Zeekr 9X ដែលជារថយន្តប្រភេទ Flagship Plug-in-hybrid SUV ស៊េរីថ្មីពីក្រុមហ៊ុន Geely ត្រូវបានគេទម្លាយចេញពីការឌីស្សាញរផ្នែកខាងក្នុងជាលើកដំបូង។ បើតាមរូបភាពដែលបានបែកធ្លាបបង្ហាញថា នៅផ្នែកកាប៊ីនខាងក្នុងមានបំពាក់នូវអេក្រង់ទំហំធំដល់ 30-inch ដែលដូចគ្នានឹងម៉ូដែល Lynk & Co 900 ដែលក្រុមហ៊ុនទើបប្រកាសចេញកាលពីពេលថ្មីៗនេះ។ Zeekr 9X ត្រូវបានគេរំពឹងថា នឹងបង្ហាញវត្តមាននៅទីផ្សារប្រទេសចិនផ្លូវការណ៍នៅត្រីមាសទីបីឆ្នាំនេះ។ ឡាន Flagship PHEV SUV ថ្មីនេះ គាំទ្រនូវប្រព័ន្ធសាកភ្លើងកម្រិតកម្លាំង 900Voltage ភ្ជាប់ដំណើរការដោយម៉ាស៊ីន Hybrid 2.0-liter ICE និងម៉ូទ័រអគ្គិសនីពីរ ជាមួយបច្ចេកវិទ្យាថ្មគាំទ្រការសាកភ្លើងល្បឿនលឿនកម្រិត 6C។
Zeekr 9X Flagship PHEV SUV បំពាក់នូវអេក្រង់ទំហំធំដល់ 30-inch ជាមួយកម្រិតបង្ហាញដល់ 6K ដែលអេក្រង់នេះអាចប្រើបានទាំងអ្នកបើក និងអ្នករួមដំណើរការកៅអីខាងមុខ។ ហើយប្រព័ន្ធដំណើរការទូទៅនៅលើអេក្រង់ និងក្នុងរថយន្តទាំងមូលអាចនឹងគាំទ្រដោយបន្ទះឈីប Qualcomm Snapdragon 8295 ដូចគ្នានឹងម៉ូដែល Lynk & Co 900 ដែរ។ Zeekr X9 គឺមានប្រវែងតួរខ្លួន 5.2m ជាមួយគម្លាតចន្លោះកង់មុខទៅកង់ក្រោយ 3.2m ហើយរថយន្ត SUV ស៊េរីថ្មីក៏នឹងប្រើយ៉ាន់កង់ទំហំ 21-inch ផងដែរ។
ផ្នែកខាងមុខត្រូវបានរចនារំលេចជាមួយប៉ាណារចនាជារបាបញ្ឈជាមួយដែកក្រូម ជាមួយបណ្តុំភ្លើង LED Headlight ដែលបង្កើននូវសោភ័ណ្ឌភាពដ៏ទាក់ទាញ និងភាពទំនើបស៊ីវីល័យ។ នៅលើផ្នែកដំបូលខាងមុខ ឃើញមានបំពាក់នូវប្រព័ន្ធសែនស័រ LiDAR ថែមទៀតផង។ រីនៅផ្នែកខាងក្រោយត្រូវបានរំលេចជាមួយបណ្តុំអំពូលភ្លើង LED ពណ៌ក្រហមដិតចំនួន 43,343 គ្រាប់ មួយជុំគូទក្រោយ។
ទៅលើប្រព័ន្ធសុវត្ថិភាពវិញ Zeekr 9X នឹងគាំទ្រនូវប្រព័ន្ធជំនួយការកម្រិត G-Pilot H9 Driving Assistant system គាំទ្រដំណើរការដោយបន្ទះឈីបឆ្លាតវៃ Nvidia Drive Thor chips ដែលមានកម្រិតនៃភាពឆ្លាតវៃដល់ 1,400 TOPS។ ជាមួយប្រព័ន្ធ G-Pilot H9 គឺដំណើរការជាមួយសែនស័រកាមេរ៉ាចំនួ 13 គ្រាប់, 3 mm-wave radars និង LiDAR ប្រមាណជាពីរបីគ្រាប់ទៀត។ ប្រព័ន្ធនេះ ក៏ភ្ជាប់ដំណើរការជាមួយនឹងប្រព័ន្ធ L3-ready model ដែលគាំទ្រដំណើរការនូវមុខងារនាំផ្លូវ map-free Navigate On Autopilot និង AI Parking spot search ថែមទៀតផង។
Zeekr 9X PHEV SUV គឺនឹងបំពាក់នូវម៉ាស៊ីន Hybrid ទំហំ 2-liter turbocharged engine កម្លាំង 274 សេះ ភ្ជាប់ដំណើរការដោយម៉ូទ័រអគ្គិសនីពីរ ដោយម៉ូទ័រខាងមុខមានកម្លាំង 388 សេះ និងម៉ូទ័រខាងក្រោយមានកម្លាំង 496 សេះ។ រថយន្ត SUV ថ្មីនេះ ក៏នឹងបំពាក់នូវបច្ចេកវិទ្យាថ្មកម្រិត 6C Qilin ternary NMC ផលិតដោយក្រុមហ៊ុន CATL ផងដែរ ដោយការសាកភ្លើងមួយពេញម្តងអាចជិះបានចម្ងាយ 380km ដោយប្រើថាមពលអគ្គិសនីសុទ្ធ ជាមួយការសាកភ្លើងពីកម្រិត 20% ទៅ 80% ចាយពេលត្រឹមតែ 9 នាទីប៉ុណ្ណោះ។
Zeekr 9X ក៏គាំទ្រនូវប្រព័ន្ធដំណើរការឆ្លាតវៃ dual-chamber air suspension និង dual-valve CDC continuous damping system ផងដែរ ដែលធ្វើឲ្យការបើកបរកាន់តែមានសុវត្ថិភាព និងផាសុខភាពខ្ពស់។ ដោយប្រព័ន្ធនេះ អាចឲ្យ Zeekr 9X អាចបង្កើនកំពស់បន្ថែមបាន 110mm ខណៈកំពស់ស្តង់ដារពីផ្ទៃដីមកផ្ទៃបាទក្រោមរថយន្ត គឺ 288mm។
Zeekr គឺជាម៉ាកយីហោរថយន្តទំនើប High-end brand ដោយជ្រកក្រោមដំបូលរបស់ Geely Group និងត្រូវបានប្រកាសឈ្មោះដំបូងកាលពីឆ្នាំ 2021។ ក្នុងពេលបច្ចុប្បន្នម៉ាកយីហោរថយន្ត Zeekr គឺមានចំនួនរថយន្តចំនួន 6 ម៉ូដែល។ ហើយក្នុងខែមករា ដល់ខែមីនា ឆ្នាំ 2025 ម៉ាករថយន្ត Zeekr លក់បានចំនួន 71,640 គ្រឿង នេះបើតាមរបាយការណ៍របស់ស្ថាប័ន China EV DataTracker៕
