BYD ដែលជាក្រុមហ៊ុនើផលិតរថយន្តអគ្គិសនីដ៏ធំរបស់ពិភពលោក ហើយក៏កំពុងតែនាំមុខគេនៅលើទីផ្សាររថយន្តអគ្គិសនីនោះ គឺបានធ្វើការងារល្អមែនទែនសម្រាប់ឆ្នាំ 2023 កន្លងទៅនេះ។ យោងតាមរបាយការណ៌ថ្មីដែលចេញផ្សាយកាលពីថ្ងៃទី 26 ខែមីនានេហ បានបង្ហាញថា ក្រុមហ៊ុននេះ គឺពិតជាពិតជាខ្លាំងនៅក្នុងការនាំចេញរថយន្តអគ្គិសនីរបស់ខ្លួន។
ក្រុមហ៊ុននេះទទួលបាននូវប្រាក់ចំណេញពីភាគហ៊ុនកើនឡើងដល់ទៅ 80.72%។
-ប្រាក់ចំណូលលើប្រតិបត្តិការទូទៅមានការកើនឡើងទំហំ 602.315 ពាន់លានយ៉ន់ ដែលស្មើរនឹងកំណើន 42.04% ប្រៀបធៀបនឹងឆ្នាំមុន
-ប្រាក់ចំណេញពីភាគហ៊ុនមានការកើនឡើង 80.72% ដែលស្មើរនឹង 30.041 ពាន់លានយ៉ន់
-ក្រុមហ៊ុនមានគម្រោងចែកចាយសាច់ប្រាក់ 30.96 យ៉ន់ ទៅកានអ្នកមានហ៊ុនទាំងសម្រាប់អ្នកដែលមាន 10 ហ៊ុន។
យោងតាមរបាយការណ៌ខាងលើនេះបន្តថា ក្រមហ៊ុន BYD នៅតែបន្តឈរនៅលើកំពូលតារាងនៃអ្នកនាំចេញរថយន្តអគ្គិសនីសម្រាប់ឆ្នាំ 2023 ដដែល ជាមួយនិងការនាំចេញបានចំនួន 3.02 លានគ្រឿង។ ការទទួលបាននូវភាពជោគជ័យនេះ បាធ្វើអោយក្រុមហ៊ុននេះទទួលបាននូវលំដាប់ខ្ពស់ ដោយអាចឈរនៅក្នុងចំណោម Top Ten នៃក្រុមហ៊ុនផលិតរថយន្តធំៗនៅលើពិភពលោកថែមទៀតផង
ថ្មីៗនេះ ក្រុមហ៊ុន BYD បាននាំចេញនូវរថយន្តអគ្គិសនីដែលមានតម្លៃធូថ្លៃនៅលើទីផ្សារ។ ម៉ូដែល Champion Edition ដែលបានបង្ហាញវត្តមានកាលពីឆ្នាំនេះ គឺមានតម្លៃធូងថ្លៃខ្លាំងមែនទែន ហើយសម្រាប់ឆ្នាំ 2024 នេះ ក្រុមហ៊ុននេះ បានបន្តនាមចេញនូវមូដែល Honor Edition បន្ថែមទៀតសម្រាប់ទីផ្សារ ដោយម៉ូដែលនេះ គឺជារថយន្តអគ្គិសនីជំនាន់ថ្មីដែលមានតម្លៃសមរម្យខ្លាំងជាងមុនថែមទៀតផង។ រថយន្តនេះ បានធ្វើអោយអ្នកប្រើប្រាស់ងាកមកប្រើប្រាស់នូវថាមពលអគ្គសិនី ពីព្រោះថា វាមានតម្លៃថោកជាងរថយន្តសាំង។
សូមជំរាបថា កាលពីថ្ងៃទី 25 ខែមីនាកន្លងទៅនេះ ក្រុមហ៊ុន BYD បានប្រកាសថា ខ្លួនបាននាំចេញនូវរថយន្តអគ្គិសនីរបស់ខ្លួនបានជាង 7 លានគ្រឿងហើយ។ ក្រុមហ៊ុន BYD Co., Ltd គឺជាក្រុមហ៊ុនផលិតរថយន្តដ៏ធំមួយ បង្កើតឡើងក្នុងឆ្នាំ 1995 និងមានមូលដ្ឋាននៅក្នុងទីក្រុង Shenzhen ប្រទេសចិន។
