កាលពីថ្ងៃទី 24 មិថុនា នេះ ក្រុមហ៊ុន យ៉ាម៉ាហា បានពង្រីកតំណាងចែកចាយលក់ថ្មីមួយទៀតហើយ ជាមួយនិងលោក អ៊ីវ ភីរុណ ហៅតាសាម៉ូម ដែលអជីវកររកស៊ីទិញលក់ម៉ូតូជើងចាស់ ដែលមានបទពិសោធន៍នៅក្នុងវិស័យនេះ រយះពេលជាង 30 ឆ្នាំកន្លងមកហើយ។ ដៃគូថ្មីនេះ គឺមានអសយដ្ឋានស្ថិតនៅ ផ្ទះលេខ #81Eo, ផ្លូវលេខ 182 ទេពផន សង្កាត់អូឬស្សី 2 ខណ្ឌ៧មករា ភ្នំពេញ។ លោក អ៊ីវ ភីរុណ មានប្រសាសន៍ថា លោកមានក្តីរំពឹងម៉ាងមុតមាំជាមួយក្រុមហ៊ុនយ៉ាម៉ាហា ដែលបច្ចុប្បន្នស្ថិតនៅក្រោមការគ្រប់គ្រងរបស់លោក ឧកញ៉ា គង់ នួន ដែលជាពាណិជ្ជករដ៏ជោគជ័យម្នាក់និងប្រកបដោយបទពិសោធន៍ខ្ពង់ខ្ពស់លើមុខជំនួញស្ទើរគ្រប់វិស័យ។មួយវិញទៀតលោកមានទំនុកចិត្តទៅលើផលិតផលរបស់យ៉ាម៉ាហា ដែលមានភាពល្បីល្បាញទូទាំងពិភពលោក និងទទួលបានសេចក្តីទុកចិត្តពីសំណាក់អ្នកប្រើប្រាស់។
លោក អ៊ីវ ភីរុណ បានបន្តថា លោកមានភាពជឿជាក់ទៅលើលោក ឧកញ៉ា គង់ នួន ដែលជាពាណិជ្ជករប្រកបដោយភាពជោគជ័យម្នាក់ និងម្យ៉ាងទៀត លោកជឿជាក់ទៅលើក្រុមហ៊ុនយ៉ាម៉ាហា ដែលមានភាពល្បីល្បាញខាងផ្នែកបច្ចេកវិទ្យា ក្នុងការផលិតនូវម៉ូតូប្រកបដោយគុណភាពខ្ពស់ និងមានការគិតគូរជាចម្បងចំពោះការប្រើប្រាស់របស់អតិថិជន និងវិសាលភាពនៃផលិតផល តាមបណ្តាប្រទេសផ្សេងៗទៀត។ នៅពេលខាងមុខឆាប់ៗនេះ យ៉ាម៉ាហា នឹងពង្រីកបន្ថែមម៉ូដែលថ្មីៗ ជាច្រើនមុខទៀត ដើម្បីជាការឆ្លើយតបនឹងតម្រូវការរបស់អតិថិជននិងទីផ្សារទាំងមូល មិនតម្រូវតែយុវវ័យទេ សំរាប់អ្នកធ្វើការ អ្នកប្រកបអាជីវកម្មផ្សេងៗ ក៏មានដែរ។ តាមរយះបទពិសោធន៍ជាង 30 ឆ្នាំរបស់ខ្ញុំ ខ្ញុំមានជំនឿថា យ៉ាម៉ាហា នឹងមានសន្ទុះទីផ្សារកម្ពុជា ខ្លាំងនៅក្នុងរយះពេលដ៏ខ្លីខាងមុខនេះ។
ឧកញ៉ា គង់ នួន អគ្គនាយកក្រុមហ៊ុន គង់ នួន គ្រុប ដែលជាក្រុមហ៊ុនទទួលបានសិទ្ធិផ្តាច់មុខនាំចូល និងចែកចាយម៉ូតូ Yamaha នៅក្នុងប្រទេសកម្ពុជា បានមានប្រសាសន៍ថា ការចាប់ដៃគូរជាមួយគ្នានៅពេលនេះ គឺដើម្បីការរីកចំរើនជាមួយគ្នាទៅថ្ងៃមុខ! លោកឧកញ៉ា បានបន្តថា ដោយសារតែបានមើលឃើញអំពីចក្ខុវិស័យរបស់យ៉ាម៉ាហាទៅថ្ងៃអនាគត និងមានសេចក្តីទុកចិត្តមកលើការគ្រប់គ្រងរបស់ក្រុមហ៊ុន គង់ នួន គ្រុប ទើបលោក អ៊ីវ ភិរុណ បានសំរេចចិត្តចាប់ដៃគូរជាមួយយើង ដើម្បីសំរេចអោយបានគោលដៅរួមជាមួយគ្នា គឺការរីកចំរើនជាមួយគ្នា។
តាមរយះបទពិសោធន៍របស់ខ្ញុំ និងយុទ្ធសាស្រ្តថ្មីរបស់យ៉ាម៉ាហា ក្រោមការគ្រប់គ្រងរបស់ខ្ញុំផ្ទាល់ ខ្ញុំមានជំនឿចិត្តយ៉ាងមុតមាំថា គ្រប់ដៃគូរអាជីវកម្មទាំងអស់ និងតំណាងចែកចាយរបស់យ៉ាម៉ាហាគ្រប់ប្រភេទ នឹងទទួលបាននូវអត្ថប្រយោជន៍និងភាគលាភគួរជាទីគាប់ចិត្ត ខ្ញុំនិងសហការី និងខិតខំស្វែងរកគ្រប់វិធីសាស្រ្ត ដើម្បីឆ្លើយតបទៅនឹងសេចក្តីត្រូវការរបស់ដៃគូរអាជីវកម្មរបស់យើង ព្រមជាមួយនឹងតម្រូវការទីផ្សារបច្ចុប្បន្ននិងទៅថ្ងៃអនាគតផងដែរ។ ថ្ងៃនេះ គឺជាចំនុចចាប់ផ្តើមមួយដ៏ល្អបំផុត ដែលបង្ហាញអំពីភាពជាដៃគូរយូរអង្វែងរវាងយ៉ាម៉ាហានិងតំណាងចែកចាយរបស់ គឺលោក អ៊ីវ ភិរុណ។
