កាលពីខែឧសភាឆ្នាំ 2019 កន្លងទៅនេះ ក្រុមហ៊ុនASUSបានបញ្ចេញផលិតផលរបស់ខ្លួនជាច្រើនដើម្បីប្រារព្ធនូវគម្រប់ខួប 30 ឆ្នាំរបស់ក្រុមហ៊ុននេះ ដែលឥលូវនេះ វាមានវត្តមានក្នុងប្រទេសកម្ពុជាហើយ។ ក្នុងចំណោមផលិតផលទាំងអស់មានកុំព្យូទ័រយួរដៃមួយដែលអ្នកតាមដានជាច្រើនចាប់អារម្មណ៍ច្រើនជាងគេនោះគឺ Zenbook Pro Duo UX581 ដែលជាសមិទ្ធផលថ្មីរបស់ក្រុមហ៊ុន ASUS ដែលជាប្រភេទកុំព្យូទ័រយួរដៃបង្កើតឡើងជាពិសេសសម្រាប់ Content Creatorនិង Designerដែលលក្ខណពិសេសរបស់វាខុសពីកុំព្យូទ័រយួរដៃដ៏ទៃគឺកុំព្យូទ័រយួរដៃមួយនេះភ្ជាប់ជាមួយអេក្រង់២លើក្រោមដែលវាផ្តល់សារះសំខាន់យ៉ាងខ្លាំងរបស់ Power User ដែលត្រូវការតំបន់អេក្រង់ទូលាយនិងអ្នកធ្វើការ Multitaskingជាមួយកម្មវិធីច្រើនក្នុងពេលតែមួយ។ ខាងក្រោមគឺជាលក្ខណះពិសេសមួយចំនួនរបស់ម៉ូឌែល Zenbook Pro Duo UX581
Design/រចនាបទ
Zenbook Pro Duo មានរចនាបទទំនើបដែលមិនធ្លាប់មានពីមុនមកគឺតួខ្លួនខាងលើស្រោបទៅលោហធាតុ មានពណ៌ខៀវដិតបែប Classic និង Premium មានឡូហ្គូ ASUS នៅគៀន ការឌីហ្សាញបែបរង្វើលជារង្វង់ជុំវិញឡូហ្គូព្រមទាំងចាំងពេលនៅក្រោមពន្លឺ មានកម្រាស់2.4cm និងទម្ងន់2.5Kg គុណភាពមានភាពធន់មាំនឹងការប្រើប្រាស់ប្រចាំថ្ងៃដោយវាបានឆ្លងកាត់តេស្ តUS Military Grade MIL-STD 810G។ វាមានអេក្រង់ដល់ទៅ 2 ទំហំ 15.6 អ៊ីញខាងលើនិង Screen pad plus នៅខាងក្រោមកម្រិតបង្ហាញ 4K ទាំង 2 រីឯផ្នែកក្តារចុចវិញមានពន្លឺខាងក្រោម Backlit Keyboard ហើយក៏មានភ្ជាប់នូវ Number pad ដែលជាបន្ទះចុចលេខអេលិចត្រូនិចនៅគៀនខាងស្តាំ។កុំព្យូទ័រយួរដៃនេះក៏បានភ្ជាប់ជាមួយនឹងទ្រនាប់កល់ដៃ Palm Rest មកជាមួយសម្រាប់ជំនួយដល់ការ Typingអោយកាន់តែងាយស្រួល ហើយក៏ភ្ជាប់ជាមួយនឹងប៊ិចStylus សម្រាប់ប្រើប្រាស់ក្នុងការសរសេរគូសវៀសនិងឌីហ្សាញផ្សេងៗ។
Performance/កម្លាំងម៉ាស៊ីន
Zenbook Pro Duo បានបំពាក់ជាមួយ CPU ដល់ទៅ Core I7 ជំនាន់ទី 9 (I7-9750H) អាច Turbo Boost បានដល់ទៅ 4.9GHz ជាមួយនឹងក្រាហ្វិកដល់ទៅ Nvidia RTX2060 GDDR6 VRam 6GB រ៉េមដល់ទៅ16GB អាចបន្ថែមបានដល់ទៅ32GBជាមួយនឹងអង្គចងចាំ1TBប្រភេទ PCIE SSD។និយាយអោយចំទៅកម្លាំងម៉ាស៊ីនកុំព្យូទ័រយួរដៃមួយនេះគឺបង្កើតឡើងសម្រាប់អ្នកធ្វើការជាមួយកម្មវិធីច្រើនក្នុងពេលតែមួយMultitaskingជាពិសេសជាមួយអ្នកដែលមានការងារជា Content Creatorឬ Designer ដែលត្រូវការកម្លាំងម៉ាស៊ីនសម្រាប់រត់កម្មវិធីធំៗដូចជា Adobe Photoshop Illustrator Adobe Lightroom Adobe Premier Pro Autodesk AutoCADឬកម្មវិធីជាច្រើនទៀតដែលអ្នកត្រូវការ។ក្រៅពីនេះសម្រាប់ Streamers/Gamers គឺកុំព្យូទ័រយួរដៃនេះអាចរត់បានយ៉ាងរលូនជាមួយនឹងក្រាហ្វិក Nvidia RTX2060 បូករួមជាមួយនឹងបច្ចេកវិទ្យាRay Tracingរបស់Nvidia វាបានធ្វើអោយការចលនារូបភាពហ្គេមនីមួយៗមានភាពរលូនល្អ កាន់តែរស់រវើកនិងដូចមានជីវិតពិតៗ។
Display/អេក្រង់
អេក្រង់គឺជាចំណុចខ្លាំងរបស់កុំព្យូទ័រយួរដៃ Zenbook Pro Duo ដោយម៉ាស៊ីនមួយគ្រឿងនេះបានបំពាក់ជាមួយនឹងអេក្រង់ដល់ទៅពីរលើក្រោមជាប្រភេទអេក្រង់OLEDមានទំហំ15.6អ៊ីញដែលមានResolutionដល់ទៅ4K UHD (3840 x 2160) កម្រិតពណ៌ 100% DCI P3 អេក្រង់សឹងតែពេញគែមលើក្រោមដោយបរិវេណអេក្រង់ដល់ទៅ89%នៃផ្ទៃកុំព្យូទ័រយួរដៃ។និយាយអោយចំទៅអេក្រង់គឺស្នូលសំខាន់មួយរបស់Content Creatorហើយចំពោះកុំព្យូទ័រយួរដៃនេះគឺបង្កើតជាពិសេសសម្រាប់អ្នកធ្វើការក្នុងវិស័យមួយនេះដោយអេក្រង់នេះគឺផលិតដោយប្រើបច្ចេកវិទ្យាPantone Validated កម្រិតពណ៌ 100% DCI P3 sRGB 133% គឺពណ៌មានសភាពដិតច្បាស់ អេក្រង់ភ្លឺត្រជាក់ភ្នែក គឺយើងអាចឃើញនូវDetailsក្នុងរូបភាពនីមួយៗគ្រប់ជ្រុងរបស់សាច់អេក្រង់ព្រោះវាជាប្រភេទអេក្រង់OLEDជាមួយនឹងបច្ចេកវិទ្យាHDR ហើយយើងក៏អាចប្រើវាក្រោមពន្លឺថ្ងៃដោយមិនបាត់បង់គុណភាពបង្ហាញផងដែរ។
Screenpad Plus/អេក្រង់ខាងក្រោម
សម្រាប់អេក្រង់ទី២ដែលហៅថាScreenpad plusនៅក្រោមវិញក៏មានកម្រិតបង្ហាញ4Kដែរ អាចធ្វើការtouch screenបានយើងក៏អាចប្រើប្រាស់ជាមួយនឹងប៊ិចStylusបានផងដែរ។Screenpad plus នេះមានប្រយោជន៍យ៉ាងខ្លាំងសម្រាប់អ្នកត្រូវការបរិវេណអេក្រង់ធំហើយត្រូវការfunctionsលាតត្រដាងពេញអេក្រង់សម្រាប់ធ្វើការ គឺអេក្រង់ទាំង២លើក្រោមធ្វើការជាមួយគ្នាបានយ៉ាងរលូនដោយពត៌មានបង្ហាញពីអេក្រង់ទី១ទៅអេក្រង់ទី២ធ្វើការឥតទាក់ហើយក៏វាមានមុខងារបន្ថែមដូចជា View Max មុខងារអេក្រង់២ជាប់គ្នា App Switcher ឆ្លាស់អេក្រង់ពីលើទៅក្រោម Add to Launcher ការដាក់បញ្វូលកម្មវិធីសំខាន់ៗចូលជាបណ្តុំ Task Swap ផ្លាស់ប្តូរកម្មវិធី២ផ្សេងគ្នាពីអេក្រង់លើក្រោម Handwriting កម្មវិធីគូសវាសភ្លាមៗ App Navigator ការបើកមើលកម្មវិធីដែលកំពុងប្រើប្រាស់ថ្មីៗ Task Group បណ្តុំកម្មវិធីដែលអ្នកត្រូវបើកភ្លាមៗក្នុងពេលតែមួ Organizer ការរៀបចំកម្មវិធីដែលអ្នកប្រើប្រាស់អោយមានរបៀបរៀបរយ។
Thermal/ប្រព័ន្ធត្រជាក់
ជាទូទៅបើម៉ាស៊ីនកុំព្យូទ័រយួរដៃកាន់តែខ្លាំង កម្តៅកុំព្យូទ័រយួរដៃក៏កាន់តែតែក្តៅដូចគ្នា តែវាមិនមែនជាបញ្ហាសម្រាប់ Zenbook Pro Duo នោះឡើយដោយម៉ាស៊ីនមួយនេះបានបំពាក់ជាមួយនឹងបំពង់កម្តៅHeat Pipeដល់ទៅ5 បន្ទះលោហះត្រជាក់មួយ ជាមួយនឹងកម្លាំងកង្ហារ12V ស្លាបកង្ហារដល់ទៅ71បន្ទះជាមួយនឹងការឌីហ្សាញកង្ហារបែប3D-curved aerodynamicដែលជំនួយដល់ការគ្រប់គ្រងកម្តៅនិងបក់ខ្យល់ចេញចូលរបស់ម៉ាស៊ីនបានល្អប្រសើរ។លើសពីនេះពេលយើងបើកប្រើប្រាស់ កុំព្យូទ័រយួរដៃនេះនឹងបើកហើបបាតផ្ទៃខាងក្រោមErgoLift Hinge គឹវាធ្វើអោយកុំព្យូទ័រយួរដៃនេះមានចន្លោះសម្រាប់បក់ខ្យល់ចេញចូលគ្រប់គ្រាន់ ពេលប្រើប្រាស់។អ្វីដែលពិសេសជាងនេះទៅទៀតនោះកុំព្យូទ័រយួរដៃនេះបានបំពាក់ជាមួយនឹងប៊ូតុងTurbo Fanដែលជាប៊ូតុងមួយដែលអ្នកអាចប្រើនៅពេលរត់ជាមួយនឹងកម្មវិធីធំៗក្នុងគោលបំណងរក្សាកម្តៅនិងPerformanceរបស់អ្នកអោយបានរលូនល្អនៅពេលប្រើប្រាស់។
Other features/មុខងារផ្សេងៗ
Zenbook Pro Duo ដំណើរដោយប្រព័ន្ធប្រតិបត្តិការWindow 10 home កម្លាំងថ្មរដល់ទៅ71Wh 8-cellកាន់បានប្រហែល៨ម៉ោង បំពាក់មុខងារដោះសោរសុវត្ថិភាពFace UnlockជាមួយនឹងIR Cameraដែលយើងអាចដោះសោរបានមិនថាក្នុងកន្លែងងងឹតក្តី។ ចំណែកប្រព័ន្ធសម្លេងរបស់កុំព្យូទ័រយួរដៃមួយនេះត្រូវបានបញ្ជាក់ដោយក្រុមហ៊ុនHarmon Kardonជាក្រុមហ៊ុនជំនាញខាងaudio។ វាក៏មានមុខងារVoice Control ហៅថាCortana និងAlexaដែលអ្នកអាចបញ្ជារវាឬសួរសំនួរផ្សេងៗបានផងដែរ។ វាបានបំពាក់ជាមួយនឹងបច្ចេកWifi 6សម្រាប់រន្ធដោតវិញ Zenbook Pro Duo បានភ្ជាប់ជាមួយរន្ធតំណរជាច្រើនដូចជា រន្ធសាកថ្ម រន្ធដោតកាស់ រន្ធUSB 3.1 Gen 2 ចំនួន២ និងរន្ធThunderbolt 3 USB C។
