ក្រុមហ៊ុន Samsung ទើបតែចាប់ផ្តើមជម្រុញឱ្យមានការធ្វើបច្ចុប្បន្នភាព (Update) ជាបន្ទាន់មួយទៅលើ Galaxy S8 ដើម្បីជួសជុលទៅលើបញ្ហាមួយចំនួនរបស់ DQA (Device Quality Agent) ដែលអតិថិជនជាអ្នកប្រើប្រាស់នៅក្នុងសហរដ្ឋអាមេរិច និងប្រទេសកាណាដា មួយចំនួន បានជួបប្រទះ នៅលើស្មាតហ្វូន Galaxy S8 របស់ពួកគេ។
កំហុសឆ្គងមួយនេះ បានចាប់ផ្តើមកើតឡើងដោយសារតែមានការលោតសារថា "DQA keeps stopping." រៀងរាល់ 30 វិនាទី ទៅមួយនាទី។ DQA នេះ គឺជាមុខងារមួយដែរ ធ្វើការរក្សានូវគុណភាពរបស់ប្រព័ន្ធ Wi-Fi និងទៅលើការប្រើប្រាស់ទាំងមូលនៅលើស្មាតហ្វូន។
ការធ្វើបច្ចុប្បន្នភាព (Update) នៅពេលនេះ វាគឺជារឿងល្អបំផុត ព្រោះថា ក្រុមហ៊ុន Samsung បានបញ្ចេញនូវការធ្វើបច្ចុប្បន្នភាព (Update) យ៉ាងរហ័ស សម្រាប់ជួសជុលទៅលើបញ្ហានេះ។ ការ Update នេះ អាចដំណើរការបានតាមរយៈ Galaxy Apps Store របស់ក្រុមហ៊ុន៕