នៅទីបំផុត ក្រុមហ៊ុន Samsung ចាប់ផ្តើមបញ្ចេញនូវកាសស្តាប់ស៊េរីថ្មីដែលមានភ្ជាប់ជាមួយនឹងបច្ចេកវិទ្យាកាត់បន្ថយនូវសំឡេងរំខាន noise cancelling USB Type-C AKG ដែលក្រុមហ៊ុននេះ នឹងបញ្ចេញវាជាមួយនឹងវត្តមានរបស់ស្មាតហ្វូន Galaxy Note 10 និង Galaxy Note 10+។ ក្រុមហ៊ុន Samsung របស់កូរ៉េ និង Samsung UAE គឺមានកាសស្តាប់នេះជា ‘ANC Earphone (Type C)’ និងទំព័រនៃផលិតផលនៅលើគេហទំព័ររបស់ Samsung នៅក្នុងប្រទេសកូរ៉េ ដែលបាននិយាយថា កាសស្តាប់នេះ អាចប្រើប្រាស់បានជាមួយនឹង Galaxy Note 10, Note 10+, Tab S6, Fold 5G, S10e, S10, S10 +និង S10 5G និងស្មាតហ្វូន Samsung និងថេប្លេតជាច្រើនទៀត ដោយមិនមានរន្ធដោត 3.5mm នោះ។
កាសស្តាប់នេះ អាចរកប្រើប្រាស់បានជាមួយនឹងស្មាតហ្វូន Galaxy ជាច្រើនទៀតតាមរយៈរន្ធដោត USB Type-C port ប៉ុន្តែវានៅមិនទាន់ច្បាស់នោះទេថា បច្ចេកវិទ្យាកាត់បន្ថយនូវសំឡេងរំខាន noise cancellation នេះ នឹងដំណើរការនៅគ្រប់ស្មាតហ្វូនទាំងអស់នោះ។ ក្រុមហុនបច្ចេកវិទ្យា Samsung បញ្ជាក់ថា បច្ចេកវិទ្យាកាត់បន្ថយសំឡេងរំខាន (noise cancellation) គឺមានកម្រិតដល់ទៅ 99.15% ជាមួយនឹងកម្រិតសំឡេង Stereo នេះគឺដោយសារតែ USB Type-C plug នេះ។ ប្រសិនបើអ្នកចង់តេស្តទៅលើកាសស្តាប់នេះ អ្នកអាចរកបានកាសស្តាប់ AKG នេះនៅលើប្រអប់របស់ស្មាតហ្វូន Galaxy Note 10 និង Galaxy Note 10+។
កាសស្តាប់ ANC នេះ មានពណ៌ខ្មៅ ជាមួយនឹងពណ៌ខៀវហើយវាមានតម្លៃ 77,000 វ៉ុននៅក្នុងប្រទេសកូរ៉េខាងត្បូង ដែលមានតម្លៃ $65 USD ។ យ៉ាងណាមិញ ក្រុមហ៊ុនបច្ចេកវិទ្យា Samsung ទំនងជាមិនទាន់ដាក់លក់កាសស្តាប់នេះនៅក្នុងទីផ្សារផ្សេងទៀតនោះទេ ទោះបីជា Samsung UAE នៅមិនទាន់ដាក់លក់វាអនឡាញនៅឡើយទេ។ តើអ្នកចាប់អារម្មណ៍ក្នុងការទិញកាសស្តាប់ ANC Type-C AKG នេះសម្រាប់ប្រើប្រាស់ជាមួយនឹង Galaxy Note 10 ឬ Galaxy ផ្សេងទៀតទេ?