ថ្ងៃនេះ មានអតិថិជនជាច្រើន ដែលប្រិយមិត្តរបស់ Samsung បានមានការភ្ញាក់ផ្អើលដោយសារតែ Smartphone Samsung S8/S8+ ត្រូវបានបញ្ជាក់ដោយភ្នាក់ងារដាក់ Pre-order ទាំងអស់ឈប់ទទួលការ ប្រកាសឈប់ ទទួលការកម្ម៉ង់ពីអតិថជនទាំងអស់នៅទូទាំងប្រទេសកម្ពុជា។ ពួកគាត់បានបញ្ជាក់ជាមួយក្រុមការងារទស្សនាវដ្តី ពិភពអេឡិត្រូនិកថា វាហាក់បីដូចជាលឿនពេក ដោយត្រឹមតែបួនថ្ងៃសោះអស់ស្តុករលីង ពួកគាត់ពិតជាសោកស្តាយមែនទែនដែលមកមិនទាន់គេ។
ជាមួយគ្នានេះ តាមការបញ្ជាក់របស់ភ្នាក់ងារដាក់ឲ Pre-order ទាំងនៅភ្នំពេញ សៀមរាប បាត់ដំបង និងកំពង់ចាម បានឲដឹងដែរថា សំរាប់អ្នកកម្ម៉ង់ស្មាតហ្វូន Galaxy S8 & S8 Plus រយះពេល 5 ថ្ងៃនេះ គឺមានចំនួនច្រើនលើសលប់ ដែលលើសពីគំរោងនៃការនាំមកជំហានដំបូង ដែលក្រុមហ៊ុន គ្រោងនិងនាំមកនូវសប្តាហ៍ក្រោយនេះ ហើយរឿងកម្ម៉ង់លើសស្តុកនេះ គឺមិនថា តែនៅប្រទេសកម្ពុជានោះទេ សូម្បីតែនៅទីផ្សារក្នុងបណ្តាជាច្រើនទៀត ក៏លើសលប់ដូចគ្នា ពិសេសគឺកូរ៉េខាងត្បូងតែម្តង។ ហេតុនេះ ទើបក្រុមហ៊ុន សម្រេចផ្អាកការកម្ម៉ង់គ្រប់បណ្តាហាងទំនើប Samsung បែបនេះ។ សូមបញ្ជាក់ថា ចំនួននេះ បើប្រៀបធៀបជាមួយនឹង Galaxy S7 កាលពីឆ្នាំទៅ គឺមានការកើនឡើងរហូតដល់ទៅ 130% ឯណោះ បើតាមការបញ្ជាក់របស់ក្រុមហ៊ុន Samsung។
គួរបញ្ជាក់ថា ក្រុមហ៊ុន Thai Samsung បានដាក់ឲអតិថិជនកម្ពុជា Pre-order ស្មាតហ្វូន Samsung S8/S8+ ចាប់ពីថ្ងៃទី 21 កន្លងទៅ ដែលការ Pre-Order នេះ ក្រុមហ៊ុន Samsung មានផ្តល់ជូននូវកាដូរពិេសសជាច្រើនរួមមានដូចជា៖ 1. JBL Speaker Charge3 , 2. Stand View Cover , 3. Screen Warranty។ ហើយ ស្មាតហ្វូន Galaxy S8 & S8 Plus ដែលនិងមានវត្តមាននៅកម្ពុជាសំរាប់ការ Pre Order នេះ គឺមានចំនួន 3 ពណ៌ សម្រាប់ជ្រើសរើស: ខ្មៅ មាស និងប្រផេះបែកស្វាយ។