អ្នកប្រើប្រាស់បណ្តាញសង្គម Facebook ដែលចូលចិត្តរូបភាពមានចលនា ឬហៅថា GIF នោះ នឹងទទួលបានភាពសប្បាយរីករាយជាមួយនឹងព័ត៌មានដែលបានចេញផ្សាយក្នុងពេលនេះថា បណ្តាញសង្គមយក្ស Facebook ឆាប់ៗខាងមុខនេះ នឹងអាចទ្រទ្រង់បានជាមួយការ Comment ជារូបភាពមានចលនា ឬហៅថា GIFs។ អ្ន
កនាំពាក្យក្រុមហ៊ុន Facebook បានឲ្យដឹងថា “អ្នករាល់គ្នាច្បាស់ណាស់ពិតជាស្រឡាញ់ចូលចិត្តជាមួយរូបភាពមានចលនា (GIF) ហើយយើងបានដឹងទៀតថាអ្នកប្រើប្រាស់ទាំងអស់ពិតជាចង់ឲ្យរូបភាពមានចលនាទាំងនោះលេចលើ Comment រ បស់ពួកគេ ដូច្នេះហើយបានជាក្រុមហ៊ុនរបស់យើងបានចាប់ផ្តើមធ្វើការសាកល្បងលើលទ្ធភាពក្នុងការបន្ថែមរូបភាពមានចលនាក្នុង Comment ហើយយើងនឹងធ្វើការចែករំលែងពួកវាបន្ថែមឲ្យបានកាន់តែច្រើនតាមលទ្ធភាពដែលយើងអាចធ្វើទៅបាន ក៏ប៉ុន្តែក្នុងខណះពេលនេះក្រុមការងាររបស់ពួកយើងកំពុងតែដំណើរការសាកល្បងនៅឡើយទេ”។
អ្នកនាំពាក្យរូបនោះបានបន្ថែមទៀតថា “ជំហានដំបូងមុខងារនេះនឹងដាក់ឲ្យប្រើប្រាស់បានតែមួយចំនួនតូចសម្រាប់អ្នកប្រើប្រាស់តែប៉ុណ្ណោះ ហើយប្រសិនបើយើងទទួលបានមតិវិជ្ជមានច្រើនពីអ្នកប្រើប្រាស់លើមុខងារនេះក្រុមហ៊ុន Facebook អាចនឹងដាក់បន្ថែមឲ្យការប្រើប្រាស់បានកាន់តែទូលំទូលាយតែម្តង”៕
