ស្មាតហ្វូនស៊េរីថ្មី Nokia 9 ឬលោកអ្នកធ្លាប់បានឃើញជាយូរមកហើយអំពីស្មាតហ្វូន Nokia 8 ដែលបានតេស្តនៅលើដៃអ្នកប្រើប្រាស់ជាច្រើននៅលើ frandroid.com កំពុងតែស្ថិតនៅក្នុងភាពអាថ៌កំបាំងដែលមានន័យថា វាមានការរចនារូបរាងថ្មីប្លែកភ្នែក។ អ្វីដែលវាមិនអាចលាក់បាននោះគឺការប្រើប្រាស់រន្ធដោត Connectors ដែលមានន័យស្មាតហ្វូននេះនឹងប្រើប្រាស់រន្ធដោត Type-C Ports រួមទាំងការប្រើប្រាស់រន្ធដោតកាស 3.5mm Headphone Jack ដដែល។
អេក្រង់របស់ស្មាតហ្វូន Nokia 9 មានទំហំ 5.3 អ៊ីងកម្រិតភាពច្បាស់ QHD (CPU-Z រាយការណ៍ថាអេក្រង់មានទំហំ 5.27 អ៊ីង) ជាពិសេសកម្រិតពន្លឺរបស់ស្មាតហ្វូននេះមានរហូតដល់ទៅ 530nits ។ ក្រៅពីនេះមុខងារ Always On Display ក៏ដំណើរការនៅលើស្មាតហ្វូននេះផងដែរ។ ស្មាតហ្វូននេះដំណើរការនូវបន្ទះឈីបថ្មី Snapdragon 835 រ៉េមផ្ទុកទិន្នន័យបណ្តោះអាសន្នទំហំ 4GB និងម៉េមូរីក្នុងម៉ាស៊ីនទំហំ 64GB ។ ប្រព័ន្ធប្រតិបត្តិការរបស់ស្មាតហ្វូននេះគឺ Android 7.1.1 រួមដំណើរការជាមួយ Pixel-like launcher និងទ្រទ្រងនូវបច្ចេកវិទ្យា QuickCharge 3.0 fast charger ផងដែរ។
ស្មាតហ្វូន Nokia 9 មានកាមេរ៉ាពីរនៅផ្នែកខាងក្រោយដែលមានទំហំ 13MP ដូចគ្នា។ ប្រព័ន្ធ LED Flash ភ្លោះស្ថិតនៅក្រោមកញ្ចក់ Lens ហើយភ្ជាប់ជាមួយនឹងមុខងារ Laser Autofocus ផងដែរ។ ស្មាតហ្វូននេះអាចនឹងដាក់លក់នៅក្នុងតម្លៃ 700 ដុល្លារ ឬ 750 អ៊ឺរ៉ូ៕
