កាលពីថ្ងៃទី 26 ខែសីហា ឆ្នាំ2016 កន្លងទៅថ្មីៗនេះ ក្រុមហ៊ុន Huawei បានរៀបចំដំណើរកម្សាន្តដ៏កម្រ មួយសម្រាប់អតិថិជនប្រមាណ 30 នាក់ ដែលជាម្ចាស់ស្មាតហ្វូន P9 & P9 Plus ។ នេះជាដំណើរកម្សាន្ត ដ៏ពិសេសមួយ ខុសពីដំណើរកម្សាន្តធម្មតា ពីព្រោះអតិថិជនដែលបានចូលរួមមានឱកាសក្លាយជាអ្នកថតរូបអាជីព ពីការបណ្ដុះបណ្ដាលបច្ចេកទេសថតរូបអាជីពជាមួយកាមេរ៉ាបច្ចេកវិទ្យាចុងក្រោយរបស់ P9 & P9 Plus។
ក្រោយពីបានបញ្ចេញស្មាតហ្វូនត្រកូល P9 ជាម៉ូឌែលចុងក្រោយបំពាក់ដោយកាមេរ៉ាអាជីពដែលជាកាមេរ៉ា ភ្លោះរបស់ Lieca រួចមក ខាងក្រុមហ៊ុន Huawei មើលឃើញពីចំណុចខ្លាំងគ្មានគូប្រជែងនៃទូរស័ព្ទស្មាតហ្វូននេះ ហើយគន្លឹះ បន្ទាប់ គឺសមត្ថភាពប្រើប្រាស់របស់អតិថិជនដើម្បីចាប់យករូបភាពល្អៗដែលពួកគេនិយមចូលចិត្តថត។ ហេតុនេះហើយ ទើបដំណើរកម្សាន្តមួយនេះត្រូវបានរៀបចំឡើង គឺដើម្បីនាំអតិថិជនដែលជាម្ចាស់ស្មាតហ្វូន P9 & P9 Plus ឲ្យស្គាល់ពីសមត្ថភាពពិតនូវស្មាតហ្វូនដែលពួកគេកំពុងតែកាន់ក្នុងដៃ។ ក្នុងដំណើរកម្សាន្តនេះ ក្រុមហ៊ុនបានបញ្ជូន អ្នកជំនាញកាមេរ៉ា និងថតរូបអាជីព ដើម្បីធ្វើការបង្ហាត់បង្ហាញអំពីបច្ចេកទេសប្រើប្រាស់កាមេរ៉ា និងការថតរូបជា មួយស្មាតហ្វូន ដែលអាចធ្វើឲ្យអ្នកចូលរួម ចេះប្រើប្រាស់ដល់សមត្ថភាពរបស់ P9 & P9 Plus និងថតរូប បានកម្រិតអ្នកថតរូបអាជីព។
លោក Jack SJ, និង លោក Ploy អ្នកជំនាញថតរូប និងជាអ្នកបង្ហាត់បង្ហាញដល់អតិថិជន Huawei P9 និង P9 Plus ប្រចាំខេត្តសៀម រាប បានមានប្រសាសន៍ថា “យើងមានកាមេរ៉ាអាជីព Leica លើ Huawei P9 និង P9 Plus ដ៏ល្អក្នុងដៃយើង ដូច្នេះជំហានបន្ទាប់ គឺសមត្ថភាពរបស់យើង និងបច្ចេកទេសរបស់យើង ក្នុងការប្រើប្រាស់ ដើម្បីសម្រេចបាននូវលទ្ធផលដ៏ អស្ចារ្យមួយ។ ខ្ញុំបានបង្ហាត់បង្ហាញពីបច្ចេកទេស និងមូលដ្ឋានសំខាន់ៗក្នុងការថតរូបភាពបានល្អបែបអ្នកថតរូប អាជីព ហើយដោយសារ P9 & P9 Plus មានសមត្ថភាពខ្ពស់ស្រាប់ផង យើងឃើញថាពួកគាត់អាចចាប់បានលឿន និងថតរូបបានល្អៗដែលពួកគាត់ពុំធ្លាប់ធ្វើបាននាពេលកន្លងមក។”
កញ្ញា សំរ៉ង មរកត ជាអតិថិជនប្រើ P9 Plus ដែលបានចូលរួមក្នុងដំណើរកម្សាន្តនេះ បានសម្ដែងនូវអារម្មណ៍រំភើបរីករាយថា ”ខ្ញុំមានអារម្មណ៍ភ្ញាក់ផ្អើលម្ដងរួចទៅហើយ នៅពេលខ្ញុំទិញទូរស័ព្ទ P9 Plus មកប្រើ ដោយសារសមត្ថភាព កាមេរ៉ារបស់វា ប៉ុន្តែពេលខ្ញុំបានចូលរួមដំណើរកម្សាន្តនេះ ខ្ញុំរឹតតែភ្លឺភ្នែកថែមទៀត ជាមួយបច្ចេកទេស ថតរូបស្អាតៗបែបអ្នកថតអាជីពដែលខ្ញុំមិននឹកស្មានថាត្រឹមទូរស័ព្ទមួយគ្រឿងយើងអាចថតរូបបានកម្រិតហ្នឹង! កញ្ញា សំរ៉ង មរកត បញ្ជាក់ថា៖ “ខ្ញុំមិននឹកស្មានថា ខ្ញុំអាចធ្វើវាបាន! រូបភាពដែលផ្តិត យកដោយ P9 Plus របស់នាងខ្ញុំត្រូវទទួលបាននូវជ័យលាភីសម្រាប់ជើងឯកថតរូបស្អាតពីក្រុមហ៊ុន Huawei។ ចំជាអស្ចារ្យមែន!”
លោក ឌីបូ បញ្ញា អ្នកជំនាញផ្នែកសេវាកម្ម និងបច្ចេកទេស “ខ្ញុំមិននឹកស្មាតថា ពួកគាត់ពិតជាយល់ និងអាចប្រើប្រាស់ អធិរាជស្មាតហ្វូនរបស់ Huawei P9 & P9 Plus យ៉ាងជំនាញបែបនេះសោះ! យើងអស់ក្តីបារម្ភ ហើយក៏នៅតែបន្តផ្តល់នូវវគ្គបណ្តុះបណ្តាល ជាបន្តបន្ទាប់ទៀត”។
លោក Jason នាយកគ្រប់គ្រង Huawei Mobile Device បានបញ្ជាក់ថា កម្មវិធីនេះត្រូវបានផ្ដួចផ្ដើមបង្កើតឡើង ដើម្បីផ្ដល់ការកម្សាន្តដ៏មានសារៈប្រយោជន៍ខ្ពស់ដល់អតិថិជន ដោយពួកគាត់ទទួលបានការបណ្ដុះបណ្ដាល ជំនាញថតរូបកម្រិតអ្នកថតអាជីពជាមួយកាមេរ៉ាស្មាតហ្វូន P9 &P9 Plus និងជួយកិច្ចការងារសង្គមួយចំនួន ដូចជាការងារសប្បុរសធម៌ជាដើម។ “ព្រោះថា Huawei តែងតែយកចិត្តទុកដាក់ចំពោះអតិថិជន ហើយយើងយល់ឃើញថាការដែលគ្រាន់តែលក់ ផលិតផលល្អដល់គាត់ មិនគ្រប់គ្រាន់ទេ ហេតុនេះទើបយើងត្រូវបង្ហាញពីគន្លឹះសំខាន់ៗក្នុងការប្រើប្រាស់របស់វា ថែមទៀត។ ត្រង់នេះ ធ្វើឲ្យពួកគាត់អាចប្រើប្រាស់ទូរស័ព្ទនេះអស់ពីសមត្ថភាព និងផ្ដិតយករូបភាពបានល្អឥតខ្ចោះ សក្តិសមនឹងទូរស័ព្ទស្មាតហ្វូនទំនើបចុងក្រោយ បំពាក់ដោយកាមេរ៉ាភ្លោះ Lieca!” លោក Jason បានបញ្ជាក់ បន្ថែម “ក្រៅពីផ្គត់ផ្គង់ផលិតផលគុណភាពខ្ពស់ និងបច្ចេកវិទ្យាឈានមុខជាមួយសេវាកម្មជាទីពេញចិត្ត ក្រុមហ៊ុន Huawei តែងតែបង្កើតកម្មវិធីប្លែកៗនិងមានប្រយោជន៍ជាបន្តបន្ទាប់សម្រាប់អតិថិជន។ ក្រុមហ៊ុនប្ដេជ្ញានឹងបន្តនាំមកនូវ កម្មវិធីថ្មីៗ ជាមួយអត្ថប្រយោជន៍ជាច្រើនទៀតសម្រាប់អតិថិជន ដើម្បីជាកិច្ចតបស្នងសងគុណចំពោះការគាំទ្រ រហូតមក”។