PS42 គឺជាកុំព្យូទ័រយួរដៃជំនាន់ថ្មីរបស់ក្រុមហ៊ុន MSI ដែលបំពាក់នូវបន្ទះឈីប Intel Core i7 ជំនាន់ទី 8 ចុងក្រោយបំផុត រួមជាមួយក្រាហ្វិកជំនាន់ថ្មី NVIDIA GeForce GTX MX250 ដែលអាចបំពេញការងារលោកអ្នកបានកាន់រហ័សជាងមុន។ អ្វីដែលរឹតតែពិសេសទៀតនោះ ម៉ាស៊ីនដ៏តូចនេះ គឺអាចធ្វើការកែប្រែរូបភាព និងវីដេអូ បានយ៉ាងរលូនជាមួយនឹងកម្មវិធីជាច្រើន រួមមានដូចជា Adobe Light room និង Premier Pro ជាដើម។
PS42 មានទម្ងន់ 1.19Kg និងកម្រាស់ 15.9mm តែប៉ុណ្ណោះ ដែលនឹងផ្តល់នូវភាពងាយស្រួលសម្រាប់លោកអ្នកនៅក្នុងយកតាមខ្លួន និងធ្វើការងារបានគ្រប់ទីកន្លែង។ កុំព្យទ័រយួដៃថ្មីនេះ មានការរចនារូបរាងយ៉ាងទាន់សម័យជាមួយនឹងតួខ្លួនធ្វើពីអាលុយមីញ៉ូមយ៉ាងស្រស់ស្អាតជាមួយនឹងគ្រាប់ចុច Keyboard ពណ៌សយ៉ាងទាន់សម័យនោះ ធ្វើអោយ PS42 មានរូបរាងតូចងាយស្រួលចល័ត ហើយថែមទាំងធន់ក្នុងការប្រើប្រាស់ថែមទៀតផង។ PS 42 មានអេក្រង់ទំហំល្អមទំហំ 14 អ៊ីង មានកម្រិតភាពច្បាស់ FHD IPS ដែលការពារចំណាំងផ្លាតចេញពីអេក្រង់ថែមទៀតផង។
PS42 មានគែមព័ទ្ធអេក្រង់ស្តើង Thin Bezel កម្រាស់ត្រឹមតែ 5.7mm ដូចនេះ កម្រិតអេក្រង់របស់វាគឺមានភាពធំទូលាយនៅក្នុងការទស្សនា។ អ្វីដែលកាន់តែពិសេសនោះ PS42 ត្រូវបានភ្ជាប់ជាមួយនឹងបច្ចេកវិទ្យា MSI True Color ដែលផ្តល់នូវ Modes ជាច្រើនផ្សេងគ្នា ដែលល្អបំផុតក្នុងការប្រើប្រាស់នៅលើកិច្ចការប្រចាំថ្ងៃរបស់អ្នក។
បន្ថែមពីនេះ PS42 នេះ ក៏នូវមានភ្ជាប់ជាមួយនឹងប្រព័ន្ធស្កេនក្រយ៉ៅដៃ fingerprint sensor ដែលត្រូវបង្កើតឡើងសម្រាប់ការការពារទៅលើទិន្នន័យឯកជនភាពផ្ទាល់ខ្លួន និងសុវត្ថិភាពនៃអាជីវកម្មរបស់អ្នកផងដែរ។ ដើម្បីចួលទៅប្រើប្រាស់កុំព្យូទ័រនេះ លោកអ្នកគ្រាន់តែប៉ះម្រាមដៃរបស់អ្នកសម្រាប់ធ្វើការដោះសោរលើកុំព្យូទ័រនេះ គឺជាការស្រេច។ ជាមួយគ្នានេះ លោកអ្នកក៏អាចរីករាយជាមួយនឹងប្រព័ន្ធសំឡេងកម្រិតដូចនៅក្នុងរោងកុនផងដែរ នៅពេលដែលអ្នកប្រើប្រាស់ជាមួយនឹងកុំព្យូទ័រ ទោះបីជានៅផ្ទះ ហាងកាហ្វេ ក៏ដោយ។
MSI PS42 ត្រូវបានភ្ជាប់មកជាមួយនឹងប្រព័ន្ធសំឡេង Nahimic 3 Audio និងផ្តល់អោយលោកអ្នកអាចធ្វើការពង្រឹងទៅលើសមត្ថភាពនៃការចាក់តន្រ្តីកាន់តែពិរោះអស្ចារ្យរណ្តំចិត្តជាមួយនឹងកម្រិត Virtual Surround Sound របស់អ្នក។ សម្រាប់ថាមពលថ្មវិញ PS42 មានសមត្ថភាពអាចប្រើប្រាស់ការងារបានរយៈពេល 10 ម៉ោងដោយគ្មានបញ្ហានោះទេ។ ដូច្នេះ មិនថាការធ្វើការងារ ឬការកម្សាន្តនោះទេ កុំព្យូទ័រ PS42 នេះគឺបង្ហាញអំពីស្ទាយ៍នៃការប្រើប្រាស់របស់អ្នក។
