Michael Kors គឺជាម៉ាកនាឡិកាឆ្លាតវៃដែលផលិតដោយ Fashion Brands និងត្រូវបានគេដឹងថា គឺជានាឡិកា ដែលលក់ដាច់ខ្លាំងបំផុត។ ពេលនេះវត្តមាននាឡិកាឆ្លាតវៃ Wear OS ចុងក្រោយបំផុតដែលមានការរចនាឡើងពី Michael Kors នោះ គឺបានធ្វើឱ្យប្រសើរឡើងកាន់តែច្រើន និងត្រូវបានគេដាក់ឈ្មោះថា គឺជំនាន់ 2.0 នៃ Access Sofie ដែលមានលក្ខណៈពិសេសថ្មី ដែលផលិតឡើង ដើម្បីជួយគាំទ្រដល់ការតាមដាននូវព័ត៌មានដែលទាក់ទងទៅនឹងសុខភាពរបស់អ្នកប្រើប្រាស់។ សម្រាន់ការរចនាថ្មីនេះ ត្រូវបានចម្រ៉ាញ់ពីម៉ូដែលដើម។
នៅលើនាឡិកាដែលមានប៊ូតុងបីខាងលើនោះ ឥឡូវនេះ គឺត្រូវបានជំនួសដោយឱ្យប៊ូតុងតែមួយប៉ុណ្ណោះ និងមានថែមនូវរបាររលើបរលោកផងដែរ។ នាឡិកានេះ មានទំហំតូច ហើយប្រើទំហំខ្សែតូចចង្អៀត ដែលសមល្អសម្រាប់រូបរាង។ កញ្ចក់នាឡិកា ក៏មានទំហំតូចជាងបន្តិច ហើយប្ល៊ែតនៅជុំវិញមុខនាឡិកា នៅតែមាននៅជុំវិញ។ នាឡិកាឆ្លាតវៃ Access Sofie មើលទៅគឺស្រដៀងគ្នា ប៉ុន្តែម៉ូដែលដ៏ស្រស់នេះ គឺមានបន្ថែមនូវមុខងារ GPS និងឧបករណ៍តាមដានបេះដូង សម្រាប់អ្នកដែលចង់ទាញយកប្រយោជន៍ ពីការហ្វឹកហាត់ Google Fit និងតាមដានការរត់ខាងក្រៅ ដោយមិនចាំបាច់យកទូរស័ព្ទ មកជាមួយ។ ប្រព័ន្ធ NFC ក៏ត្រូវបានបន្ថែម ដើម្បីអនុញ្ញាតឱ្យទូទាត់តាមទូរស័ព្ទ ជាមួយ Google Pay ផងដែរ។
នេះគឺជានាឡិកាឆ្លាតវៃតែមួយគត់ ដែលផ្ទុកជាមួយបន្ទះឈីប Snapdragon Wear 2100 ដែលផ្តល់ជូននូវអត្ថប្រយោជន៍កាន់តែប្រសើរឡើង។ នាឡិកាឆ្លាតវៃនេះ នៅមិនទាន់មានតម្លៃនៅឡើយទេ ប៉ុន្តែ Michael Kors នឹងផ្តល់ជូននូវ Access Sofie 2.0 នៅរដូវក្តៅនេះ ដោយមានចំនួនបួន គឺពណ៌ប្រាក់ ពណ៌មាស ពណ៌ផ្កាឈូក និងពណ៌ផ្កាឈូកលាយប្រាក់៕
