រហូតមកដល់ពេលនេះ គឺមានពាក្យចចាមអារ៉ាមជាច្រើននិយាយថា ក្រុមហ៊ុនបច្ចេកវិទ្យា Apple កំពុងពិសោធន៍ទៅលើការប៉ះនៅលើអេក្រង់ថ្មីដែលត្រូវគេជឿជាក់ជាអេក្រង់ OLED iPhone 8 ហើយទូរស័ព្ទនេះប្រហែលជាមានអេក្រង់គែមកោងដែលធ្លាប់បែកធ្លាយនូវរូបភាពគំរូជាច្រើនចេញពីបន្ទប់ពិសោធន៍របស់វា នេះបើយោងទៅតាមប្រភពពី Neikei រាយការណ៍មកពីអ្នកផ្គត់ផ្គង់តែម្តង។ ប្រភពខាងក្នុងអះអាងថា ទូរស័ព្ទ iPhone 8 នឹងមានអេក្រង់ OLED ទំហំ 5.2 អ៊ីងើយវាប្រហែលជាមានគែមកោងបន្តិចនៅគ្រប់ជ្រុងគ្រាន់តែវាមិនប្រើប្រាស់មុខងារអ្វីនោះទេ។ ដូចនេះទំហំអេក្រង់ប្រហែលជាមានអង្កត់ទ្រូងទំហំ 5.15 អ៊ីងនេះ បើតាមអ្នកវិភាគដ៏ល្បីល្បាញលោក Ming-Chi Kuo អំពីក្រុមហ៊ុន Apple ។
ជាក់ស្តែង ប្រភពនេះ អះអាងថា បន្ទះអាចបត់បាននៅផ្នែកខាងលើរបស់ទូរស័ព្ទ iPhone 8 នឹងមានភាពកោងតិចជាងស្មាតហ្វូន Samsung Galaxy S7 Edge ។ ក្រុមហ៊ុនបច្ចេកវិទ្យា Samsung កំណត់នូវចំនួនជាក់លាក់នូវភាពកោង និងមុំរបស់ខ្លួននៅលើហ្វាប់ប្លេត Galaxy Note 7 បើធៀបជាមួយនឹងស្មាតហ្វូន Galaxy S7 Edge ហើយវារំពឹងថានឹងប្រើប្រាស់ដូចគ្នាចំពោះស្មាតហ្វូន Galaxy S8 ពិសេសក្រុមហ៊ុនប្រហែលជាផ្តោតទៅលើភាពស្រស់ស្អាតជាជាងការប្រើប្រាស់មុខងារជាក់ស្តែង។ ក្រុមហ៊ុន Apple ត្រូវគេរំពឹងថានឹងអាចប្រើប្រាស់អេក្រង់កញ្ចក់នៅផ្នែកខាងក្រោយក្រោមការសហការជាមួយនឹងក្រុមហ៊ុន Biel Crystal និង Lens Technology ។ ពាក្យចចាមអារ៉ាមកាលពីម្សិលមិញនិយាយថា ក្នុងកិច្ចសហប្រតិបត្តិការនេះ ក្រុមហ៊ុន Biel នឹងផ្តល់នូវអេក្រង់កញ្ចក់ផ្នែកខាងក្រោយសម្រាប់ទូរស័ព្ទ iPhone 8 ទៅកាន់ក្រុមហ៊ុន Apple ។
ប្រភពពី Nikkie រំលឹកសារជាថ្មីម្តងទៀតថា ការប្រើប្រាស់អេក្រង់ OLED iPhone 8 គឺស្ថិតនៅក្នុងការពិសោធន៍នៅឡើយរបស់ក្រុមហ៊ុន Apple ដូចអ្វីដែល Macotakara អះអាង។ ក្រុមហ៊ុនរបស់ជប៉ុននេះ រំពឹងថា ក្រុមហ៊ុន Apple ប្រហែលជាមិនសាកល្បងជាមួយនឹងគំនិតគំរូជាច្រើនដែលបែកធ្លាយ ប៉ុន្តែនៅទីបញ្ចប់ក្រុមហ៊ុនមិនធ្វើតាមពាក្យចចាមអារ៉ាមនោះទេ។ សម្រាប់ទូរស័ព្ទ iPhone 8 នឹងប្រើប្រាស់អេក្រង់ OLED Screen អាចបានដឹងបានលុះត្រាតែទូរស័ព្ទនេះ ប្រកាសបង្ហាញខ្លួនជាផ្លូវការនៅក្នុងខែកញ្ញា ហើយកាលបរិច្ឆេទនៃការដាក់លក់គឺនៅពេលក្រោយ។ វានៅពេលរយៈពេលយូរទៀត យើងនឹងពិនិត្យមើលទៅលើការអភិវឌ្ឍនេះ។ ចំនុចមួយដែលច្បាស់នោះគឺថា ទូរស័ព្ទ OLED iPhone 8 ពិតជាមានតម្លៃថ្លៃណាស់៕
