាក់ស៊ី Tesla Network taxis នឹងដំណើរការនៅត្រឹមឆ្នាំ 2020 នេះ។ ទន្ទឹមនឹងនេះ ផងដែរ អ្នកគ្រប់គ្រងទៅលើរថយន្ត Tesla នេះ នឹងអាចធ្វើការចែករំលែកនូវរថយន្តជាច្រើនរបស់ពួកគេជាមួយនឹង Tesla Network នៅពេលដែលពួកគេមិនត្រូវការវា ហើយវាក៏មានការប្រតិបត្តិជាលក្ខណៈ robo-taxi ខណៈពេលដែលក្រុមហ៊ុន Tesla យកប្រាក់ចំណេញចាប់ពី 25-30% ។
លោក Musk ធ្វើការព្យាករណ៍ថា អ្នកជិះនៅលើ Tesla Network នេះ អាចធ្វើការចំណាយនូវទឹកប្រាក់ត្រឹមតែ 18 សេនប៉ុណ្ណោះ ក្នុងមួយម៉ាយ៍ ហើយគាត់ប៉ាន់ស្មានថា រថយន្តជាច្រើននៅលើបណ្តាញ Tesla Network នឹងមានកម្រិតនៃការប្រើប្រាស់យ៉ាងហោចណាស់ 3 ដងបើធៀបជាមួយនឹងរថយន្តធម្មតាផ្ទាល់ខ្លួននោះ។ នៅក្នុងការត្រៀមខ្លួនសម្រាប់ការផ្លាស់ប្តូរមួយនេះនោះ ក្រុមហ៊ុន Tesla នឹងចាប់ផ្តើមធ្វើការផលិតរថយន្តជាច្រើន និងថាមពលថ្មសម្រាប់ការប្រើប្រាស់បានរយៈចម្ងាយដល់ទៅ 1 លានម៉ាយ៍ដែលមានការកើនឡើងទ្វេរដងបើធៀបជាមួយនឹងពេលបច្ចុប្បន្ននេះ។
ក្រុមហ៊ុន Tesla ក៏ចាប់ផ្តើមធ្វើការប្រមូលព័ត៌មានខណៈពេលដែលអ្នកបើកបរជាច្រើនចំណាយពេលប្រើប្រាស់ទៅលើប្រព័ន្ធ Autopilot system និងប្រើប្រាស់នូវទិន្នន័យទាំងនេះក្នុងការពង្រឹងទៅលើប្រព័ន្ធបើកបរដោយស្វ័យប្រវត្តិសម្រាប់ការប្រើប្រាស់នាពេលអនាគតនោះ។ លោក Musk ជឿជាក់ថា ប្រព័ន្ធនេះនឹងដំណើរការមិនថាពេលភ្លៀង ធ្លាក់ព្រិល ឬងងឹតនោះទេ ហើយក្រុមហ៊ុន Tesla ថ្មីៗនេះក៏បញ្ចេញនូវវីដេអូអំពីរថយន្ត Model 3 នៅក្នុង Full-Self Driving mode cruising នៅលើផ្លូវដោយមិនចាំបាច់ត្រូវការអ្នកបើកបរនោះទេ៕
