Bloomberg បានរាយការណ៍ថា លោក Andy Rubin ដែលជាអ្នកបង្កើតប្រព័ន្ធប្រតិបត្តិការ Android សម្រាប់ក្រុមហ៊ុន Google មានគម្រោងក្នុងការប្រកាសបង្ហាញស្មាតហ្វូនស៊េរីថ្មីមួយទៀតសម្រាប់អ្នកប្រើប្រាស់ដែលការដំណើរការនេះជាការគ្រប់គ្រងរបស់ក្រុមហ៊ុន Essential ។ ព័ត៌មានមិនទាន់ច្បាស់ការមួយបានបញ្ជាក់ថាក្រុមការងារ 40 នាក់គឺជាបុគ្គលិកដែលរើសចេញមកពីក្រុមហ៊ុន Apple និងក្រុមហ៊ុន Google ។ បើយោងទៅតាមព័ត៌មានពី Bloomberg បានបញ្ជាក់ថា ក្រុមហ៊ុននេះមានគោលដៅក្នុងការផលិតនូវគ្រឿងអេឡិកត្រូនិកប្រើប្រាស់ជាច្រើននៅក្នុងទីផ្សារស្មាតហ្វូន និងប្រើប្រាស់នៅក្នុងផ្ទះ។ គោលដៅរបស់ក្រុមនេះគឺការផលិតនូវស្មាតហ្វូនប្រណិតដែលមានសមត្ថភាពខ្លាំងអាចប្រកួតប្រជែងនៅលើទីផ្សារបានជាមួយនឹងទូរស័ព្ទ Pixel របស់ក្រុមហ៊ុន Google និងទូរស័ព្ទ iPhone 7 របស់ក្រុមហ៊ុន Apple ។ ផែនការនៃការចាប់ផ្តើមលក់ទូរស័ព្ទស៊េរីថ្មីនេះកំពុងតែដំណើរការនៅឡើយ ប៉ុន្តែក្រុមហ៊ុន Essential មានក្តីសង្ឃឹមក្នុងការចាប់ផ្តើមប្រកាសទូរស័ព្ទស៊េរីថ្មីនេះនៅឆ្នាំនេះហើយតម្លៃរបស់វាប្រហែលជា 650 ដុល្លារអាមេរិច។ ខណៈពេលដែលទូរស័ព្ទ និងលក្ខណៈសម្បតិ្តពិសេសរបស់វានៅកំពុងស្ថិតនៅក្នុងការអភិវឌ្ឍនៅឡើយនោះ Bloomberg បានកត់សម្គាល់នូវលក្ខណៈសម្បតិ្តរបស់ទូរស័ព្ទស៊េរីថ្មីនេះបានខ្លះៗផងដែរ:
យ៉ាងហោចណាស់ គំរូមួយរបស់ទូរស័ព្ទស៊េរីថ្មីរបស់លោក Rubin នេះនឹងមានទំហំអេក្រង់ធំជាងទូរស័ព្ទ iPhone 7 Plus (អេក្រង់ទំហំ 5.5 អ៊ីង) ហើយស៊ុមព័ទ្ធជុំវិញអេក្រង់ក៏កាន់តែតូចជាងមុនផងដែរ។ សម្រាប់អេក្រង់របស់ទូរស័ព្ទថ្មីនេះប្រើប្រាស់នូវការសង្កត់ទៅលើអេក្រង់ដែលស្រដៀងទៅនឹងទូរស័ព្ទ iPhone ដែរ ហើយក្រុមការងាររបស់លោក Rubin កំពុងតែតេស្តសាកល្បងទៅលើផ្នែកម៉ាស៊ីន និងការរចនាម៉ូដគែមអេក្រង់។ ចំនែកបន្ទះផ្នែកខាងក្រោយធ្វើពីសេវ៉ាមិចដែលរឹងម៉ាំបំផុតហើយវាកម្ររមានក្រុមហ៊ុនផលិតស្មាតហ្វូនណាធ្វើនោះទេ។
ក្រុមការងារមួយនេះក៏ប្រហែលជាចាប់ផ្តើមក្នុងការផលិតនូវកម្មវិធី Software ថ្មីៗ និងបច្ចេកវិទ្យាថ្មីៗនៅលើ Hardware ជាច្រើនផងដែរ។ Modular Add-ons ដែលបានរកឃើញនៅលើ Project Ara ប្រហែលជាការបង្កើតរបស់ក្រុមហ៊ុន Essential ផងដែរ។ តាមរយៈ Bloomberg ក្រុមអ្នកអភិវឌ្ឍកំពុងតែដំណើរការទៅលើ Connector ថ្មីមួយសម្រាប់ធ្វើការភ្ជាប់ទៅកាន់ឧបករណ៍អេឡិចត្រូនិកជាច្រើនដើម្បីពង្រឹងទៅលើផ្នែកកាមេរ៉ាផងដែរ។
ខណៈពេលដែលទំហំការងាររបស់ក្រុមហ៊ុន Essential កំពុងតែដំណើរការនោះ បច្ចេកវិទ្យាជំនួយការឆ្លាតវៃ Siri របស់ក្រុមហ៊ុន Google និង Alexa របស់ក្រុមហ៊ុន Amazon ប្រហែលជាស្ថិតនៅក្នុងគម្រោងនៃការអភិវឌ្ឍនៃផ្នែកមួយនៃការអភិវឌ្ឍ Hardware និងការអភិវឌ្ឍទៅលើបច្ចេកវិទ្យាឆ្លាតវៃប្រើប្រាស់ក្នុងផ្ទះរបស់ក្រុមហ៊ុននេះផងដែរ។ ចាប់តាំងពីចាកចេញពីក្រុមហ៊ុន Google នៅក្នុងឆ្នាំ 2014 លោក Rubin បានចាប់ផ្តើមការអភិវឌ្ឍទៅលើបច្ចេកវិទ្យា AI ហើយថែមទាំងបានចាប់ផ្តើមនូវការបណ្តាក់ទុនទៅលើ Playground Global ដែលផ្តោតសំខាន់ទៅលើបច្ចេកវិទ្យា AI និងមនុស្សយន្ត៕