ក្រុមហ៊ុន LG ទើបតែបានបញ្ចេញនូវរបាយការណ៍នៃប្រាក់ចំណូលរបស់ខ្លួនសម្រាប់ត្រីមាសទី 1 ឆ្នាំ 2017 នេះ ដែលបង្ហាញពីកំណើនយ៉ាងខ្លាំងបើធៀបទៅនឹងពេលវេលាដូចគ្នាកាលពីឆ្នាំមុននេះ។ ប្រាក់ចំណេញសុទ្ធមានចំនួន 737 លានដុល្លារសហរដ្ឋអាមេរិច សម្រាប់ត្រីមាសទី 1 ឆ្នាំ 2017 នេះ បើធៀបជាមួយនឹងត្រីមាសទី 1 ឆ្នាំ 2016 មានចំនួនត្រឹមតែ 175 លានដុល្លារតែប៉ុណ្ណោះ។ អាជីវកម្មមួយដែលបង្កើនកំណើននៃប្រាក់ចំណេញរបស់ក្រុមហ៊ុនបច្ចេកវិទ្យា LG នោះគឺផ្នែកសម្ភារៈគ្រឿងប្រើប្រាស់នៅក្នុងផ្ទះ (Home Appliance) របស់ក្រុមហ៊ុន LG ដែលមានការកើនឡើង 10% ពីមួយឆ្នាំទៅមួយឆ្នាំដែលមានទឹកប្រាក់ប្រមាណជា 40.9 ពាន់លានដុល្លារ។
ប្រតិបត្តិការនៃប្រាក់ចំណេញកើនឡើងដល់ 812 លានដុល្លារអាមេរិច នៅក្នុងត្រីមាសទី 1 ឆ្នាំ 2017 កើនឡើងពីទឹកប្រាក់ 445 លានដុល្លារអាមេរិចនៅក្នុងត្រីមាសទី 1 ឆ្នាំ 2016 បើទោះបីជាក្រុមហ៊ុនបច្ចេកវិទ្យា LG ធ្លាក់ចុះបន្តិចទៅលើប្រាក់ចំណេញរបស់ខ្លួនចំនួន 843 លានដុល្លារអាមេរិចនៅក្នុងត្រីមាសទី 4 ឆ្នាំ 2016 និងប្រាក់ចំណេញសុទ្ធចំនួន 970 លានដុល្លារអាមេរិច។ យ៉ាងណាមិញ ការលក់នៅតាមរដូវកាលនីមួយៗនឹងបង្កើននូវប្រាក់ចំណេញនៅក្នុងត្រីមាសនោះផងដែរ។
ចំណែកការលក់នៅក្នុងផ្នែក Mobile Communications របស់ក្រុមហ៊ុនបច្ចេកវិទ្យា LG មានការកើនឡើង 2% បើធៀបជាមួយឆ្នាំមុននៅក្នុងត្រីមាសទី 1 ឆ្នាំ 2017 នេះបន្ទាប់ពីការបង្ហាញខ្លួនរបស់ស្មាតហ្វូនស៊េរីថ្មី LG G6 ។ ការដឹកជញ្ជូនស្មាតហ្វូននៅក្នុងអំឡុងពេលនេះមានចំនួន 14.8 លានគ្រឿងដែលមានការកើនឡើង 5% (បើធៀបនឹងត្រីមាសមុន) និង 10% (បើធៀបទៅនឹងឆ្នាំមុន)។ យ៉ាងណាមិញ អាជីវកម្មទូរស័ព្ទរបស់ក្រុមហ៊ុន LG មានការខាតបង់ទឹកប្រាក់ចំនួន 200 លានវ៉ុនផងដែរ។ការលក់ទូរស័ព្ទរបស់ក្រុមហ៊ុនបច្ចេកវិទ្យា LG កំពុងតែដើរផ្លូវត្រឹមត្រូវ បើទោះបីជាវាមានកំណើនកើនឡើងយឺតៗនៅក្នុងទីផ្សារស្មាតហ្វូន និងមានការប្រកួតប្រជែងទីផ្សារខ្លាំងក៏ដោយ ។ ក្រុមហ៊ុនបច្ចេកវិទ្យា LG ប្រហែលជាមិនដាក់លក់ស្មាតហ្វូនស៊េរីថ្មីចុងក្រោយរបស់ខ្លួននៅក្នុងទីផ្សារនៃប្រទេសចិននោះទេ ដោយសារតែក្រុមហ៊ុនប្រកួតប្រជែង OEM របស់ខ្លួននៅទីនោះ។ សរុបមក ការលក់របស់ក្រុមហ៊ុនបច្ចេកវិទ្យា LG រកប្រាក់ចំណូលសរុបបានចំនួន 123 ពាន់លានដុល្លារដែលមានកំណើន 10% បើធៀបជាមួយឆ្នាមុន៕