កាលពីថ្ងៃទី 17 ខែមិថុនា ឆ្នាំ 2017 កន្លងទៅថ្មីៗនេះ ក្រុមហ៊ុន Ggear និង សមាគមសហគ្រិនសាខាខេត្តសៀមរាប បានរៀបចំកម្មវិធីការបរិច្ចាកឈាម ក្រោមប្រធានបទ “ ចែករំលែកតំណក់ឈាមរបស់អ្នកដើម្បីជួយសង្រ្គោះជីវិត ស្រ្តី និង ម្ដាយ។ កម្មវិធីនេះ ត្រូវបានក្រុមហ៊ុន រៀបចំឡើងក្នុងគោលបំណងដើម្បីចូលរួមអបអរសាទរក្នុងទិវាបរិច្ចាកឈាមពិភពលោក ថ្ងៃទី 14 ខែមិថុនា ។ ដោយមានវត្ថមានអញ្ជើញចូលរួមដ៏ខ្ពង់ខ្ពស់ ពី លោកវេជ្ជបណិ្ឌត ហុក គឹមចេង ប្រធានមជ្ឈមណ្ឌលជាតិផ្ដល់ឈាមរាធានីភ្នំពេញ លោកវេជ្ជបណ្ឌិត ប៉ែន ផល្គុណ ប្រធាន មន្ទីពេទ្យខេត្តសៀមរាប វេជ្ជបណ្ឌិត ក្រុស សារ៉ាត ប្រធានមន្ទីសុខាភិបាលខេត្តសៀមរាប បណ្ឌិត ទូច ណារិន ប្រធានស្ដីទីសមាគមសហគ្រិនវ័យក្មេងសាខាខេត្តសៀម និង លោកឧកញ៉ា សុខ ពិសិដ្ឋ អគ្គនាយកប្រចាំ ក្រុមហ៊ុន ជីហ្គៀ ( GGear ) ។
នៅក្នុងកម្មវីធិនេះ លោកឧកញ៉ា សុខ ពិសិដ្ឋ ក៏បានមានប្រសាសន៏ថា “ ក្នុងនាមក្រុមហ៊ុន ជីហ្គៀ( GGear ) យើងក៏មានការចូលរួមចំណែកជាច្រើនក្នុងការងារសង្គម និងសហគមន៏ ដូចជាការចូលរួមជាមួយសមាគមគ្រូពេទ្យស្ម័គ្រចិត្តការចែករំលែងបទពិសោធន៏ជាមួយ បច្ចេកវិទ្យាថ្មីៗ ដែលផ្ដល់អោយសិស្សានុសិស្សបានយល់ដឹងបន្ថែម ។លោកក៏បានបន្ដទៀតថាឈាមគឺជាវត្ថុដែលមានតម្លៃបំផុត ដោយសារតែបច្ចុប្បន្ននេះក្នុងមួយថ្ងៃ យើងត្រូវការឈាមចំនួន 200 ប្លោក ទូទាំងប្រទេសដើម្បីជួយសង្គ្រោះជីវិតមនុស្ស ។ ដូចនេះការបរិច្ចាកឈាម គឺមានន័យថាជាការចែករំលែក និង ជួយជីវិតដល់មនុស្សផ្សេងទៀត។
សរុបលទ្ធផល និង វត្តមានអ្នកចូលរួមប្រមាណជាង 300 នាក់។ និង សរុបចំនួនឈាមដែលទទួលបានពីការបរិច្ចាកមានចំនួនគឺ 208 ប្លោក ។ ក្រុមហ៊ុនជីហ្គៀ(GGear) និងនៅតែបន្ដជួយនិងគ្រាំទ្រដ៏សកម្មភាពមនុស្សធម៏នៅក្នុងសង្គមគ្រប់ពេលបន្ដទៅទៀត ។ សូមបញ្ជាក់ផងដែលថា កម្មវិធី បរិច្ចាកឈាមនេះគឺមានរៀបចូលរួមបីដៃគូអាជីវកម្មផ្សេងៗជាច្រើនទៀត ។