ប៉ុន្មានថ្ងៃកន្លងទៅនេះ ក្រុមហ៊ុន Sony បានប្រកាសចេញអំពីពណ៌ថ្មីទី 3 របស់ខ្លួនសម្រាប់ស្មាតហ្វូនស៊េរីថ្មី Xperia XZ Premium ។ ពណ៌ថ្មីដ៏ស្រស់ស្អាតនេះ មានឈ្មោះថា Bronze Pink ហើយបន្ទាប់ពីរូបរាង Renders និងពណ៌របស់វាត្រូវបានទម្លាយជាផ្លូវការរួចមក យើងអាចសន្មត់ហៅពណ៌ថ្មីរបស់ទូរស័ព្ទក្រុមហ៊ុន Sony នេះថា “Pink Gold” ។ ប៉ុន្តែវានៅមានរឿងរ៉ាវជាច្រើនទៀត។.
យើងធ្លាប់បានកាន់ស្មាតហ្វូនស៊េរីថ្មី Xperia XZ Premium ពណ៌ Bronze Gold នេះ នៅក្នុងព្រឹត្តិការណ៍នៃការសម្ពោធនៅទ្វីបអ៊ឺរ៉ុបធ្វើនៅទីក្រុង Lisbon។ ហើយយើងអាចនិយាយបានថា ពណ៌មួយនេះពិតជាផលិតមកពីពណ៌ Bronze (ពណ៌សំរិទ្ធិ) និងពណ៌ Pink (ពណ៌ផ្កាឈូក) ពិតប្រាកដមែន។ វាពិតជាមានភាពស្រស់ស្អាតទៅលើការរចនាគែមព័ទ្ធទូរស័ព្ទ និងរង្វង់ព័ទ្ធកាមេរ៉ា។ ផ្នែកខាងក្រោយរបស់វាថ្លាដូចកញ្ចក់ និងមានភាពទាក់ទាញខ្លាំងបំផុត ហើយលោកអ្នកប្រហែលជាពេលខ្លះអាចមានការភាន់ច្រឡំផងដែរ។
សរុបមក ស្មាតហ្វូន Bronze Pink Xperia XZ Premium ពិតជាគួរឱ្យចង់ប្រើប្រាស់បំផុតដោយសារតែពណ៌ដ៏ទាក់ទាញរបស់វា។ ស្មាតហ្វូន XZ Premium នឹងធ្វើការកម្មង់ទិញមុន (Pre-order ) នៅក្នុងទ្វីបអ៊ឺរ៉ុបនៅសប្តាហ៍ក្រោយនេះនៅក្នុងតម្លៃ 749 អ៊ឺរ៉ូទៅ 769 អ៊ឺរ៉ូ អាស្រ័យទៅតាមទីផ្សារនៃប្រទេសនីមួយៗ។ សំរាប់ប្រទេសកម្ពុជា គឺប្រហាក់ប្រហែល 699 ដុល្លា៕