កាលពីថ្ងៃទី 23 ខែមិនានេះ នៅទីក្រុងភូកេត ប្រទេសថៃ ក្រុមហ៊ុន EPSON បានរៀបចំពិធីជួបជុំដ៏ធំមួយសំរាប់បណ្តាប្រទេសនៅក្នុងតំបន់ CLMV ដើម្បីប្រកាសចេញនូវបការអភិវឌ្ឍឈានទៅមុខក្នុងឆ្នាំ 2017 នៅក្នុងនាំមកនូវរបកគំហើញនៃបច្ចេកវិទ្យាថ្មីៗ ក្នុងទីផ្សារបណ្តាប្រទេសទាំងបួននេះ រូមមានដូចជា កម្ពុជា វៀតណាម ឡាវ និងមីយ៉ាន់ម៉ា។ នារយះពេលចុងក្រោយនេះ បច្ចេក វិទ្យា Epson កំពុងតែវិវឌ្ឍខ្លួនចូលទៅក្នុងទីផ្សារ CLMV ក្នុងការបង្កើននូវសក្តានុពលសេដ្ឋកិច្ចរបស់ខ្លួនខណៈពេលដែលក្រុមហ៊ុនមួយនេះ នៅតែរក្សាភាពរីកចម្រើននៃអាជីវកម្មរបស់ខ្លួននៅក្នុងប្រទេសថៃ។ សូមជំរាបថា ការដាក់បង្ហាញនូវផលិតផលបច្ចេកវិទ្យាជាច្រើនស៊េរីដូចជាម៉ាស៊ីន Projectors និងម៉ាស៊ីនព្រីន (Printers) កាលពីឆ្នាំមុននេះ ក្រុមហ៊ុន Epson បានបន្តនូវការដាក់បង្ហាញបច្ចេកវិទ្យាថ្មីៗ របស់ខ្លួន ដើម្បីឆក់យកឱកាសក្នុងការសាងអាជីវកម្មរបស់ខ្លួនអោយកាន់តែខ្លាំងនៅក្នុងតំបន់នេះ។
តាមប្រសាសន៍របស់លោក Toshimitsu Tanaka ដែលជានាយកប្រតិបត្តិរបស់ក្រុមហ៊ុន Epson ក្នុងប្រទេសសិង្ហបុរី និយាយថា “កាលពីឆ្នាំមុននេះ ក្រុមហ៊ុន Epson សម្រេច បានលទ្ធផលយ៉ាងល្អទាំងក្នុងកម្រិតតំបន់ និងអន្តរជាតិ។ យើងបានសម្រេចគោលដៅដោយឈរនៅចំណាត់ថ្នាក់កំពូលដែលមានភាគហ៊ុនធំជាងគេនៅលើទីផ្សាររបស់ Projectors ដល់ទៅ 35.5% ។ យើងបានឃើញពីការរីកចម្រើនសរុបដល់ទៅ 14% ចាប់ពីឆ្នាំ 2015 មក។
នេះគឺជាការប្តេជ្ញាចិត្តរបស់យើងទៅកាន់អតិថិជនដើម្បីទទួលបាននូវបច្ចេកវិទ្យាថ្មីៗជាច្រើន។ លោកបានបន្ថែមថា “ក្នុងនាមជាក្រុមហ៊ុនបច្ចេកវិទ្យាលំដាប់ពិភពលោក យើងកំពុងបន្តស្វែងរកនូវបច្ចេកវិទ្យាដែលផ្តល់ឱ្យអតិថិជននូវបទពិសោធន៍ដ៏អស្ចារ្យមួយក្នុងការបង្កើតការតភ្ជាប់ ការផ្តល់ព័ត៌មានកាន់តែមានប្រសិទ្ធិភាពជាមួយនឹងបច្ចេកវិទ្យាដ៏អស្ចារ្យរបស់យើង។ ចក្ខុវិស័យ ជាសកលរបស់យើង គឺផ្តោតទៅលើរបកគំហើញនៃបច្ចេកវិទ្យាថ្មីដែលជាគន្លឹះសំខាន់នៅក្នុងវិស័យនៃម៉ាស៊ីនព្រីន (Inkjet Printing) ការទំនាក់ទំនង ការប្រើប្រាស់ឧបករណ៍ពាក់នឹងដៃ ជាមួយនឹងរ៉ូបូតផងដែរ។”
ជាមួយគ្នានេះលោក Yunyoung Muneemongkoltorn ដែលជាប្រធានគ្រប់គ្រងទូទៅរបស់ក្រុមហ៊ុន Epson Co., Ltd នៅក្នុងប្រទេសថៃ ក៏បានមានប្រសាសន៍អោយដឹងផងដែរថា លទ្ធផលនៃប្រតិបត្តិការក្នុងឆ្នាំ 2016 ក្រុមហ៊ុន Epson ឆ្លងផុតនូវស្ថានភាពដ៏តានតឹងជាច្រើននៅក្នុងប្រទេសថៃ។ បើទោះបីជាឧស្សាហកម្មផ្នែកព័ត៌មានវិទ្យាមានទំហំកាន់តែតូចក្តី អាជីវកម្មរបស់ក្រុមហ៊ុន Epson នៅតែបន្តរីកលូតលាស់។ ការលក់ម៉ាស៊ីនព្រីនធ័រក្នុងចំណោមផលិតផលជាច្រើនរបស់ក្រុមហ៊ុន Epson កើនឡើងកម្រិតខ្ពស់បំផុតដល់ទៅ 50% ។ ម៉ាស៊ីន Projectors ឈរនៅចំណាត់ថ្នាក់លេខ 2 ដែលមានការកើនឡើងដល់ទៅ 16% ។ ចំនែកការលក់ម៉ាស៊ីន Inkjet-Printer នៅតែរក្សាស្ថិរភាពដដែល ហើយក្រុមហ៊ុន Epson នៅតែឈរក្នុងចំណាត់ថ្នាក់លេខ 1 ដដែលនៅក្នុងម៉ាកយីហោព្រីនធ័រ Ink-Tank-Printer ។ ទីផ្សារភាគហ៊ុននៃវិស័យព្រីនធ័រ Ink-Tank-Printer នេះមានការកើនឡើងខ្ពស់ដល់ 59% ។
លោកបន្ថែមទៀតថា “ការធ្វើអាជីវកម្ម និងឧស្សាហកម្មនៃការលក់ម៉ាស៊ីនព្រីនធ័រកំពុងតែមានការកើនឡើងយ៉ាងខ្លាំងដោយសារតែក្រុមហ៊ុនបានផ្លាស់ប្តូរពីការប្រើប្រាស់ប្រព័ន្ធ Analogue ទៅកាន់ប្រព័ន្ធឌីជីថលវិញ។ ការជឿជាក់ទៅលើម៉ាស៊ីនព្រីនធ័ររបស់ក្រុមហ៊ុន Epson កំពុងមានការកើនឡើងយ៉ាងខ្លាំង។ ក្រុមហ៊ុនជឿច្រើនជឿជាក់ទៅលើផលិតផលរបស់ក្រុមហ៊ុន Epson ទៅលើភាពជឿជាក់ និងគុណភាពរបស់វា ការចំណាយថវិកាតិច និងឱកាសក្នុងការបង្កើតអាជីវកម្មថ្មី។
សម្រាប់ម៉ាស៊ីនព្រីនធ័រ Epson វាមានសមត្ថភាពអាចធ្វើការងារបានច្រើន និងផ្តល់គុណភាពកម្រិតខ្ពស់បំផុត។ អ្វីដែលកាន់តែប្រសើរជាងនេះទៀតនោះ ក្រុមហ៊ុន Epson ក៏ជាផលិតផលឈានមុខគេ។ នៅក្នុងការដាក់បង្ហាញនូវផលិតផលបច្ចេកវិទ្យាថ្មីៗរបស់ខ្លួន ក្រុមហ៊ុន Epson បានប្រឡូកចូលទៅក្នុងអាជីវកម្មជាច្រើន។ នៅក្នុងពេលដំណាលគ្នានេះ ការលក់ម៉ាស៊ីន Epson Projector មានការកើនឡើងខ្លាំងនៅលើទីផ្សារបើធៀបជាមួយនឹងក្រុមហ៊ុនដៃគូប្រកួតប្រជែង។ ក្រុមហ៊ុន Epson នៅតែឈរនៅចំណាត់ថ្នាក់លេខ 1 នៅក្នុងម៉ាកយីហោ Projector ល្បីនៅប្រទេសថៃដែលមានចំណែកទីផ្សារដល់ទៅ 44% ។ ភាពជោគជ័យដ៏ធំធេងនេះ បង្ហាញថា ក្រុមហ៊ុន Epson នៅតែបន្តក្នុងការអភិវឌ្ឍនូវបច្ចេកវិទ្យាថ្មីៗរបស់ខ្លួន និងការ Upgrade ទៅលើផលិតផលចាស់ៗផងដែរ។ នាពេលបច្ចុប្បន្ននេះ វាមានម៉ាស៊ីន Epson Projector ច្រើនជាង 60 ម៉ូដែលដាក់លក់នៅលើទីផ្សារ។ យើងបង្កើតឱ្យមានសកម្មភាពទីផ្សារជាច្រើនដើម្បីសិក្សាអំពីតម្រូវការរបស់អ្នកប្រើប្រាស់ និងសម្រាប់បង្កើនការលក់ផងដែរ។”
