មួយរយៈចុងក្រោយនេះ បើយើងងក្រឡេកទៅលើមើលទីផ្សារស្មាតហ្វូននៅប្រទេសកម្ពុជា ក៏ដូចជានៅលើទីផ្សារសកលនោះ ឃើញថា ក្រុមហ៊ុន Huawei ហាក់បីដូចជាមានការងើបឡើងវិញបន្តិចម្តងៗហើយ បន្ទាប់ពីការប្រកាសចេញនូវស្មាតហ្វូនជំនាន់ថ្មីរបស់ខ្លួន Huawei Mate 50 Series ដែលមានការបំពាក់មកជាមួយនូវកាមេរ៉ាខ្លាំង ក៏ដូចជាអេក្រង់បោកមិនបែកជាដើម។ ស្មាតហ្វូនថ្នាក់ប្រណិតជំនាន់ថ្មីមួយនេះ ក៏ទើបតែមានការប្រកាសចេញនៅលើទីផ្សារប្រទេសកម្ពុជា ហើយក៏នឹងមានការដាក់អោយ Pre-Order ជាមួយនិងតម្លៃពិសេសជាងបណ្តាទីផ្សារក្នុងតំបន់អាស៊ានផងដែរ។
បើគិតរហូតមកដល់ពេលនេះ Huawei ដែលជាក្រុមហ៊ុនបច្ចេកវិទ្យាយក្សរបស់ប្រទេសចិនមួយ បាននឹងកំពុងតែធ្វើការអភិវឌ្ឍខ្លាំងមែនទែន ទៅលើការឌីស្សាញស្មាតហ្វូន និងការបង្កើតឡើងនូវបច្ចេកវិទ្យាថ្មីៗសម្រាប់ប្រើប្រាស់បនៅលើស្មាតហ្វូនជំនាន់ថ្មីៗ ក៏ដូចជាផលិតផលបច្ចេកវិទ្យា និងប្រព័ន្ធសម្រាប់ប្រើប្រាស់នៅលើយានយន្តជាដើម។ នៅពេលនេះ ក្រៅតែការនាំមកនូវប្រព័ន្ធប្រតិបត្តិការ HarmonyOS រួចមក Huawei ក៏បាននាំយកនូបច្ចេកវិទ្យាកាមេរ៉ាជំនាន់ថ្មីដែលអភិវឌ្ឍដោយខ្លួនឯងដែលមានឈ្មោះថា Huawei XMAGE មកប្រើប្រាស់នៅលើស្មាតហ្វូនជំនាន់ថ្មីរបស់ខ្លួនថែមទៀតផង។ ជាមួយនិងការប្រើប្រាស់នូវបច្ចេកវិទ្យាកាមេរ៉ាថ្មីនេះ នៅពេលនេះ Huawei Mate 50 Pro ក៏បានក្លាយជាអធិរាជកាមេរ៉ាស្មាតហ្វូននៅលើតារាងរបស់ DXOMARK ផងដែរ។
ហើយបើនិយាយពីការប្រកាសចេញលក់ស្មាតហ្វូនថ្នាក់ប្រណិត Huawei Mate 50 Series ថ្មីនេះវិញ ក៏មានការសន្ទុះកើនខ្លាំងថែមទៀតផង ដោយគិតត្រឹមតួរលេខនៃត្រីមាសចុងក្រោយនេះ គឺបានបញ្ជាក់ថា ក្រុមហ៊ុន Huawei បានរកឃើញនូវប្រាក់ចំណេញរបស់ខ្លួនជាលើកដំបូងសារឡើងវិញហើយ គិតចាប់ទាំងពីរការដាក់ទណ្ឌកម្មរបស់សហរដ្ឋអាមេរិកនាពេលកន្លងមក។ ហើយបន្ថែមពីនេះនោះ នៅពេលនេះ ស្មាតហ្វូន Huawei ជាច្រើន ក៏អាចប្រើប្រាស់នូវសេវាកម្ម GMS ក៏ដូចជាអាចធ្វើការដោតឡូដនូវកម្មវិធីជាច្រើនពីហាង PlayStore បានវិញផងដែរ។ កត្តាថ្មីៗទាំងអាចនិយាយបានថា ស្មាតហ្វូន Huawei នឹងធ្វើអោយទីផ្សារកក្រើកឡើងវិញសាជារថ្មីម្តងទៀតជាក់ជាមិនខាន។ សូមចូលរួមរីករាយជាមួយហ្វេនៗ Hauwei ដែលអាចប្រើប្រាស់នូវ PlayStore បានសារឡើងវិញ។
សូមជំរាបថា នៅពេលនេះ គ្រប់ស្មាតហ្វូន Huawei ទាំងអស់ មិនថាតែស្មាតហ្វូនស៊េរីថ្មីទើបតែប្រកាសចេញនៅលើទីផ្សារ ឬស្មាតហ្វូន Huawei ស៊េរីមុនៗ នោះទេ គឺអាចតម្លើងនូវកម្មវិធីថ្មីនេះបានទាំងអស់។ កម្មវិធីនេះ គឺមានឈ្មោះថា gboxlab ហើយនៅក្នុងកម្មវិធីនេះ អ្នកប្រើប្រាស់គ្រប់គ្នាអាចប្រើប្រាស់សេវាកម្ម GMS ក៏ដូចជាអាចធ្វើការដោតឡូដនូវកម្មវិធីជាច្រើនពីហាង PlayStore បានវិញ ដោយគ្មានបញ្ហាអ្វីឡើយ។ អ្នកប្រើប្រាស់ស្មាតហ្វូន Huawei អាចដោតឡូងនូវកម្មវិធីនេះបានតាមរយៈនៃតំណរភ្ជាប់ខាងក្រោមនេះ https://gboxlab.com/?fbclid=IwAR2KnO9ZB5GkkQD-ZXDCGoAGt8BHLNsswLMLxQj205WI1HQBzn_ducFbCus ។
