សព្វថ្ងែនេះ បើក្រឡេកទៅមើលទៅលើទីផ្សារបច្ចេកវិទ្យានៅក្នុងប្រទេសកម្ពុជា ឃើញថាផលិតផលអ្វី ក៏មានដែរ មិនថា ប្រើសំរាប់ការងារ ការកំសាន្ត និងសំរាប់សុខភាពនោះទេ។ រាល់ផលិតផលទាំងនោះ គឺត្រូវបានគេមើលឃើញថា បាននាំចូលមកពីប្រទេសនានាជុំវិញពិភពលោក ជាពិសេសគឺប្រទេសចិន ដែលជាមហាមិត្តរបស់កម្ពុជាយើងតែម្តង។ ថ្ងៃនេះ ដើម្បីចូលរួមបង្ហាញនូវការមកដល់នូវផលិតផលថ្មីៗនោះ ក្រុមការងាររបស់ទស្សនាវដ្តី ពិភពអេឡិចត្រូនិក សូមណែនាំផលិតផលមកពីប្រទេសកូរ៉េ ចំនួនពីរម៉ូដែល ក្នុងនោះរួមមានដូចជា នាឡិកា Smartwatch ហើយនឹង កាសប្លូធូស របស់ Samsung.
1. នាឡិកាដៃ Samsung Gear Sport ជម្រើសថ្មីសំរាប់យុវវ័យ
នាឡិកាដ៏ឆ្លាតវៃ ដែលត្រូវបានក្រុមហ៊ុន Samsung ធ្វើការរចនាផលិតឡើងប្រកបដោយភាពច្នៃប្រឌិតនិងគិតគូរពីសុវត្ថិភាពក្នុងការប្រើប្រាស់ យល់ពីអារម្មណ៍អ្នកប្រើប្រាស់ ដោយសារតែ Samsung Gear Sport មានរូបរាងស្រស់ស្អាត ទាន់សម័យពេលពាក់ជាប់នឹងដៃ មិនតែប៉ុណ្ណោះ មានបំពាក់មកជាមួយនូវមុខងារសម្រាប់តាមដានសុខភាពរបស់អ្នកប្រើប្រាស់បានថែមទៀតផង។ ដោយសារតែវាជានាឡិកាដ៏ឆ្លាតវ័យ ទើបត្រូវបានបំពាក់នូវប្រព័ន្ធប្រតិបត្តិការ Tizen OS 3.0 បំពាក់នូវស៊ែនស័រ Accl, Gyro Sensor, Barometer, HRM, Ambient Light និងប្រើប្រាស់នូវបច្ចេកវិទ្យា Bluetooth BT4.2, Wi-Fi(802.11 b/g/n), GPS/Glonass, NFC សម្រាប់ភ្ជាប់ថែមទៀតផង។ ជាងនេះទៅទៀត វាក៏ត្រូវមានកម្មវិធីសម្រាប់តាមដានសុខភាព UA, Spotify Offline, Speedo ដែលផ្តល់ជូននូវមុខងារដ៏ពិសេសសម្រាប់អ្នកប្រើប្រាស់ និងមានបំពាក់នូវបច្ចេកវិទ្យាការពារជម្រាបទឹក Water resistant បានរហូតដល់ជម្រៅ 50 ម៉ែត្រផងដែរ ។ មិនទាន់អស់ វាមានរង្វង់អេក្រង់ទំហំ 1.2” 360x360 Super AMOLED Full color AOD, Gorilla Glass3 សម្រាប់បង្ហាញពីល្វែងម៉ោង និងកម្មវិធីមួយចំនួនផងដែរ ចុះក្រោយគឺមានថាមពលថ្ម 300mAh ដែលអាចបញ្ចូលថ្មនិងប្រើប្រាស់បានកាន់យូរ។
2. កាសប្លូធូស Samsung Gear Icon X (2018)
Gear Icon X (2018) គឺកាសស្តាប់ត្រចៀកដ៏ប្រណីតមួយ ដែលត្រូវបានក្រុមហ៊ុន Samsung បានធ្វើការផលិតឡើងប្រកបដោយភាពច្នៃប្រឌិត និងស៊ីវីល័យបំផុត បំពាក់ជាមួយនឹងបច្ចេកិវិទ្យាថ្មីៗបំផុត សម្រាប់បំពេញតម្រូវការប្រើប្រាស់របស់អតិថិជនរបស់ខ្លួន។ Samsung Gear Icon X (2018) ត្រូវបានផលិតឡើងប្រកបដោយភាពស៊ីវីល័យបំផុត ពិសេសអ្នកដែលប្រើប្រាស់កំពូលស្មាតហ្វូនជំនាន់ថ្មីរបស់ Samsung ផ្ទាល់តែម្តង។ កាសស៊េរីថ្មីនេះ បំពាក់នូវបច្ចេកវីទ្យាតភ្ជាប់តាមរយះ Bluetooth 4.2 និងអាចភ្ជាប់ជាមួយប្រព័ន្ធប្រតិបតិ្តការ Android 4.4 ឡើងទៅផងដែរ និងអាចភ្ជាប់ជាមួយមុខងារថ្មី Bixby Connection ដែលមាននៅលើទូរស័ព្ទជំនាន់ថ្មីបំផុតផងដែរ។ ជាមួយគ្នានេះ វាក៏ត្រូវបានបំពាក់នូវថាមពលថ្មទំហំ 82 mAh ដែលអាចដំណើរការបានរហូតដល់ 5 ម៉ោង និងអាចបើក Standby បានដល់ 7 ម៉ោងឯណ្ណោះ រិតតែពិសេសជាមួយនឹងមុខងារថ្មីដូចជា ប្រព័ន្ធការពារជម្រាបទឹក Water Resistant មិនជ្រាបទឹក កាន់តែពិសេសអស្ចារ្យគឺវាអាចរក្សាទុកចម្រៀងបានកាន់តែច្រើន ដោយមិនចាំបាច់យកទូរស័ព្ទទៅជាមួយ និងមុខងារតាមដានសុខភាព Auto Tracking រាល់សកម្មភាពហាត់ប្រាណរបស់អ្នក គឺត្រូវបានគ្រប់គ្រងនិងតាមដានជានិច្ចផងដែរ។
រាល់ផលិតផល Samsung អាចរកជាវបាននៅហាង APSARA Mobile , ទំនាក់ទំនងលេខទូរស័ព្ទ៖ 023 6666 189
