Xiaomi គឺជាក្រុមហ៊ុនបច្ចេកវិទ្យាស្មាតហ្វូនដែលទើបតែបង្ហាញខ្លួននៅលើទីផ្សារប៉ុន្តែក្រុមហ៊ុននេះ តែក្រុមហ៊ុននេះ មានមហិច្ឆិតាធំ និងបំណងប្រាថ្នាខ្ពស់។ មនុស្សជាច្រើនស្គាល់ស្មាតហ្វូនរបស់ក្រុមហ៊ុន Xiaomi ដោយសារតែវាមានតម្លៃសមរម្យ និងរូបរាងប្រណិតស្រស់ស្អាតទាក់ទាញបំផុត។ សម្រាប់ទីផ្សាររបស់ក្រុមហ៊ុន Xiaomi គឺហាក់ដូចជាផ្តោតខ្លាំងតែនៅទីផ្សារលោកខាងលិច ប៉ុន្តែក្រុមហ៊ុន Xiaomi ពិតជាល្បីឈ្មោះខ្លាំងនៅក្នុងប្រទេសចិន និងទទួលបានការពេញនិយមខ្លាំងបំផុតនៅក្នុងប្រទេសឥណ្ឌាផងដែរ។ ក្រុមហ៊ុន Xiaomi នៅតែមានបញ្ហាជាច្រើនក្នុងការវាយលុកចូលទៅក្នុងទីផ្សាររបស់សហរដ្ឋអាមេរិច និងទីផ្សារជាច្រើនទៀតនៅទ្វីបអ៊ឺរ៉ុប ប៉ុន្តែអ្នកគាំទ្រជាច្រើននៅជុំវិញពិភពលោកបានកម្មង់ទិញស្មាតហ្វូនស៊េរីថ្មីរបស់ក្រុមហ៊ុន Xiaomi ជាច្រើនតាមរយៈហាងលក់រាយនៅក្នុងប្រទេសចិនផងដែរ។
បើតាមការបង្ហាញពីស្ថាប័ននានា បានបញ្ជាក់ថា ស្មាតហ្វូនស៊េរីថ្មីដែលល្បីល្បាញខ្លាំងរបស់ក្រុមហ៊ុន Xiaomi នោះ គឺត្រកូល Mi Series។ ស្មាតហ្វូន Xiaomi Mi 6 ទើបតែបង្ហាញខ្លួននៅលើទីផ្សារ ប៉ុន្តែស្មាតហ្វូននេះទទួលបានការចាប់អារម្មណ៍ខ្លាំង។ ស្មាតហ្វូននេះបំពាក់នូវបន្ទះឈីប Snapdragon 835 រ៉េមផ្ទុកទិន្នន័យទំហំ 6GB ប្រព័ន្ធកាមេរ៉ាភ្លោះភ្ជាប់ជាមួយនឹង Telephoto Lens និងការរចនារូបរាងកាន់តែស៊ីវិល័យទាក់ទាញខ្លាំងបំផុត។ នៅពេលដែលយើងនិយាយអំពីស្មាតហ្វូនលំដាប់ប្រណិតនេះ ក្រុមហ៊ុន Xiaomi បង្ហាញនូវស្មាតហ្វូននេះជាមួយនឹងពណ៌ថ្មីៗជាច្រើនសម្រាប់ជ្រើសរើស។ ជាពិសេក្រុមហ៊ុន Xiaomi សន្យាថានឹងបង្ហាញនូវជំនាន់ថ្មីពិសេសចំនួន 2 ប្រភេទទៀតនាពេលខាងមុខ។ ជំនាន់ពិសេសទីមួយបង្ហាញខ្លួនរួចហើយកាលពីមួយខែមុននេះ វាគឺ Ceramic edition ដែលភ្ជាប់ជាមួយមាសកម្រិត 18k ចំនែកជំនាន់ពិសេសទីពីរគឺ super-shiny silver edition ដែលនៅមិនទាន់បង្ហាញខ្លួននៅលើទីផ្សារនៅឡើយទេ។
នាយកប្រតិបត្តិផ្នែកទីផ្សាររបស់ក្រុមហ៊ុន Xiaomi បានបង្ហោះនៅលើបណ្តាញសង្គម Weibo របស់ខ្លួនជាភាសាចិនថា ដំណើរការនៃការផលិតជំនាន់ពិសេសទីពីរ គឺ Super-shiny silver edition គឺពិតជាលំបាកខ្លាំងមែនទែន ហើយក្រុមហ៊ុន Xiaomi នៅមិនទាន់អាចធ្វើវាបានត្រឹមត្រូវនៅឡើយទេ doyក្រុមហ៊ុននឹងព្យាយាមជាបន្តទៀត ដូចនេះ ជំនាន់ពិសេស Silver edition ពិតជាមិនទាន់មានវត្តមាននៅលើទីផ្សារក្នុងពេលឆាប់ៗនេះនោះទេ។ នៅក្នុងពេលជាមួយគ្នានេះដែរ គំរូរបស់ស្មាតហ្វូនជំនាន់ពិសេស Xiaomi Mi6 Silver edition ក៏បង្ហាញខ្លួននៅលើគេហទំព័រដេញថ្លៃផងដែរ។ លោក Zang Zhiyuan បានបង្ហាញថា គំរូនេះ គឺជាទ្រព្យស្របច្បាប់របស់ក្រុមហ៊ុន Xiaomi ហើយក្រុមហ៊ុន នឹងយកវាត្រឡប់មកវិញ ដោយមិនបង្ករការប៉ះពាល់ទៅដល់អ្នកទិញនោះទេ។ តម្លៃចាប់ផ្តើមរបស់ស្មាតហ្វូននេះ គឺ 585 ដុល្លារអាមេរិច៕