ក្រុមហ៊ុន Xiaomi មានភាពល្បីល្បាញមិនត្រឹមតែសម្រាប់ស្មាតហ្វូនរបស់ខ្លួន និងផលិតផលនៅក្នុងផ្ទះនោះទេ ប៉ុន្តែក្រុមហ៊ុននេះ ក៏មានផលិតផលជាច្រើនយ៉ាងសម្បូរបែបផងដែរ មានន័យថា ផលិតផលរបស់ក្រុមហ៊ុនបច្ចេកវិទ្យានេះ គឺមានការពេញនិយមខ្លាំងមែនទែននៅលើពិភពលោក។ ប្រសិនបើផលិតផលទាំងនេះ មិនមែនជាផលិតផលរបស់ក្រុមហ៊ុន Xiaomi នោះ ក្រុមហ៊ុននេះ ក៏ធ្វើការវិនិយោគនូវទឹកប្រាក់ជាច្រើនរយលានដុល្លារអាមេរិកបន្ថែមទៀតទៅលើក្រុមហ៊ុនធុនតូច និងមធ្យមជាច្រើនទៀតផងដែរ។
ក្រុមហ៊ុនទាំងនោះដំណើរការយ៉ាងល្អក្រោមការគ្រប់គ្រងរបស់ក្រុមហ៊ុន Xiaomi និងការអនុវត្តន៍តាមយុទ្ធសាស្រ្តរបស់ក្រុមហ៊ុន Xiaomi ផងដែរ។ អាជីវកម្មមួយដែលមានការពេញនិយមខ្លាំងនោះ គឺជាកង់អេឡិចត្រូនិច។ នៅថ្ងៃនេះ ក្រុមហ៊ុន Xiaomi បានប្រកាសចេញនូវវត្តមាននៃកង់អេឡិចត្រូនិច special edition Electric Scooter Pro 2ដែលជាកិច្ចសហការជាមួយនឹងក្រុមការងារ Mercedes-AMG Petronas F1 ។
លោក Chris Church ដែលជាអនុប្រធានរបស់ក្រុមការងារ Mercedes-AMG នៅក្នុងតំបន់ប៉ាស៊ីហ្វិក បាននិយាយថា “ខ្ញុំពិតជារីករាយណាស់ក្នុងការនាំយកនូវបទពិសោធន៍នៃ Mercedes F1 នេះ ទៅកាន់អ្នកគាំទ្រជាច្រើនរបស់យើង។ ដូចយើងផងដែរ ក្រុមហ៊ុន Xiaomi គឺប្តេជ្ញាចិត្តក្នុងការបង្កើតបន្តនូវភាពច្នៃប្រឌិតជាច្រើនទៀត។ យើងពិតជាសប្បាយរីករាយណាស់ក្នុងការធ្វើការជាមួយនឹងក្រុមហ៊ុននេះដើម្បីនាំយកនូវ version ថ្មីនៃកង់អេឡិចត្រូនិច Mi Electric Scooter Pro 2 ទៅកាន់ទីផ្សារផងដែរ។”
សម្រាប់កង់អេឡិចត្រូនិច XIAOMI MI ELECTRIC SCOOTER PRO 2 នេះ គឺមានការពង្រឹងកាន់តែប្រសើរជាងមុនផងដែរ។ កង់នេះ គឺមានការទ្រទ្រង់នៃការធ្វើដំណើរបានដល់ទៅ 45 គីឡូម៉ែត្រសម្រាប់ការបញ្ចូលថាមពលថ្មម្តងជាមួយនឹងល្បឿន 25km/h។ នៅក្នុងពេលដូចគ្នានេះដែរ កង់នេះ អាចធ្វើការឡើងជម្រាលបានយ៉ាងល្អថែមទៀត។ នៅលើកង់អេឡិចត្រូនិចនេះ យើងក៏ឃើញនូវអេក្រង់ LCD ផងដែរ។នេះមានន័យថា នៅពេលដែលអ្នកជិះកង់នេះ អ្នកអាចមើល និងគ្រប់គ្រងនៅលើកង់នេះបានយ៉ាងងាយស្រួល។ អេក្រង់នេះជួយអ្នកផ្តល់នូវបទពិសោធន៍នៃការជិះកង់កាត់តែងាយស្រួលបំផុត។
នៅក្នុងចំណោមប្រតិបត្តិការជាច្រើនទៀតនោះ យើងអាចមើលឃើញនូវអេក្រង់នេះ គឺមានកម្រិតបង្ហាញនូវល្បឿននៃពេលវេលា Modes នៅក្នុងការជិះកង់ ប្រព័ន្ធ Bluetooth និងការគ្រប់គ្រងទៅលើស្ថានភាពនៃភ្លើងចង្កៀងថែមទៀត។ គួរបញ្ជាក់ផងដែរថា កង់អេឡិចត្រូនិច Mi Electric Scooter Pro 2 នេះគឺមានកញ្ចក់នៅពីមុខ ពីក្រោយ និងចំហៀងថែមទៀត។ អ្នកក៏អាចធ្វើការតភ្ជាប់ជាមួយនឹងស្មាតហ្វូនបានផងដែរ។កង់អេឡិចត្រូនិច Xiaomi Mi Electric Scooter Pro 2 នេះ មានតម្លៃ 499 យូរ៉ូ។ សម្រាប់កង់អេឡិចត្រូនិច Mi Electric Scooter 1S នេះមានតម្លៃ 399 យូរ៉ូ៕