Mazda EZ-60 ទទួលបានការបញ្ជាទិញមុនចំនួន 26,000 គ្រឿង ក្រោយការបង្ហាញវត្តមាននៅ Chongqing Auto Show

ក្រុមហ៊ុន Mazda បាននាំយកឡានអគ្គិសនីស៊េរីថ្មីម៉ូដែល Mazda EZ-60 ដែលជា mid-side SUV ទៅដាក់តាំងបង្ហាញនៅក្នុងព្រឹត្តិការណ៍ពិព័រណ៌រថយន្តប្រចាំឆ្នាំ 2025 Chongqing Auto Show។ EZ-60 គឺជារថយន្តអគ្គិសនីស៊េរីថ្មីដែលចាប់កំណើតឡើងពីក្រុមហ៊ុនផលិតរថយន្តសម្ព័ន្ធមិត្តជប៉ុន-ចិន Mazda និង Changan Auto។

ឡានអគ្គិសនី SUV ថ្មីនេះ ទទួលបានការចាប់អារម្មខ្លាំងនៅក្នុងទីផ្សាររថយន្តអគ្គិសនីដោយទទួលបានការបញ្ជាទិញមុនដល់ទៅជាង 26,000 គ្រឿង គិតត្រឹមថ្ងៃទី 06 ខែមិថុនា។ ចំពោះអតិថិជនដែលមានការចាប់អារម្ម និងបានដាក់ការបញ្ជាទិញ Mazda EZ-60 ភាគច្រើន គឺជាយុវវ័យ និងវ័យកណ្តាលដែលរស់នៅទីក្រុង មានអាយុចាប់ពី 25 ឆ្នាំ ទៅ 40 ឆ្នាំ មានចំនួន 76% និងប្រមានជា 71% មកពីទីប្រជុំជន និងជនបទ។

នៅក្នុងព្រឹត្តិការណ៍ Chongqing Auto Show ក្រុមហ៊ុន Changan Mazda បានអញ្ជើញអ្នកប្រើប្រាស់រថយន្តពីររូបបង្ហាញពីចំណាប់អារម្មរបស់ពួកគេចំពោះ EZ-60 ដោយអ្នកទីមួយ បានបង្ហាញពីចំណាប់អារម្មរបស់ខ្លួនចំពោះការឌីស្សាញបែប Aerodynamic និងម្នាក់ទៀតមានចំណាប់អារម្មទៅលើបច្ចេកវិទ្យាប្រើប្រាស់ទំនើបនៅកាប៊ីនខាងក្នុង។ បច្ចេកវិទ្យាទំនើបដែលទទួលបានការចាប់អារម្មខ្លាំងដំបូងគេនៅលើ Mazda EZ-60 គឺជាប្រព័ន្ធបង្ហាញនៅលើកញ្ចក់ដំបូលខាងមុខដែលមានទំហំ 100-inch ហៅថា naked-eye 3D head-up display ជាមួយការគាំទ្រមុខងារ Eye-tracking។

ប្រព័ន្ធ Speaker បំពងសំឡេងទំនើបចំនួន 23 គ្រាប់, បច្ចេកវិទ្យាបន្ទះឈីបឆ្លាតវៃ 4nm smart cockpit chip ដែលមានសមត្ថភាពអាចដំណើរការមុខងារប្រើប្រាស់ក្នុងរថយន្តចំនួនជាង 1,700 រួមនឹងបច្ចេកវិទ្យាអេក្រង់កម្សាន្តកម្រិត 5K ទំហំ 26.45-inch គាំទ្រមុខងារ Adaptive Brightness Control។ ក្រៅពីម៉ូឌែលស្តង់ដារ Mazda EZ-60 ក៏មានជម្រើសម៉ូដែល Sport Edition ផងដែរ។ ដោយម៉ូដែល Sport Edition គឺមានពណ៌ខ្មៅរលើបរលោងជាមួយការបំពាក់នូវយ៉ាន់កង់ឌីស្សាញជាកាំរាងកង់ចក្រពណ៌ខ្មៅហៅថា forged wheels, ប្រអប់ហ្វ្រាំង ឬ brake callipers មានពណ៌ក្រហម និងមានការ Highlight ផ្នែកខាងក្នុងជាមួយពណ៌ក្រហមជាដើម។ 

Mazda EZ-60 Sport Editon មានជម្រើស 4 ម៉ូដែល មានតម្លៃចាប់ពីខ្ទង់ $22,300 ឡើងទៅ។ Mazda EZ-60 ដែលចេញលក់នៅទីផ្សារអឺរ៉ុប គឺមានភ្ជាប់នូវប្រព័ន្ធពោងសុវត្ថិភាពចំនួន 9 គ្រាប់ និងទទួលស្គាល់ផ្នែកសុវត្ថិភាពខ្ពស់ពីស្ថាប័ន Chinese and European safety regulations ហើយនិងទទួលបានវិញ្ញាណបនបត្រផ្នែកសុវត្ថិភាពខ្ពស់ទៅលើការបុកប៉ះកម្រិតធ្ងន់ពីស្ថាប័ន C-IASI និង Euro NCAP។

ទន្ទឹងនេះ Changan Mazda ក៏បានដាក់បង្ហាញ CX-5 Onyx Edition ជាមួយនឹងការតុបតែងពណ៌ខ្មៅ ដោយបន្តនិន្នាការនៅទូទាំងក្នុងស្រឡាយរថយន្តរបស់ខ្លួនផងដែរ។ Mazda បានបញ្ជាក់ពីគម្រោងប្រកាសចេញរថយន្តអគ្គិសនីបន្ថែមទៀតដែលត្រូវបានបង្កើតឡើងនៅលើវេទិកាពិសេសមួយ ដោយរួមបញ្ចូលគ្នានូវប្រព័ន្ធដំណើរការដោយថាមពលអគ្គិសនីជាមួយនឹងសក្ដានុពលនៃការបើកបរដែលមានឫសគល់ក្នុងទស្សនវិជ្ជាផ្នែករចនាបថរបស់ Mazda ផ្ទាល់តែម្តង៕