ម្ចាស់ភាគហ៊ុនជាច្រើននាក់របស់ក្រុមហ៊ុន Harman International បានបោះឆ្នោតយល់ព្រមក្នុងការលក់ភាគហ៊ុននៅក្នុងតម្លៃ 8 ពាន់លានដុល្លារអាមេរិចទៅកាន់ក្រុមហ៊ុនបច្ចេកវិទ្យា Samsung ។ កិច្ចព្រមព្រៀងនេះ ត្រូវបានប្រកាសជាផ្លូវការនៅថ្ងៃទី 14 ខែវិច្ឆិកា ឆ្នាំមុននេះ។ ខណៈពេលដែលក្រុមហ៊ុន Samsung បានចូលទៅដំណើរការនៃផ្នែកអាជីវកម្មរថយន្តរបស់ក្រុមហ៊ុន Harman ក៏ជាផ្នែកមួយនៃការទិញយកភាគហ៊ុននេះផងដែរ ការទិញយកភាគហ៊ុនលើកនេះក្រុមហ៊ុន Samsung អាចចូលទៅធ្វើការផលិតនូវប្រព័ន្ធសំឡេងអស្ចារ្យជាច្រើនទៀតដូចជា Harmam Kardon, JBL, Bang & Olufsen និងជាច្រើនទៀត។
នៅក្នុងភាគហ៊ុនសរុបទាំងអស់ចំនួន 69,883, 605 ហ៊ុន វាមានការប្រជុំនៃអ្នកកាន់ភាគហ៊ុនចំនួន 49,460,322 (70.8%) ដែលនៅក្នុងនោះវាមានការគាំទ្ររដល់ទៅ 46,921,832 ហ៊ុនទៅលើកិច្ចព្រមព្រៀងនេះ ជាពិសេសវាមានការជំទាស់ចំនួន 2,107,178 ហ៊ុនផងដែរ ចំនែកភាគហ៊ុន 431,312 ដែលអវត្តមានមិនត្រូវបានរាប់ចូលនៅក្នុងនេះនោះទេ។ នៅក្នុងការរាប់ការបោះឆ្នោតនេះកើតឡើងបន្ទាប់ពីម្ចាស់ភាគហ៊ុនរបស់ក្រុមហ៊ុន Harman បានជំទាស់ជាមួយនឹងប្រតិបត្តិការមួយចំនួនដែលក្រុមហ៊ុន Samsung ចង់ធ្វើនោះ។
ក្រុមហ៊ុន Harman សង្ឃឹមថា កិច្ចព្រមព្រៀងទាំងអស់ នឹងត្រូវបញ្ចប់នៅត្រឹមត្រីមាសទី 3 នៅក្នុងឆ្នាំនេះ។ ប្រសិនបើមានការយល់ព្រមទាំងអស់ទៅលើប្រតិបត្តិការនេះ វានឹងក្លាយជាការទិញយកភាគហ៊ុនក្រៅប្រទេសធំបំផុត របស់ក្រុមហ៊ុនបច្ចេកវិទ្យាយក្សកូរ៉េខាងជើងដែលមិនធ្លាប់មានពីមុនមកនោះទេ៕