ព្រឹត្តិការណ៍តាំងពិពរណ៍ធំជាងគេបំផុតនៅលើពិភពលោកហាក់ដូចជានៅមិនទាន់បានដាក់បង្ហាញនាឡិកាស្មាតវ៉ចស៊េរីថ្មីច្រើននៅឡើយទេសម្រាប់ឆ្នាំ 2017 នេះ ជាពិសេសវាគឺមានលក្ខណៈខុសគ្នាបើធ្វើការប្រៀបធៀបជាមួយនឹងឆ្នាំមុន។ ជាមួយនឹងវត្តមានរបស់នាឡិកាឆ្លាតវៃ Misfit និង New Balance ក្រុមហ៊ុន Casio ក៏បានបង្ហាញជូននូវវត្តមានរបស់នាឡិកាស្មាតវ៉ចស៊េរីថ្មីរបស់ខ្លួនផងដែរដែលមានឈ្មោះហៅថា WSD-F20 ដែលមានរូបរាងប្រហាក់ប្រហែលទៅនឹងស្មាតវ៉ចជំនាន់មុន។ វាមានលក្ខណៈពិសេសក្នុងការប្រើប្រាស់នៅខាងក្រៅផ្ទះបានដោយសារតែវាអាចធ្វើការបិទចោលនូវGPU និង Maps ដែលមានន័យថាលោកអ្នកមិនចាំបាច់ត្រូវការភ្ជាប់ទំនាក់ទំនងជាមួយនឹងស្មាតហ្វូនរបស់អ្នកនោះទេ។
អ្វីដែលសំខាន់ជាងនេះទៀតនោះ បើយោងតាមលោកអគ្គនាយក Kazuhiro Kashiro របស់ក្រុមហ៊ុន Casio បានបញ្ជាក់ថា “យើងកំពុងតែស្វែងរកនូវគំនិតថ្មីជាច្រើនសម្រាប់អ្នកប្រើប្រាស់ដែលមានគោលបំណងក្នុងការទិញនាឡិកានេះយកទៅប្រើប្រាស់។ យើងមិនមែនសម្លឹងមើលទៅកាន់នាឡិកាស្មាតវ៉ចដែលមានលក្ខណៈដូចគ្នាសម្រាប់អ្នកប្រើប្រាស់ទាំងអស់គ្នានោះទេ។” ការលើកឡើងបែបនេះ ប្រហែលជាក្រុមហ៊ុនបច្ចេកវិទ្យាភាគច្រើនផលិតនូវនាឡិកាស្មាតវ៉ចមួយដើម្បីបំពេញតម្រូវការសម្រាប់មនុស្សគ្រប់គ្នា។
លោក Kashio ដែលជានាយកប្រតិបត្តិជំនាន់ទី ២ របស់ក្រុមហ៊ុនបច្ចេកវិទ្យាមួយនេះដែលបានបន្តរវេនពីឪពុករបស់គាត់បានកាន់ដំណែងបានរយៈពេល 18 ខែ ហើយផលិតផលដែលទទួលបានការគាំទ្របំផុតរបស់លោកគឺជាផលិតផលនាឡិកាស្មាតវ៉ច។ នៅឆ្នាំនេះក៏ជាខួបកំណើតលើកទី 60 សម្រាប់ក្រុមហ៊ុន Casio ដែលល្បីល្បាញខាងផលិតម៉ាស៊ីនគិតលេខ និងនាឡិកាឌីជីថលផងដែរ។
លោក Kashio បាននិយាយថា “យើងកំពុងតែស្ថិតនៅក្នុងកន្លែងមួយដែលក្រុមហ៊ុនបច្ចេកវិទ្យាជាច្រើនបន្តរការផ្លាស់ប្តូរ និងវិវត្តន៍ទៅមុខ។ ការពង្រឹងទៅលើការងារ ការផ្លាស់ប្តូរនូវគំរូអាជីវកម្ម និងការបង្កើតនូវអាជីវកម្មថ្មី។” នាឡិកាឆ្លាតវៃស្មាតវ៉ចគឺជាជំនួញអាជីវកម្មថ្មីដែលលោក Kashio ហៅថាជាផ្នែកមួយដ៏សំខាន់បំផុតរបស់ក្រុមហ៊ុនមួយនេះ: “នៅពេលដែលក្រុមហ៊ុនបានធ្វើការផលិតនូវស្មាតវ៉ច ខ្ញុំជឿជាក់ថា ប្រសិនបើវាមិនទាន់មានការបង្កើតស្មាតវ៉ច និងទូរស័ព្ទនោះទេ វាពិតជាលំបាកមែនទែនក្នុងការបង្កើតនូវផលិតផលថ្មីដែលមានគុណភាពល្អនោះ។” ក្រុមហ៊ុន Casio បានប្រឹងប្រែងក្នុងការរចនារូបរាងស្មាតវ៉ចជាច្រើនស៊េរីម៉ូដែលពិសេសម៉ូដែលថ្មីដែលប្រើប្រាស់នូវ IR Temperature Sensors ។
លោក Kashio បានបន្ថែមថា “វាគឺគ្រាន់តែជាការចាប់ផ្តើមនៃស្មាតវ៉ចប៉ុណ្ណោះ។ ខ្ញុំច្បាស់ថានាឡិកា Apple Watch គឺលក់ដាច់បានច្រើន ប៉ុន្តែពេលនេះយើងមានផលិតផលថ្មីហើយយើងនឹងមានការពេញនិយមខ្លាំងវិញម្តងនៅទីនេះ។” លោក Kashio ក៏បានបង្ហាញពីការឈានជើងរបស់ក្រុមហ៊ុន Apple នៅក្នុងវិស័យនាឡិកាស្មាតវ៉ចនេះផងដែរនៅអំឡុងពេលធ្វើបទសម្ភាសន៍ ហើយបញ្ហានោះគឺថានាឡិកាស្មាតវ៉ចទាំងនេះមានមុខនាឡិកាដូចគ្នាទូទៅច្រើន។
ក្រុមហ៊ុនបច្ចេកវិទ្យានេះបាននិយាយថា នៅពេលដែលក្រុមហ៊ុនបានធ្វើការរចនារូបរាងនាឡិកាស្មាតវ៉ចថ្មីនេះ វាមានលក្ខណៈប្រហែលទៅនឹងម៉ូដែល G-Shock ឬប្រភេទ Pro Trek ។ លោក Kashio បានប្រាប់ Engadget ថាក្រុមហ៊ុនកំពុងតែសម្លឹងមើលសម្រាប់តម្រូវការជាក់លាក់សម្រាប់ម៉ូដែលស្មាតវ៉ចដែលក្រុមហ៊ុននឹងសម្រេចចិត្តបង្កើតវាឡើងមក។ ក្រុមហ៊ុន Casio បានធ្វើការបង្ហាញនូវនាឡិកាឌីជីថលស្មាតវ៉ចរបស់ខ្លួនដែលប្រើប្រាស់នូវ Android Wear ហើយវាពិតជាមានលក្ខណៈប្លែកពីនាឡិកា G-Shock ។ វាពិតជាមានការរចនារូបរាងកាន់តែប្លែកទាន់សម័យ ប៉ុន្តែវាមិនអាចតម្រូវចិត្តមនុស្សបានគ្រប់គ្នានោះទេ។
បាវចនារបស់ក្រុមហ៊ុន Casio គឺ “ការរួមចំណែកនៃការច្នៃប្រឌិត” បានបង្កើតនូវផលិតផលថ្មីដែលមិនធ្លាប់មានពីមុនមកនោះទេ។ លោក Kashio បាននិយាយថា “វាមិនមានអ្វីដែលចាំបាច់នោះទេក្នុងការបង្កើតនូវផលិតផលអ្វីមួយដែលថ្មីទាំងស្រុងនោះ ប៉ុន្តែវាគួរតែជាផលិតផលមួយដែលអាចដោះស្រាយនូវបញ្ហាដែលកំពុងតែកើតមានឡើងបាន។ ផលិតនផលនោះគឺជាអ្វីដែលអ្នកប្រើប្រាស់ត្រូវការពិតប្រាកដ៕”
