ZenBook Flip 13 ជាសមាជិកមួយក្នុងបណ្តាគ្រួសារ ZenBook ដែលមានភាពលេចធ្លោមិនធម្មតាជាមួយ កម្រាស់ត្រឹមតែ 13.9mm និងទម្ងន់ 1.3kg បំពាក់នូវអេក្រង់ថាច់ស្គ្រីនដ៏ធំទូលាយ NanoEdge FHD OLED ដែលអាចប្រើប្រាស់ជាមួយនឹងប៊ិច ASUS Stylus Pen ថែមទាំងអាចបើកបានរហូតដល់ 360°ប្រែរូបរាងទៅជាថេបប្លេតភ្លាមៗ។ចង់ដឹងថាតើឡេបថបនេះមានសមត្ថភាពយ៉ាងណានោះ តោះទៅយល់ដឹងពីវាទាំងអស់គ្នា!
Silky-smooth power
ឡេបថបដ៏ពិសេសនេះប្រដាប់ខ្លួនដោយអង្គដំណើរការជំនាន់ចុងក្រោយគេ Intel Core i7 ជំនាន់ទី 11 បំពាក់នូវ GPU ថ្មីគឺ Intel Iris Xe ជាមួយនឹងទំហំរហូតដល់ 16GB នៃ 4266 MHz LPDDR4X RAM រួមបញ្ចូលយ៉ាងល្អឥតខ្ចោះជាមួយនឹងទំហំ Storage ដល់ទៅ 1 TB PCIe 3.0 SSD។ ។ ហើយអ្វីដែលកាន់តែផ្តល់ទំនុកចិត្តដល់អ្នកប្រើប្រាស់គឺ ZenBook Flip 13 ត្រូវបានទទួលស្គាល់ផ្លូវការថាជាកុំព្យូទ័រយួរដៃ Intel Evo ដែលនេះជាបែបបទថ្មីមួយក្នុងការធានាបាននូវគុណភាពល្អលើសគេនៃដំណើរការរបស់កុំព្យូទ័រមួយនេះ។ ចំណែកឯប្រព័ន្ធ WiFi 6 (802.11ax) ដែលបង្កប់នៅក្នុង ZenBook Flip 13 ក៏ជាភ្នាក់ងារយ៉ាងសំខាន់ដែលធ្វើអោយអ្នកប្រើប្រាស់មានអារម្មណ៍រីករាយជាមួយនឹងការ Streaming វីដេអូតាមអនឡាញបានដល់កម្រិត 4K UHD យ៉ាងរលូន ព្រមទាំងអាចធ្វើការផ្ញើឯកសារផ្សេងៗអោយរួចរាល់ក្នុងមួយប៉ព្រិចភ្នែកផងដែរ។
Precision OLED touchscreen
ឡេបថបនេះបំពាក់នូវអេក្រង់ទំហំ 13.3 អ៊ិញ ប្រភេទថាច់ស្គ្រីន FHD OLED NanoEdge ដែលរយៈពេលនៃល្បឿនដំណើរការរបស់អេក្រង់គឺចំណាយពេលលឿនសឹងមិនគួរអោយជឿ ត្រឹមតែ 0.2 មីលីវិនាទីប៉ុណ្ណោះក្នុងការផ្តល់រូបភាពពីមួយទៅមួយមកកាន់អ្នកប្រើប្រាស់។ អេក្រង់នេះក៏ផ្តល់នូវកម្រិតពណ៌ដ៏ធំគឺ 100% DCI-P3 ដែលទំហំនេះត្រូវបានប្រើប្រាស់យ៉ាងសំខាន់ក្នុងវិស័យរូបភាពមានចលនា អ្វីដែលរឹតតែពិសេសគឺគែមដ៏តូចស្តើងរបស់អេក្រង់ត្រឹមតែ 3.9mm បានជួយបង្កើនទំហំរបស់អេក្រង់អោយកាន់តែទូលាយមួយកម្រិតទៀត។ អេក្រង់របស់ ZenBook Flip 13's OLED ធានានូវកំរិតពន្លឺពណ៌ខៀវអោយមានកម្រិតទាបបានដល់ទៅ ៧០% ជាមួយនឹងវិញ្ញាបនបត្រ TÜV Rheinland ដើម្បីធានាបាននូវការការពារភ្នែករបស់អ្នកប្រើប្រាស់បើទោះបីជាធ្វើការក្នុងកំឡុងពេលយូរក៏មិនមានបញ្ហា។
មិនតែប៉ុណ្ណោះជាមួយនឹងអេក្រង់ NanoEdge របស់យើងក៏បានរួមបញ្ចូលដោយ ASUS Pen និងWindows Ink ផងដែរ ដែលនេះជាចំណុចទាក់ចិត្តមិនអាចប្រកែកបានសម្រាប់អ្នកដែលជា សិល្បៈករ អ្នកថតរូប និងអ្នកឌីហ្សាញជាដើម ក្នុងការដែលអាចកត់ត្រាគំនិតបានភ្លាមទៅលើអេក្រង់ លើសពីនេះ ZenBook Flip 13 ក៏ជាដៃគូរដ៏សាកសមសម្រាប់ការប្រើប្រាស់លើការកែច្នៃរូបភាពផងដែរ។
Flexible performance, effortless mobility
ជាមួយនឹងទម្ងន់ត្រឹមតែ 1.3 kg ព្រមទាំងមានកម្រាស់ស្តើង 13.9 mm របស់ឡេបថបមួយនេះ ធ្វើអោយ ZenBook Flip 13 សាកសមឥតខ្ចោះក្នុងការធ្វើជាជំនួយការដល់ភាពច្នៃប្រឌិត និងបង្កើនផលិភាពការងាររបស់អ្នកប្រើប្រាស់។ទោះបីជាមានរាងស្តើងដល់ថ្នាក់នេះក៏ពិតមែនតែ ZenBook Flip 13 នៅតែផ្តល់រន្ធដោតចេញចូលយ៉ាងពេញលេញជាមួយនឹង រន្ធ HDMI ទំហំធំ រន្ធ USB Type-A និងរន្ធ Thunderbolt 4 USB-C ពីរ។ ZenBook Flip 13 ក៏បានបំពាក់ជាមួយ ASUS NumberPad 2.0 ដែលជាមុខងារពិសេសដ៏ឆ្លាតវៃផងដែរ។ Touchpad ដែលមានមុខងារភ្លោះនេះគឺធំជាង Touchpad ម៉ូឌែលមុនដល់ទៅ 30% ព្រមទាំងបំពាក់នូវ LED-illuminated numeric keypad សម្រាប់ផ្តល់ភាពងាយស្រួលក្នុងការចុចចូលទៅទិន្នន័យផ្សេងៗ។
Flex with style
គន្លឹះត្រចៀកដែលអាចធ្វើអោយតួខ្លួនរបស់ ZenBook Flip 13 អាចបត់ទៅក្រោយបានដល់ទៅ 360 ដឺក្រេនេះគឺត្រូវបានរចនាមកយ៉ាងពិសេសដើម្បីអោយអ្នកប្រើប្រាស់ធ្វើការបត់ទៅមកយ៉ាងងាយស្រួល គ្មានការបារម្ភ ហើយស្របពេលជាមួយគ្នារាល់ ពេលដែលអេក្រង់បត់លើសពី 135 ដឺក្រេ វាក៏ជួយបង្កើនលំហូរខ្យល់នៃប្រព័ន្ធត្រជាក់របស់ម៉ាស៊ីនទៀតផង។
Extreme battery life
ចំពោះថ្មរបស់ឡេបថបនេះវិញគឺផ្តល់ថាមពល ៦៧ Wh ដែលអាចដំណើរការបានរហូតដល់ទៅ ១៤ ម៉ោងលើការសាកម្តងដូច្នេះមិនបាច់មានការរំខានពីការដែលត្រូវធ្វើការបណ្តើរសាកបណ្តើរ ឬព្រួយបារម្ភពីការត្រូវសាកថ្មញឹកញាប់ទេ។
សម្រាប់ឡេបថបរបស់ក្រុមហ៊ុន ASUS ទាំងអស់អាចរកជាវបានតាមរយៈហាងដែលជាតំណាងចែកចាយខាងក្រោម៖
- ភ្នំពេញ: https://bit.ly/2Ys1vtS
- សៀមរាប (Siem Reap): https://bit.ly/2XA2RFO
- បាត់តំបង (Battambong): https://bit.ly/2FGi120
- ខេត្តផ្សេងៗទៀត (Other Province): https://bit.ly/2KQsCvG
ឬអាចធ្វើការសាកសួរពីគេហទំព័រហ្វេសបុករបស់ ASUS បានតាមរយៈ៖ https://www.facebook.com/ASUS855