ស្មាតហ្វូន Samsung SM-W2017 បានបង្ហាញខ្លួនជាផ្លូវការនៅក្នុងខែវិច្ឆិកាឆ្នាំមុន និងបច្ចុប្បន្នដាក់លក់តែនៅក្នុងប្រទេសចិនតែប៉ុណ្ណោះ ពេលនេះគ្រោងនឹងដាក់លក់នៅក្នុងទីផ្សាររបស់កូរ៉េខាងត្បូងនាពេលឆាប់ៗនេះ។ ដំណឹងនេះ បានមកពីរបាយការណ៍ចុងក្រោយបំផុត ចេញពីប្រទេសមួយនេះ។
ស្មាតតហ្វូន Samsung SM-W2017 ដំណើរការបន្ទះឈីប Snapdragon 820SoC និងមានអេក្រង់ភ្លោះទំហំ 4.2 អ៊ីងជាមួយនឹងកម្រិតភាពច្បាស់ 1080p Super AMOLED touchscreens រ៉េមផ្ទុកទិន្នន័យបណ្តោះអាសន្នទំហំ 4GB ម៉េមូរីក្នុងម៉ាស៊ីនទំហំ 64GB កាមេរ៉ាខាងក្រោយទំហំ 12MP f/1.9 ដែលអាចថតវីដេអូកម្រិត 4K និងកាមេរ៉ាខាងមុខទំហំ 5MP ។ ស្មាតហ្វូននេះមានប្រវែង 127.8 x 61.3 x 15.8mm ទំងន់ 208 ក្រាម ថាមពលថ្មខ្លាំង 2300mAh និងដំណើរការប្រព័ន្ធប្រតិបត្តិការ Android 6.0.1 Marshmallow ។ ស្មាតហ្វូនអាចបត់បាននេះ ក៏អាចប្រើប្រាស់ប្រព័ន្ធស្កែនក្រយ៉ៅដៃ ប្រព័ន្ធ Wireless Charging និងមុខងារ Always On Display ផងដែរ៕