ថ្មីៗនេះ ក្រុមហ៊ុន ស្មាតហ្វូន Huawei បានប្រកាសបើកកម្មវិធីប្រកួតថតរូបពិសេសសម្រាប់អបអរសាទរ ទិវានៃក្តីស្រឡាញ់របស់ពិភពលោកខិតជិតមក ដល់ក្នុងពេលឆាប់ៗនេះ។ ការប្រកួតថតរូបដ៏ពិសេសនេះត្រូវបានធ្វើឡើង ទូទាំងប្រទេសកម្ពុជាដែលចាប់ផ្តើមពីថ្ងៃទី 01 ដល់ទី 10 កុម្ភៈ 2017 ដើម្បីផ្តល់ ឱកាសដល់អ្នកចូលរួមទាំងអស់អាចបង្ហាញអារម្មណ៍របស់គេទៅកាន់មនុស្សជាទីស្រឡាញ់តាមរយៈរូបថត។
លោក ថង សារី ប្រធានផ្នែកចែកចាយស្មាតហ្វូន Huawei ប្រចាំប្រទេសកម្ពុជាបានបញ្ជាក់ពីលក្ខន្តិកៈក្នុងការប្រកួតថា៖ “អ្នកចូលរួមទាំងអស់តម្រូវអោយ ថតរូបដែលបង្ហាញក្តីស្រឡាញ់ជាមួយ ក្រុមគ្រួសារ លោកគ្រូអ្នកគ្រូ មិត្តភក្តិ និងមនុស្សជាទីស្រឡាញ់។ បន្ទាប់មកពួកគេត្រូវបង្ហោះនៅលើគណនីហ្វេស បុកផ្ទាល់ខ្លួនជាសាធារណៈ ដោយសរសេរ ជាមួយពាក្យ #HuaweiGR52017DualCameraNow។ រួចព្រីនស្គ្រីន (Print Screen) រូបដែលបាន បង្ហោះនោះ ជាមួយលេខទូរសព្ទ មកកាន់ហ្វេសបុកផេកផ្លូវការ របស់ក្រុមហ៊ុន Huawei Mobile តាមរយៈ ហ្វេសបុក Messenger។
លោក សារី បានបន្ថែមថា វាពិតជាពេលវេលាដ៏សក្តិសមដោយអ្នករាល់គ្នាគ្រាន់តែ ទាញទូរសព្ទមកថត ជាមួយមនុស្សជាទីស្រឡាញ់ រួចផ្ញើម កកាន់ក្រុមការងាររបស់ Huawei អោយបានត្រឹមថ្ងៃ ១០ ខែ កុម្ភៈ ក៏អាចមានសំណាងឈ្នះរង្វាន់ធំ។ នៅពេលទទួលបានរូបថតពីអ្នកចូលរួម ក្រុមការងារ Huawei នឹងធ្វើការបង្ហោះរូបទាំងនោះនៅលើហ្វេសប៊ុកផេកផ្លូវការរបស់ក្រុមហ៊ុន “Huawei Mobile” ចាប់ពីថ្ងៃទី ១១ ដល់ទី ១៣ កុម្ភៈ ដើម្បីធ្វើការដាក់ពិន្ទុ និងស្វែងរកជ័យលាភីចុងក្រោយ។ រូបថតដែលទទួលបានការគាំទ្រតាមរយៈរូបបេះដូង (Heart Emoji) នៅលើហ្វេសបុក ច្រើនជាងគេនឹងក្លាយជាម្ចាស់ជ័យលាភី។
ក្រុមហ៊ុន Huawei នឹងប្រកាសលទ្ធផលជាផ្លូវការ នៅថ្ងៃទី ១៤ កុម្ភៈ ២០១៧ ដែលជាទិវានៃក្តីស្រឡាញ់។ សម្រាប់ជ័យលាភីលេខ១ នឹងទទួលបាន Huawei P9 ពណ៌ផ្កាឈូកចំនួន ១ គ្រឿង ជ័យលាភីលេខ២ ទទួលបាន Huawei Y6 II ពណ៌ផ្កាឈូកចំនួន ១ គ្រឿង និង ជ័យលាភីលេខ៣ ចំនួន ៥ រូប នឹងទទួលបាន ជើងកាមេរ៉ាដ៏ប្រណិតម្នាក់មួយ។ គួររំលឹកថា ក្រុមហ៊ុន Huawei តែងតែបង្កើតនូវកម្មវិធីប្លែក និងគួរអោយចាប់អារម្មណ៍ជាច្រើនសម្រាប់ អតិថិជនរបស់ខ្លួន តួយ៉ាងក្នុងឆ្នាំ២០១៦ ក្រុមហ៊ុនបានបង្កើតការប្រកួតថតរូបដ៏អស្ចារ្យសម្រាប់អ្នកប្រើប្រាស់ស្មាតហ្វូន Huawei P9 & P9 Plus ដែលបានធ្វើឡើង ទាំងក្នុងប្រទេសកម្ពុជា និងប្រទេសថៃផងដែរ៕ សម្រាប់ព័ត៌មានលំអិតសូមចូលទៅកាន់ គេហទំព័រហ្វេសបុកផេកផ្លូវការ Huawei Mobile http://www.facebook.com/HuaweimobileKH
