ថ្មីៗនេះ ក្រុមហ៊ុន ASUS បានធ្វើការប្រកាសមួយស្តីអំពីភាពជោគជ័យរបស់ខ្លួន ដោយបានឈ្នះពានរង្វាន់កិត្តិសព្ទ័ចំនួន 15 ដែលជាការបំបែកកំណត់ត្រាឈ្នះពានរង្វាន់ច្រើនជាងគេពី iF Product Design Award ។ ចំពោះផលិតផល ដែលបានពានរង្វាន់នោះត្រូវបានបែងចែកជាបីផ្នែក មានដូចជា ទូរគមនាគមន៍ ទូរសព្ទ័ កុំព្យូទ័រ និងប្រព័ន្ឋសំឡេងផងដែរ ដែលជាលទ្ឋផលមួយឆ្លុះបញ្ចាំងពីការ ប្តេជ្ញាចិត្ត ទៅលើរចនាបថ និងបច្ចេកវិទ្យាថ្មីៗ រួមទាំងចង្វាក់ផលិតកម្មវិស្វកម្មដ៏ល្អឥតខ្ទោះរបស់ ASUS ។ គួរបញ្ជាក់ផងដែរថា ពានរង្វាន់ដែល ASUS ទទួលបាន គឺត្រូវបានឆ្លងកាត់ការប្រកួតប្រជែងជាមួយ បណ្តាប្រទេស ជុំវិញពិភពលោកចំនួន 59 ប្រទេសដែលមានផលិតផលរបស់ក្រុមហ៊ុនផ្សេងៗសរុបប្រមាណជា 5575 ប្រភេទ ។
ផលិតផលដែលឈ្នះ ពានរង្វាន់នៅក្នុងផ្នែក ទូរគមនាគមន៍ មានដូចជា ទូរស័ព្ទ Zenfone 3 Deluxe និងសំបកការពារបិទបើក View Flip, Zenfone 3 និងសំបកការពារបិទបើក View Flip, Zenfone 3 Ultra និងសំបកការពារ Folio ផងដែរ។ ចំណែកឯពានរង្វាន់នៅក្នុងផ្នែក កុំព្យូទ័រ វិញគឺត្រូវបានផ្តល់ទៅឲ្យកុំព្យូទ័រយួរដៃ ZenBook 3 និងកុំព្យូទ័រយួរដៃ ដែលមានទម្ងន់ស្រាលបំផុត ZenBook 3 Deluxe និង មានផលិតផល ជាច្រើនទៀតដូចជា ZenScreen MB16AC ដែលជា Monitor អាចយកតាមខ្លួនបាន, ប្រភេទកុំព្យូទ័រខ្នាតតូចសេរី VivoMini VC66, កុំព្យូទ័រ Gaming ROG GR 8 II ស្រាលជាងគេ ហើយភ្ជាប់ជាមួយនឹងបច្ចេកវិទ្យា VR, ZenBook Flip (UX360UA) កុំព្យូទ័រយួរដៃដែលអាចបត់បាន, កុំព្យូទ័រ Gaming ប្រភេទ ROG G31 Edition 10, កុំព្យូទ័រយួដៃ ប្រភេទសិក្សា Chromebook C202, Transformer 3Pro (T303) និង Transformer 3 (T305) ដែលអាចដកចេញបាន ប្រភេទ 2-in-1 PCs, ROG XG Station 2 external graphics-card dock និង Monitor កោងសេរី MX ។ ពានរង្វាន់ចុងក្រោយគេនោះ គឺត្រូវបានផ្តល់ទៅឲ្យ ASUS Audio Pod នៅក្នុងផ្នែកសំឡេង ។
គួរឲ្យកត់ចំណាំផងដែរថា ព្រឹត្តិការណ៍ iF Design Awards គឺត្រូវបានធ្វើឡើងជាសកល ដោយជ្រើសរើសយកតែផលិតផលដែលមានគុណភាព ដោយស្ថិតនៅ ក្រោមលក្ខខណ្ខ ជ្រើសរើសតឹងរឹងរួមបញ្ជូល រចនាបទដែលប្រកបដោយគុណភាព កំរិតនៃការកែច្នៃថ្មី ប្រកបដោយប្រសិទ្ធភាព ព្រមទាំង លទ្ធភាពសម្រាប់អ្នកប្រើប្រាស់ និងលក្ខខណ្ឌផ្សេងៗទៀត ។ ចំពោះគណកម្មាធិការវិញ គឺត្រូវបានជ្រើសរើសយកតែ អ្នកជំនាញឯករាជ្យ តែប៉ុណ្ណោះ ដែលមកពី 58 ប្រទេសជុំវិញពិភពលោក ។
