កាលពីថ្ងៃទី 17 ខែមករា ឆ្នាំ 2019 កន្លងទៅនេះ ក្រុមហ៊ុន អ៊ី ស៊ី អាយ ឌីស្រ្ទីប៊្យូសិន (ECI Distribution) បានសហការគ្នាជាមួយនឹងក្រុមហ៊ុន DELL EMC បានរៀបចំនូវកម្មវិធីជប់លាង ដាក់តាំងបង្ហាញផលិតផលថ្មី និង ធ្វើបទបង្ហាញអំពីបច្ចេកវិទ្យាថ្មីរបស់ផលិតផល Dell ដោយលោក ម៉ី ឩត្តម ក្រោមប្រធានបទ CSG Product (Workstation) ជូនទៅដល់ដៃគូរចែកចាយបន្តរបស់ខ្លួន ដែលបានប្រព្រឹត្តទៅនៅ សណ្ឋាគារ The Great Duke ភ្នំពេញ។
នៅឱកាសនេះដែរ លោក ញ៉េប ចន្ថា ដែលជាអគ្គនាយកគ្រប់គ្រងទូទៅរបស់ក្រុមហ៊ុន អ៊ី ស៊ី អាយ ឌីស្រ្ទីប៊្យូសិន (ECI Distribution) បានមានប្រសាសន៍អោយដឹងថា គោលបំណងសំខាន់នៃការរៀបចំកម្មវិធីជប់លាងជូនដល់ដៃគូរចែកចាយបន្តនៅពេលនេះ គឺជាការចូលរួមចំណែកដ៏សំខាន់មួយក្នុងការចែករំលែកនូវបទពិសោធន៍ថ្មីៗ និងបច្ចេកវិទ្យាទំនើបៗ ដែលមាននៅលើផលិតផលរបស់ក្រុមហ៊ុន Dell EMC ម្យ៉ាងវិញទៀត ក្រុមហ៊ុន ចង់បង្កើននូវការប្រាស្រ័យទាក់ទងគ្នា អោយកាន់តែជិតស្និតមួយកំរិតថែមទៀត រវាងក្រុមហ៊ុន និងតំណាងចែកចាយបន្តទាំងអស់ ដែលពួកគាត់ បានខិតខំជួយជុំរុញការលក់ផលិតផលនានារបស់ក្រុមហ៊ុន ក៏ដូចជាផលិតផល Dell EMC កន្លងមក។
ក្រុមហ៊ុន អ៊ី ស៊ី អាយ ឌីស្រ្ទីប៊្យូសិន (ECI Distribution) គឺជាក្រុមហ៊ុនដ៏ធំមួយ ក្នុងការផ្តល់ដំណោះស្រាយនានាខាងផ្នែកបច្ចេកវិទ្យា ក៏ដូចជានាំចូល និង ចែកចាយផលិតផលបច្ចេកវិទ្យាជាច្រើនម៉ាកមានដូចជា Dell, Sony, Lenovo, DJI, , Fuji Xerox, Transcend, APC, Promate, Bitdefender, Honey well, Link Basic ហើយនិងឧករណ៍អេឡិកត្រូនិកផ្សេងៗទៀតជាច្រើនទៀតនៅក្នុងប្រទេសកម្ពុជា។ ហើយជាញឹកញយ ក្រុមហ៊ុនតែងតែមានកម្មវិធីជប់លាង និង បណ្ដុះបណ្ដាល ដល់ដៃគូរសហការរបស់ខ្លួនជានិច្ច។ ជាចុងក្រោយក្រុមហ៊ុនក៏សូមថ្លែងអំណរអរគុណយ៉ាងជ្រាលជ្រៅដល់ដៃគូរសហការទាំងអស់ដែលតែងតែគាំទ្រមកលើផលិតផលរបស់ក្រុមហ៊ុន រហូតមក ហើយក៏សូមជូនពរអោយអតិថិជនទាំងអស់មានសុខភាពល្អ និង រកទទួលទានមានបានគ្រប់ៗគ្នា។
ទំនាក់ទំនងក្រុមហ៊ុន៖ អគារលេខ១៦. ផ្លូវ ២៩០, សង្កាត់ ទួលស្វាយព្រៃ II, រាជធានី ភ្នំពេញ។ ទំនាក់ទំនងទូរស័ព្ទលេខ: (+៨៥៥-៧៨) ៨៨៨ ៥៩១ ហ្វេសប៊ុក ៖ ECI Distribution