កាលពីថ្ងៃម្សិលមិញនេះ ក្រុមហ៊ុន LG បានចេញសេចក្តីបញ្ជាក់សារជាថ្មីម្តងទៀត អំពីការត្រៀមខ្លួនដើម្បីធ្វើការបង្ហាញនូវផលិតផលថ្មីរបស់ខ្លួនពិសេស គឺទូរស័ព្ទស្មាតហ្វូនត្រកូល LG G6 ផ្ទាល់តែម្តង ដែលប្រព្រឹត្តទៅនៅចុងខែនេះ ក្នុងព្រឹត្តិការណ៍សមាជទូរស័ព្ទពិភពលោក WMC 2017 ។ ដូចដែលប្រិយមិត្តបានឃើញនៅក្នុងលិខិតអញ្ជើញពីមុនមកហើយ ទូរស័ព្ទស្មាតហ្វូនម៉ូដែលថ្មីមួយនេះ នឹងត្រូវធ្វើការប្រកាសចេញជាផ្លូវការនៅថ្ងៃទី26 ខែកុម្ភះខាងមុខនេះហើយ។ ជាមួយគ្នានេះដែរ នៅក្នុងលិខិតអញ្ជើញក៏បានប្រាប់ផងដែរថា ទូរស័ព្ទស្មាតហ្វូន LG G^ នឹងមានអេក្រង់ពេញផ្ទៃឋខាងមុខដ៏ពិសេសមួយ។
ដូចទៅនឹងរបាយការណ៍ដែលបានចេញផ្សាយមិនយូរប៉ុន្មានបានបង្ហាញផងដែរអំពីលក្ខណះសម្បត្តិរបស់ LG G6 ថានឹងមានអេក្រង់ 5.7 អីុង ជាមួយកម្រិត aspect ratio 9:18 និងបង្ហាញក្រាហ្វិចបាន 1440 x 2880 ភិចសែល ផងដែរ។ អ្វីដែលពិសេស ក្រុមហ៊ុន LG ក៏បានដាក់ឈ្មោះយ៉ាងពិសេសសម្រាប់អេក្រង់ដ៏អស្ចារ្យនេះថា "Full Vision" ។ បើតាមរូបភាពបែកធ្លាយមួយចំនួនបង្ហាញថា អេក្រង់របស់ LG G6 នឹងមានទំហំធំស្មើហ្គេមឆ្វែងស្តាំតែម្តង។ ម្យ៉ាងវិញទៀតក៏មានរបាយការណ៍មួយបញ្ចាក់ថា LG G6 នឹងបង្ហាញខ្លួននៅថ្ងៃទី 10 ខែមិនា លើទឹកដីប្រទេសកូរ៉េខាងត្បូង ប៉ុន្តែមិនបានបង្ហាញខ្លួនលើទឹកដីប្រទេសអាមេរិចរហូតដល់ថ្ងៃទី 7 ខែមេសាឯណ្ណោះ។
គួរបញ្ជាក់ផងដែរថា ក្រៅពីអេក្រង់ ក៏នៅមានបំពាក់មកជាមួយមុខងារការពារជម្រាបទឹក Water Resistant , USB Type-C , អង្គគណនា Qualcomm Snapdragon កាមេរ៉ាខាងក្រោយពីរ Dual Camera ថ្មីមិនអាចដោះចេញបានទេ ហើយនឹងត្រូវបំពាក់ឲ្យដំណើរការជាមួយប្រព័ន្ធប្រត្តបត្តិការ Android 7.0 Nougat ផងដែរ។
