យើងមិនបានដឹងថា តើក្រុមហ៊ុនបច្ចេកវិទ្យា Samsung បានធ្វើរឿងអ្វីខ្លះទៅលើថាមពលថ្មសម្រាប់ស្មាតហ្វូនថ្នាក់កណ្តាលត្រកូល Galaxy A របស់ខ្លួននោះទេនៅឆ្នាំនេះ ប៉ុន្តែថាមពលថ្មពិតជាអស្ចារ្យមែន។ ស្មាតហ្វូន Galaxy A5 (2017) ប្រើប្រាស់បានរយៈពេល 11 ម៉ោង (Screen-On-Time) សម្រាប់ថាមពលថ្មកម្លាំង 3000mAh ហើយយើងក៏បានធ្វើការតេស្តសាកល្បងទៅលើថាមពលថ្មរបស់ Galaxy A7 (2017) ផងដែរ។ ថាមពលថ្មកម្លាំង 3600mAh ធំជាងថាមពលថ្មរបស់ Galaxy A5 ដល់ទៅ 20% ព្រោះលក្ខណៈសម្បត្តិរបស់វាគឺដូចគ្នា។ ដូចនេះ ស្មាតហ្វូននេះគួរតែអាចកាន់ថ្មបានយូរជាង 20% បើធៀបជាមួយនឹង Galaxy A5 ហើយវាពិតជាឆ្លើយតបតាមការសន្យារបស់ក្រុមហ៊ុន Samsung ពិតមែន។ លោកអ្នកអាចពិនិត្យមើលថាមពលថ្មនៅខាងក្រោមបាន។
ស្មាតហ្វូន Galaxy A7 (2017) អាចប្រើប្រាស់បានរយៈពេល 13 ម៉ោង (Screen-On-Time) ទោះបីកម្រិតពន្លឺអេក្រង់ដល់ទៅ 200nits ក៏ស្មាតហ្វូននេះនៅតែឈរនៅចំណាត់ថ្នាក់កំពូលបើធៀបជាមួយនឹងស្មាតហ្វូនថ្នាក់កណ្តាលផ្សេងទៀត។ សម្រាប់ស្មាតហ្វូនដែលមានថាមពលថ្ម 4000mAh-5000mAh ដែលអាចប្រកួតប្រជែងបានជាមួយនឹង Galaxy A7 (2017) នេះគឺមានតែស្មាតហ្វូន Moto Z Play Droid ប៉ុន្តែស្មាតហ្វូននេះមិនមានប្រព័ន្ធការពារការជ្រាបទឹក ការបញ្ជូលថាមពលថ្មនៅយឺតជាង អេក្រង់ទំហំ 5.5 អ៊ីងខណៈពេលដែលស្មាតហ្វូន Galaxy A7 (2017) មានអេក្រង់ទំហំ 5.7 អ៊ីង។
ការប្រើប្រាស់នូវថាមពលថ្មធំ និងអេក្រង់កម្រិត 1080p ឬ HD Display ពិតជាទទួលការពេញនិយមយ៉ាងខ្លាំងសព្វថ្ងៃនេះ ចំនែកការប្រើប្រាស់អេក្រង់ Quad HD វិញគឺប្រើប្រាស់បានត្រឹមតែរយៈពេល 6 ទៅ 7 ម៉ោងប៉ុណ្ណោះ (Screen-On-Time) ។ យ៉ាងណាមិញ Samsung ក្លាយជាក្រុមហ៊ុនផលិត និងតម្លើងអេក្រង់ បន្ទះឈីប និងម៉េមូរីសម្រាប់ស្មាតហ្វូនត្រកូល Galaxy A បានប្រើប្រាស់នូវបច្ចេកថ្មីសម្រាប់គ្រប់គ្រងទៅលើការចំណាយថាមពលឱ្យមានភាពប្រសើរជាងដៃគូប្រកួតប្រជែងរបស់ខ្លួនដែលមិនបានផលិតនូវសមាសភាគដោយខ្លួនឯងនោះទេ។ ឧទាហរណ៍ ស្មាតហ្វូន Honor 8 អាចប្រើប្រាស់បានរយៈពេលបានដល់ទៅ 9 ម៉ោង (Screen-On-Time) នៅក្នុងការធ្វើតេស្ត។
សរុបមក ប្រសិនបើលោកអ្នកកំពុងតែស្វែងរកនូវស្មាតហ្វូនដែលអាចកាន់ថ្មបានយូរដល់មួយសប្តាហ៍នោះនៅពេលដែលអ្នកមិនមានកន្លែងសាកថាមពលនោះ ឬក៏ការលេងហ្គេមពេញមួយថ្ងៃ លោកអ្នកគួរតែរើសយកស្មាតហ្វូន Galaxy A7 (អេក្រង់ 5.7 អ៊ីង) Galaxy A5 (អេក្រង់ 5.2 អ៊ីង) ឬ Galaxy A3 (អេក្រង់ 4.7 អ៊ីង) ដែលជាជម្រើសដ៏ល្អបំផុត។ បន្ថែមពីនេះទៀត ស្មាតហ្វូននេះបញ្ចូលថាមពលថ្មឆាប់ពេញដោយចំណាយពេលវេលាត្រឹមតែ 1 ម៉ោង 30 នាទីតែប៉ុណ្ណោះ៕