Honda ចាប់ដៃជាមួយ LG Energy Solution បង្កើតរោងចក្រផលិតអាគុយសម្រាប់អាមេរិក

នៅថ្ងៃនេះមានដំណឹងថ្មីថា ក្រុមហ៊ុន Honda បានប្រកាសចាប់ដៃគ្នាជាមួយនិង LG Energy បង្កើតនូវសង្វាក់ផលិតកម្មអាគុយ។ ក្រុមហ៊ុនទាំងពីរនេះ នឹងធ្វើការផលិតនូវអាគុយប្រភេទ Lithium-ion សម្រាប់រថយន្តដែលផលិតដោយក្រុមហ៊ុន Honda ដោយក្នុងនោះក៏មានម៉ូដែល Honda e ហើយនិងម៉ូដែលថ្មៗប្រេភេទ hybrid models ដូចជា Accord Hybrid ផងដែរ។

គម្រោងទៅលើបច្ចេកវិទ្យាអាគុយនេះ ក្រុមហ៊ុន Honda បានចំណាយទឹកប្រាក់អស់រាប់រយលានដុល្លារមកហើយ ដែលរួមបញ្ចូលទាំង $700 លានដុល្លារ វិនិយោគទៅលើរោងចក្រផលិតអាគុយនៅរដ្ឋ Ohio រួននិងការចាប់ដៃជាមួយនិងក្រុមហ៊ុន Sony ទៅលើការផលិតរថយន្តប្រណិតៗនៅក្នុងសហរដ្ឋអាមេរិកនៅឆ្នាំ 2026 ផងដែរ។ សម្រាប់ការចាប់ដៃគ្នាថ្មីនេះ ក្រុមហ៊ុនទាំងពីរ នឹងធ្វើការសាងសង់រោងចក្រនៅឆ្នាំនេះ ហើយនិងបញ្ចប់នៅឆ្នាំ 2024 ខាងមុខ។ 

រោងចក្រនេះ គឺមានចម្ងាយប្រមាណ 40miles ពាក្យខាងត្បូងនៃទីក្រុង Columbus រដ្ឋ Georgia ហើយនឹងចាប់ផ្តើមផលិតនូវអាគុយ lithium-ion នេះនៅឆ្នាំ 2025 ខាងមុខជាមួយកម្លាំងអាគុយ 40 GWh។ អាគុយដែលផលិតនៅរោងចក្រ នឹងប្រើនៅរថយន្ត Honda EVs ដែលលក់នៅអាមេរិកខាងជើង។ រោងច្រក Honda ដែលមានការតម្លើងថ្មីនេះ គឺមានតម្លៃ $3.5 ពាន់លានដុល្លារ ហើយបើសរុបទាំងការចាប់ដៃគ្នានេះ គឺមានតម្លៃឡើងទៅដល់ $4.4 ពាន់លានដុល្លារ។ រោងចក្រនេះ នឹងបង្កើតការងារបាន 2,200 កន្លែង។