OnePlus 5 គឺជាស្មាតហ្វូនស៊េរីថ្មីដែលមានកម្រាស់ 7.25 មម ហើយក៏ជាស្មាតហ្វូនដែលស្តើងជាងគេបំផុតនៅក្នុងចំណោមស្មាតហ្វូនទាំងអស់របស់ក្រុមហ៊ុន OnePlus។ ស្មាតហ្វូននេះ មានថាមពលថ្មខ្លាំង ប៉ុន្តែតើអ្វីទៅជាភាពខ្លាំងពិតប្រាកដរបស់ស្មាតហ្វូនស៊េរីថ្មីនេះ? ស្មាតហ្វូននេះ មានប្រើប្រាស់នូវកញ្ចក់អេក្រង់ការពារប្រភេទ Gorilla Glass 5 (ការផ្លាស់ប្តូរពី GG4 នៅលើ 3/3T) តើវាពិតជាការពារបានទៅលើការកោសឆ្កូតនៅលើអេក្រង់មែនទេ? ពេលនេះ erryRigEverything បង្ហាញអំពីការធ្វើតេស្តទៅលើសមត្ថភាពរបស់ស្មាតហ្វូនស៊េរីថ្មីនេះ។
នៅក្នុងការធ្វើតេស្តនេះ បានបង្ហាញថា វាមិនមានការពង្រឹងទៅលើភាពរឹងម៉ាំនៃការការពារទៅលើការកោសឆ្កូតនោះទេ ដោយសារតែកញ្ចក់នេះ ឆ្កូតមានស្នាមនៅពេលដែលកោសនៅកម្រិត 6 និងកម្រិត 7 ។ ប៊ូតុងស៊េរ៉ាមិក Home Button ( ប្រព័ន្ធស្កែនក្រយ៉ៅដៃ) ពិតជាមានភាពរឹងម៉ាំ និងមិនមានស្នាមឆ្កូតអ្វីនោះទេ។ សម្រាប់ផ្ទាំងខាងក្រោយជាអាលុយមីញ៉ូមនោះ ក៏ធន់ទៅនឹងការកោសពីកូនសោរ និងកាក់ផងដែរ ព្រោះថា វាមិនអាចបន្សល់ទុកស្នាមអ្វីនៅលើផ្នែកខាងក្រោយនេះនោះទេ។
តោះទស្សនាទៅលើវីដេអូនេះការធ្វើតេស្តនេះ ទាំងអស់គ្នាមើល។ តើស្មាតហ្វូន OnePlus 5 ពិតជាអាចធន់ទៅនឹងការពត់កោងបានដែរឬទេ?