ក្រុមហ៊ុន Land Rover សហការជាមួយនិងក្រុមហ៊ុន Carlex នាំមកនូវម៉ូដែលពិសេស Defender Racing Green Edition ដែលមានការរចនាពិតជាស្រស់ស្អាតអស្ចារ្យមែនទែន

មួយរយៈចុងក្រោយនេះ ដោយសារតែពិភពលោកជួបប្រទៈនូវបញ្ហានៃវិបត្តិការរីករាលដាននៃមេរោគកូវីត 19 បានធ្វើអោយមនុស្សជាច្រើន បានធ្វើការផ្លាស់ប្តូររបៀបរបបនៃការរស់នៅ និងការសន្សំសំចៃ មិនហ៊ានចំណាយផ្តេសផ្តាស់នោះទេ ដោយបារម្ភពីរឿងនេះ។ ជាក់សែ្តងនៅពេលនេះ មានមនុស្សមួយចំនួន គឺមិនចង់ធ្វើការផ្លាស់ប្តូររថយន្តនោះទេ ប៉ុន្តែក៏មនុស្សមួយចំនួនផ្សេងទៀតនោះ ក៏ចង់ភ្លក់រសជាតិថ្មីផងដែរ។ 

ដើម្បីបំពេញតម្រូវចិត្តអ្នកដែកចូលចិត្តរបស់ប្លែកៗ ថ្មីៗនេះ ក្រុមហ៊ុនផលិតរថយន្ត Land Rover បានបញ្ចេញនូវម៉ូដែលពិសេសមួយនៃ Defender Yachting Edition ដោយមានការសហការគ្នាជាមួយក្រុមហ៊ុន Carlex Design ដែលបានធ្វើការរចនាថ្មីទលើរថយន្តនេះ ទាំងផ្នែកខាងក្នុង និងផ្នែកខាងក្រៅ។ 

នៅពេលនេះ ក្រុមហ៊ុនដៃគូរទាំងពីរ ក៏បានបង្ហាញនូវម៉ូឌែល Land Rover Defender Racing Green Edition របស់ខ្លូនហើយ។ រថយន្តថ្មីនេះ គឺមើលទៅពិតជាស្រស់ស្អាតខ្លាំង និងមានភាពទាក់ទាញខ្លាំងមែនទែន។ 

ក្រុមហ៊ុនទាំងពីរនេះ ក៏បានសម្រេចធ្វើការច្នៃប្រឌិតម៉ាកយីហោ Carlex នៅលើចង្កូតផងដែរ។ ផ្នែកខាងក្រោយរបស់រថយន្តនេះពិតជាស្រស់ស្អាត និងបំពាក់នូវបច្ចេកវិទ្យាជាច្រើនកាន់តែសម្បូរបែប។ អ្វីដែលកាន់តែពិសេសទៀតនោះ កៅអីខាងក្នុងរបស់រថយន្តនេះពិតជាអស្ចារ្យមិនធម្មតានោះទេ។ 

ក្រុមហ៊ុន Carlex ដែលជាអ្នកឌីស្សាញរថយន្តប្រណិតមួយនេះ បាននិយាយថា សម្រាប់រថយន្តម៉ូឌែលពិសេសនេះ គឺពិតជាអស្ចារ្យមែនទែន គឺស្ទើរតែគ្មានកន្លែងទាស់ និយាយរួមទៅ គឺពិតជាពិសេសសម្រាប់អ្នកដែលចូលចិត្តរបស់ថ្មីៗ ប្លែកៗ។ 

បន្ថែមពីនេះ ក្រុមហ៊ុនឆ្លាក់នូវពាក្យចា 'Racing Green Edition' ប្រើប្រាស់នៅលើកៅអីរបស់រថយន្ត រួមជាមួយនិងផ្ទៃខាងក្រោយនៅកណ្តាលរបស់រថយន្តថែមទៀតផង។ តម្លៃរបស់រថយន្ត Defender នេះគឺប្រហែលជា €85,000 ($101,875)។ សូមបញ្ជាក់ថា សម្រាប់តម្លៃខាងលើនេះ គឺជាតម្លៃក្រៅប្រទេស មិនជាតម្លៃក្នុងស្រុកខ្មែរទេ៕