កាលពីថ្ងៃទី 28 ខែមិថុនានេះ ក្រុមហ៊ុន ហ៊ីយ៉ាន់ដាយ បានរៀបចំសន្និសីទសារព័ត៌មានស្តីពីយុទ្ធនាការ Hyundai Mid-Year 2017 ជូនដល់អតិថិជន សម្រាប់គ្រប់ម៉ូឌែលទាំងអស់ ដើម្បីផ្ដល់ផលប្រយោជន៍ជូនអតិថិជន នៅក្នុងឱកាសពាក់កណ្ដាលឆ្នាំ 2017 នេះ។ ពិធីនេះ ត្រូវបានរៀបចំធ្វើឡើងនៅស្នាក់ការក្រុមហ៊ុន Hyundai តាមបណ្តាយមហាវិថីព្រះមុនីវង្ស ក្រោមអធិបតីភាពលោក Brian Ko ដែកជានាយកប្រតិបត្តិរបស់ក្រុមហ៊ុន ហ៊ីយ៉ាន់ដាយ ខេមកូម៉ូធ័រ ប្រចាំនៅកម្ពុជា រួមជាមួយនិងបុគ្គលិក និងអ្នកសារព័តមានជាច្រើនរូប។
ក្រុមហ៊ុន Hyundai បានបញ្ជាក់ថា ដោយសារមានការគាំទ្រយ៉ាងខ្លាំង និងទំនុកចិត្តលើផលិតផលរថយន្ដម៉ាកហ៊ីយិនដាយ បានធ្វើការលក់រថយន្ដហ៊ីយ៉ាន់ដាយនៅកម្ពុជាមានការកើនឡើងពីមួយឆ្នាំទៅមួយឆ្នាំ។ ដើម្បីឆ្លើយតបនឹងការគាំទ្រនេះ ក៏ជាការថ្លែងអំណរគុណដល់អតិថិជន ដែលតែងតែគាំទ្ររថយន្ដម៉ាកហ៊ីយ៉ាន់ដាយ ក្រុមហ៊ុន Hyundai បានរៀបចំប្រូសិនពិសេសផ្ដល់ជូនអត្ថប្រយោជន៍ជាច្រើន រួមមានតម្លៃតម្លៃល្អជាងគេ ការធានាលើគុណភាពយូរជាងគេ រហូតដល់ 5 ឆ្នាំ ឬ 100,000 គ.ម និងសេវាថែទាំបន្ថែមជាដើម។ មួយវិញទៀត គឺកម្មវិធីបើកបរសាកល្បងជាមួយរថយន្ដហ៊ីយិនដាយ Tucson ដែលជាកម្មវិធីប្រចាំសប្ដាហ៍ដំបូងគេនៅកម្ពុជា។
ក្រុមហ៊ុនបានបញ្ជាក់ថា បច្ចុប្បន្ននេះ រថយន្ដហ៊ីយ៉ាន់ដាយ Tucson កំពុងពេញនិយមខ្លាំងនៅកម្ពុជា ក៏ដូចជានៅលើពិភពលោក (រួមមានសហរដ្ឋអាមេរិក និងអឺរ៉ុប) ដូចលោកអ្នកបានឃើញពេលថ្មីៗនេះ រថយន្ដ Tucson គឺមានអ្នកជិះច្រើននៅលើដងផ្លូវ។ ហើយដើម្បីឲ្យអតិថិជនកាន់តែមានទំនុកចិត្ត និងពិចារណាបានខ្ពស់ក្នុងការជ្រើសរើសរថយន្ដថ្មីយកទៅប្រើប្រាស់ឱយបានត្រឹមត្រូវ ពេញចិត្ត ក្រុមហ៊ុន បានរៀបចំកម្មវិធីបើកបរសាកល្បងជាលើកដំបូង ដើម្បីផ្ដល់ឱកាសដល់អតិថិជន បានមើលឃើញដោយផ្ទាល់នូវការឌីហ្សាញដ៏ទាក់ទាញ នៃរូបរាងខាងក្រៅ និងខាងក្នុងរថយន្ដ គុណភាព និងប្រព័ន្ធសុវត្ថិភាពខ្ពស់ជាប់លំដាប់ថ្នាក់ផ្កាយ 5 របស់រថយន្ដ ហ៊ីយ៉ាន់ដាយ Tucson។ ជាពិសេសតម្លៃរបស់ Tucson ជាប្រភេទរថយន្ដ SUV 5 កៅអីដែលមានតម្លៃល្អជាងគេ បើប្រៀបធៀប នឹងរថយន្ដម៉ាកដទៃដែលមាន Option ដូចគ្នា។
តាមប្រសាសន៍របស់លោក Brian Ko ដែកជានាយកប្រតិបត្តិរបស់ក្រុមហ៊ុន ហ៊ីយ៉ាន់ដាយ ខេមកូម៉ូធ័រ ប្រចាំនៅកម្ពុជា មានបញ្ជាក់ថា លោកពិតជាមានក្ដីសោមនស្សរីករាយខ្លាំងណាស់ ហើយខ្ញុំក៏សូមថ្លែងអំណរគុណ ចំពោះការមកកាន់សន្និសីទសារព័ត៌មានក្រុមហ៊ុនហ៊ីយ៉ាន់ដាយស្ដីអំពី “យុទ្ធនាការ Mid-Year និងកម្មវិធីបើកបរសាកល្បងប្រចាំសប្ដាហ៍ដំបូងគេនៅកម្ពុជា”។ លោកបានបន្តថា ហ៊ីយ៉ាន់ដាយ គឺជារថថយន្តដ៏ល្បី ចំណាត់ថ្នាក់លេខ ៥ នៅលើសកលលោក ដែលលក់ដាច់បានជាង 8 លានគ្រឿងក្នុងមួយឆ្នាំៗ ហើយហ៊ីយ៉ាន់ដាយ បាននាំចេញទៅលក់នៅជាង 160 ប្រទេស នៅទូទាំងសកលលោក។ ក្រុមហ៊ុនយើង បានចាប់ផ្តើមធ្វើអាជីវកម្មំលក់រថយន្ត នៅក្នុងប្រទេសកម្ពុជា ៩ ឆ្នាំ មកហើយ តាំងពីឆ្នាំង 2009 មក។
