កាលពីថ្ងៃទី 23 ខែវិច្ឆិកា ឆ្នាំ 2017 នៅភោជនីយដ្ឋាន និងកាហ្វេមណ្ឌលគីរី ក្រុមហ៊ុន AWS CAMBODIA LTD ដែលជាក្រុមហ៊ុនចែកចាយផ្តាច់មុខផលិតផល Honeywell Fire & Security នៅក្នុងប្រទេសកម្ពុជា និងជាក្រុមហ៊ុនឈានមុខគេផ្នែកចែកចាយផលិតផលបណ្ដាញទូរគមនាគមន៍ព័ត៌មានវិទ្យា និងប្រព័ន្ធគ្រប់គ្រងសុវត្ថិភាពអគារ បានសហការយ៉ាងជិតស្និទ្ធជាមួយក្រុមហ៊ុន Honeywell ដែលជាក្រុមហ៊ុនផលិត និងផ្គត់ផ្គង់ផលិតផលប្រព័ន្ធសុវត្ថិភាពអគ្គីភ័យ ប្រព័ន្ធកាមេរ៉ាសុវត្ថិភាព ប្រព័ន្ធសំលេងនិងប្រកាសអាសន្ន ប្រព័ន្ធ Access Control ប្រព័ន្ធ Smart Home ប្រព័ន្ធ Intrusion ប្រព័ន្ធ Video Door Phone និង ប្រព័ន្ធ Conference & Interpretation ដើម្បីរៀបចំកម្មវិធីជួបជុំដៃគូអាជីវកម្មរបស់ខ្លួន (Honeywell Dinner Night) ដោយមានការផ្តល់កិត្តិយសចូលរួមដោយលោក Dung, Nguyen Thanh ប្រធានផ្នែកលក់របស់ក្រុមហ៊ុន Honeywell ប្រចាំប្រទេសកម្ពុជា និង ប្រទេសវៀតណាម និងបណ្តាម្ចាស់ក្រុមហ៊ុន ម្ចាស់អាជីវកម្ម ប្រធានគម្រោង បុគ្គលិកក្រុមហ៊ុន ដែលជាដៃគូអាជីវកម្មរបស់ក្រុមហ៊ុន AWS CAMBODIA LTD និងជាអតិថិជនដែលតែងតែគាំទ្រ ផលិតផល Honeywell Fire & Security។
លោក ជា សុវណ្ណ ប្រធានគ្រប់គ្រងផលិតផលក្រុមហ៊ុន AWS បានមានប្រសាសន៍ថា ក្រុមហ៊ុន AWS (Asia Wiring System)ដែលមានស្នាក់ការកណ្ដាលនៅប្រទេសសិង្ហបុរី បានបង្កើតឡើងនៅក្នុងឆ្នាំ 1993។ បច្ចុប្បន្នក្រុមហ៊ុនមានភាពរឹងមាំគ្រប់ផ្នែក រួមទាំងកិច្ចសហការល្អជាមួយដៃគូពាក់ព័ន្ធ និងការអនុវត្តនិងការពង្រីកខ្លួនដើម្បីមានសមត្ថភាពគ្រប់គ្រាន់ក្នុងការជួយជ្រោមជ្រែងទៅដល់ដៃគូអាជីវកម្មរបស់ខ្លួន ឈានឆ្ពោះទៅរកភាពជោគជ័យ។ ប្រការនេះធ្វើអោយដៃគូរបស់ខ្លួន មានការសប្បាយរីករាយក្នុងការធ្វើអាជីវកម្មជាមួយក្រុមហ៊ុន AWS CAMBODIA LTD ហើយពីមួយឆ្នាំ ទៅមួយឆ្នាំក្រុមហ៊ុនកាន់តែមានដៃគូអាជីវកម្មច្រើនឡើងៗ។
សមត្ថភាពក្នុងការអនុវត្ត និងបន្តអនុវត្តប្រកបដោយភាពវិជ្ជមានមួយនេះក៏បានធ្វើអោយក្រុមហ៊ុន AWS ក្លាយជាដៃគូពាណិជ្ជកម្មច្រើនជាងគេជាមួយក្រុមហ៊ុនដែលមានបច្ចេកវិទ្យាល្បីៗនៅលើពិភពលោក ដែលក្រុមហ៊ុនទាំងនោះ រួមមានដូចជា Commscope (AMP/Systimax/Krone), Cisco, Alantek, D-Link, Socomec UPS, EPSON, Honeywell Security & Fire Solutions, Printronix, Asus Server/Work Station, Brady, Zycoo IP Telephony និងផលិតផលជាច្រើនទៀត ដែលកំពុងសហការប្រតិបត្តិនៅក្នុងប្រទេសកម្ពុជា។ ក្រុមហ៊ុនបច្ចេកវិទ្យាទាំងនេះបានផ្តល់សិទ្ធិផ្តាច់មុខដល់ក្រុមហ៊ុន AWS ក្នុងការក្លាយជាក្រុមហ៊ុនចែកចាយ ស្របច្បាប់នៅប្រទេសកម្ពុជា។ សព្វថ្ងៃក្រុមហ៊ុនមានសាខាក្នុងប្រទេស (ភ្នំពេញ និង សៀមរាប) និងនៅតំបន់អាស៊ី ដែលមានដូចជាប្រទេសម៉ាឡេស៊ី ឥណ្ខូនេស៊ី ថៃ ហ្វីលីពីន កម្ពុជា វៀតណាម និងមីយ៉ាន់ម៉ា។ សម្រាប់ព័ត៌មានបន្ថែមពីក្រុមហ៊ុនសូមចូលទៅកាន់ http://www.awspl.com
គួរបញ្ជាក់ថា នៅក្នុងកម្មវិធីនេះ ក៏មានការបង្ហាញពីផលិតផល និងដំណើរការ Honeywell Fire & Security (ប្រព័ន្ធសុវត្ថិភាពអគ្គីភ័យ ប្រព័ន្ធកាមេរ៉ាសុវត្ថិភាព ប្រព័ន្ធសំលេងនិងប្រកាសអាសន្ន ប្រព័ន្ធ Access Control ប្រព័ន្ធ Smart Home ប្រព័ន្ធ Video Door Phone) ផងដែរ។ ក្រុមហ៊ុន Honeywell គឺជាក្រុមហ៊ុនផលិត និងផ្គត់ផ្គង់ផលិតផលបច្ចេកវិទ្យាឈានមុខគេលើផ្នែកថាមពល សុវត្ថិភាព សន្តិភាព ផលិតកម្ម និងនគរូបនីយកម្មជាសកល។ សម្រាប់ព័ត៌មានបន្ថែមសូមចូលទៅកាន់ http://honweywell.com .
